ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတစ်ရာစက်မှုဇုန်ရှိ GTIG U&G (ရုံ-၁) အထည်ချုပ်စက်ရုံမှ စက်ရုံလုပ်သား တစ်ထောင်ကျော်ခန့်သည် မေလ ၂၇ ရက်နေ့က အနည်းဆုံးလုပ်ခလစာ Day ကြေး (၁၃,၀၀၀) ကျပ် နှင့် အချိန်ပိုကြေး (၃,၀၀၀) ကျပ် ရရှိရေးအတွက် အလုပ်ရပ်တောင်းဆိုပြီး ပြေလည်မှုရခဲ့တယ်လို့သိရပါတယ်။
"ယနေ့ နေ့လည်မှစတင်တောင်းဆိုခဲ့သည့်လုပ်ခလစာ နှင့်ပတ်သက်သည့်တောင်းဆိုမှူ မှာ ၃ နာရီအကြာ ပြေလည်မှူရရှိပြီး တောင်းဆိုချက်များအားလုံးမှာ ရုံ(၂) နှင့်အတူတူ ခံစားခွင့်ရရှိပြီး သဘောတူစာချုပ် ချုပ်ဆိုနိုင်ခဲ့တယ်" လို့ STUM က ထုတ်ပြန်ထားပါတယ်။
GTIG 2 စက်ရုံ မှ အနည်းဆုံးအခကြေးငွေ (၁၃,၀၀၀)ကျပ်၊ အချိန်ပိုကြေး (၃,၀၀၀) ကျပ် ရရှိရေး တောင်းဆိုခဲ့ရာ ညှိနှိုင်းမှုအရ Day ကြေး (၁၁,၅၀၀)ကျပ်၊ အချိန်ပိုကြေး (၂,၁၀၀) ကျပ်အား သဘောတူညီမှုရရှိခဲ့ပြီး နှစ်ဘက်သဘောတူစာချုပ် ချုပ်ဆိုင်နိုင်ခဲ့ကြတာပါ။
မြန်မာနိုင်ငံမှာ ကုန်စျေးနှုန်းနှင့် လူနေမှုစရိတ်မြင့်မားလာတဲ့အတွက် လက်ရှိ သတ်မှတ်ထားတဲ့ အနည်းဆုံးလုပ်ခလစာဟာ စက်ရုံလုပ်သားများ စားဝတ်နေရေးအတွက်ဖူလုံမှုမရှိတော့တဲ့ အတွက် အခြေခံစက်ရုံလုပ်သားတွေအနေနဲ့ အခြေခံလုပ်ခလစာ တိုးမြင့်ရေးအတွက် တောင်းဆိုမှုတွေများ လာပါတယ်။
