ရန်ကုန်တိုင်း ရွှေပြည်သာမြို့နယ် ဝါးတရာစက်မှုဇုန် အမှတ် - မှာရှိတဲ့ GTIG Guohua Glory အထည်ချုပ်စက်ရုံမှာ လုပ်သား တစ်ထောင်ဝန်းကျင်လုပ်ငန်းခွင်ရပ်နားပြီး ဒေးကြေး ၁၃၀၀၀ ကျပ်တိုးမြှင့်ပေးရေးတောင်းဆို နေပါတယ်။
တရုတ်နိုင်ငံသားပိုင်လုပ်ငန်းဖြစ်ပြီး လုပ်ငန်းခွင်မှာ WCC နဲ့ အလုပ်သမားသမဂ္ဂဖွဲ့စည်းထားတယ်လို့ သိရပါတယ်။
အလုပ်သမားတွေအနေနဲ့ ဒေးကြေးတိုးမြှင့်ရေးတောင်းဆိုရာမှာ ကုန်ဈေးနှုန်းကြီးမြင့်မှုကြောင့် စားဝတ်နေရေးအခက်အခဲတွေကြုံတွေ့နေရလို့ ခေတ်ကာလနဲ့ လျော်ညီတဲ့ လုပ်ခတိုးပေးဖို့ အလုပ်ခွင်ရပ်ပြီးတောင်းဆိုကြတာလို့ သိရပါတယ်။
အဲ့ဒီလုပ်ငန်းခွင်မှာ ONLY, Bestseller စတဲ့ အမှတ်တံဆိပ်တွေကို အလုပ်သမား တစ်ထောင်ကျော်နဲ့ ချုပ်လုပ်လည်ပတ်နေတာပါ။
Iron section က အပူခံကြေး တလ ၆၀၀၀၀ တောင်းတာကို လုပ်ငန်းရှင်က တသောင်းဘဲ တိုးပေးလိုက်တာစပြီး အလုပ်သမားတွေ အလုပ်ရပ်ကာ တောင်းဆိုမှုစတင်ခဲ့တာလို့ သိရပါတယ်။
"ဒေးကြေး ၁၃၀၀၀ တောင်းထားပါတယ်။ IRON ဌာနကတော့ အပူခံကြေး ၆၀၀၀၀ ပေးဖို့ ပါတယ်"လို့ အလုပ်သမားကပြောပါတယ်။
စက်ရုံ ၄ ရုံ ၀န်းတခုထဲမှာ ဖွင့်လှစ်လုပ်ကိုင်တာဖြစ်ပြီး GTIG 2 စက်ရုံမှာ တောင်းဆိုမှုပြုလုပ်နေတာလို့ သိရပါတယ်။
