NEWS

GYSEN Myanmar Apparel အထည်ချုပ် သမဂ္ဂအဖွဲ့ဝင် ၅၀ ကျော်ကို အလုပ်ထုတ်

CoverLogo
179 Views

ရွှေပြည်သာမြို့နယ်မှာ ဝါးတရာစက်မှုဇုန်ရှိ GYSEN  Myanmar Apparel အထည်ချုပ်စက်ရုံက အလုပ်ရှင်ဟာ  အလုပ်သမားလျှော့ချသည်ဟုဆိုကာ အလုပ်သမားသမဂ္ဂအဖွဲ့၀င်အလုပ်သမား ၅၀ ဦးကို  အလုပ်မှထုတ်ပယ်ခဲ့ပြီး  နေ့စားအလုပ်သမားခေါ်ယူခိုင်းစေနေတယ်လို့ သိရပါတယ်။ 

အဆိုပါ အထည်ချုပ်စက်ရုံဟာ  အလုပ်သမားအင်အား ၇၀၀ ကျော် ဖြင့် လွန်ခဲ့သော ၄ နှစ်ခန့်မှစတင်ဖွင့်လှစ်လုပ်ငန်းလည်ပတ်ခဲ့တာ ဖြစ်ပြီး  လုပ်ငန်းရှင်ဟာ  စက်ရုံရှိ တရားဝင်ဖွဲ့စည်းထားတဲ့  အလုပ်သမား သမဂ္ဂအဖွဲ့ဝင် လုပ်သားများအား လုပ်သားလျော့ချသည်ဟု အ ကြောင်းပြကာ ဧပြီလ ၁၀ ရက်နေ့တွင် button ဌာနနှင့် Iron ဌာနရှိ
သမဂ္ဂခေါင်းဆောင်များအပါအဝင်အလုပ်သမား ၅၀ဦးကို အလုပ်မှထုတ်ခဲ့တာဖြစ်တယ်လို့ သိရပါတယ်။

လုပ်သားအင်အားလျှော့ချတယ်လို့ အကြောင်းပြကာ အလုပ်သမားသမဂ္ဂခေါင်းဆောင်တွေအပါ အလုပ်သမား ၅၀ ကို အလုပ်ထုတ်ခဲ့ပေမဲ့ နေ့စားအလုပ်သမားတွေခေါ်ယူခိုင်းစေနေတာတွေရှိနေတယ်လို့ သိရပါတယ်။
  
မေလ၂၁ ရက်နေ့မှာ  ယခင်အလုပ်မှလျော်ကြေးပေး အလုပ်ထုတ်ခဲ့သော Iron Leader အား Packing Leader အဖြစ်ပြန်လည်ခေါ်ယူပြီး Iron ဌာန တွင် အလုပ် ပြန်လည်လုပ်ခိုင်းခဲ့တာဖြစ်လို့ ၀န်ထမ်းများပြန်လည်ခေါ်ယူခန့်အပ်နေတဲ့အထောက်အထားများအရ လုပ်ငန်းရှင်ဟာ  အမှန်တကယ် အော်ဒါမရှိလို့ လုပ်သားအင်အားလျော့ချခြင်းမဟုတ်ဘဲ စက်ရုံရှိ အလုပ်သမားသမဂ္ဂ ခေါင်းဆောင်များကိုအလုပ်မှ ထုတ်ပါယ်ရန်အတွက် ဟန်ပြ အလုပ်ထုတ်ခဲ့ခြင်းသာဖြစ်တယ်လို့ ဆိုပါတယ်။  

အဲဒီလိုမျိုး အလုပ်သမားသမဂ္ဂခေါင်းဆေင်များကို  အလုပ်မှထုတ်ပယ်ခဲ့တာကြောင့်  အလုပ်သမားညွှန်ကြားရေး ဦးစီး ဌာန သို့ လုပ်ငန်းရှင်အားအရေးယူပေးပါရန်တိုင်ကြားခဲ့သော်လည်း ယခုထိ အရေးယူဆောင်ရွက်ခြင်းမရှိဘူးလို့လည်း STUM ထံမှသိရပါတယ်။ 

ဒါ့အပြင်ပြီးခဲ့တဲ့နှစ် ဖေဖော်ဝါရီလကုန်ပိုင်းက GYSen2 အထည်ချုပ်စက်ရုံ အော်ဒါနည်းလာတာကြောင့်ဆိုပြီး  အလုပ်သမားတွေကို နို့တစ်ကြေးနဲ့လျော်ကြေးပေးကာ စက်ရံပြန်ဖွင့်မယ်ဆိုပါက အလုပ်သမားဟောင်းတွေကို ဦးစားပေးခေါ်ယူမယ်ဆိုတဲ့ သဘောတူညီချက်နဲ့ စက်ရုံရုတ်တရက်ပိတ်ခဲ့ပြီး အလုပ်သမား တွေ အလုပ်လက်မဲ့ဖြစ်ပွားခဲ့ပါတယ်။

 


Related posts

Cover
ပြည်တွင်းမှာ ကလေးလုပ်သားများပြားလာကြောင်း ILO ထုတ်ပြန်
Jun 14, 2024
Cover
ကုန်ဈေးနှုန်းမြင့်တက်မှုတွေကြောင့် လုပ်ခလစာတိုးပေးတဲ့ ကုမ္ပဏီလုပ်ငန်းရှင်အချို့ကို စစ်ကောင်စီက ပုဒ်မ ၅၀၅ ဖြင့်ဖမ်းဆီးစစ်ဆေး
Jun 12, 2024
Cover
ဥပဒေမဲ့အလုပ်ထုတ်တာတွေမလုပ်ဖို့နဲ့ တနင်္ဂနွေနေ့နားရက်ပေးဖို့ အလုပ်သမားတွေပြော
Jun 12, 2024
Cover
ILO ညီလာခံတွင် ဆွေးနွေးနေသည့် အမျိူးသမီးခေါင်းဆောင်(၂)ဦးအား ထောက်ခံသည့် ကမ်းပိန်းပြုလုပ်
Jun 12, 2024
Cover
Made စီမံချက်အား MICS အလုပ်သမားအဖွဲ့ချုပ် ပူးပေါင်းဆောင်ရွက်မှုမရှိကြောင်း ထပ်မံထုတ်ပြန်
Jun 12, 2024
Cover
အတင်းအကျပ် အချိန်ပိုခေါ်ယူမှုများ ဖြစ်ပေါ်နေပြီး၊ လုပ်သားတဦး နာရီ ၁၂၀ အထိ အချိန်ပို လုပ်ကိုင်နေရ
Jun 12, 2024
Cover
အထည်စံချိန်ကို ချုပ်လုပ်နိုင်တာထက်ပိုမိုသတ်မှတ်တောင်းခံပြီး မပြည့်ပါက အချိန်ပိုကြေးမပေးဘဲ ခိုင်းစေ
Jun 11, 2024
Cover
New Talent အထည်ချုပ်စက်ရုံက အချိန်ပိုခိုင်းစေမှုအား အလုပ်မပြီးစီးလို့ဆိုပြီး လက်မှတ်ထိုးခိုင်း
Jun 11, 2024