ရန်ကုန်တိုင်းဒေသကြီး၊ ဝါးတစ်ရာစက်မှူဇုန်ရှိ တရုတ်နိုင်ငံသားပိုင် GTIG Guohua Glory (GTIG 2) အထည်ချုပ်စက်ရုံလုပ်သားတွေ အခြေခံလုပ်လစာ တိုးမြှင့်ရေး တောင်းဆို ရာ တစ်နေလုပ်ခ Day ကြေး (၁၁,၅၀၀)ကျပ်ပေးရန် နှစ်ဘက် သဘောတူညီမှုရရှိခဲ့တယ်လို့ သိရပါတယ်။
ရွှေပြည်သာမြို့နယ်၊ ဝါးတစ်ရာ စက်မှုဇုန်ရှိ တရုတ်နိုင်ငံသားပိုင် GTIG 2 စက်ရုံ မှ အနည်းဆုံးအခကြေးငွေ (၁၃,၀၀၀)ကျပ်၊ အချိန်ပိုကြေး (၃,၀၀၀) ကျပ် ရရှိရေး တောင်းဆိုခဲ့ရာ ညှိနှိုင်းမှုအရ Day ကြေး (၁၁,၅၀၀)ကျပ်၊ အချိန်ပိုကြေး (၂,၁၀၀) ကျပ်အား သဘောတူညီမှုရရှိခဲ့ပြီး နှစ်ဘက်သဘောတူစာချုပ် ချုပ်ဆိုင်နိုင်ခဲ့ကြတယ်လို့ STUM က ထုတ်ပြန်ပါတယ်။
နှစ်ဘက်သဘောတူညီစာချုပ်ပါ အချက်များမှာ Guohua Glory CO., LTD စက်ရုံမှ ဝန်ထမ်းများသည် Day ကြေး (၁၂၀၀၀)ကျပ် အချိန်ပိုကြေး ၁ နာရီ (၂၃၀ဝ)ကျပ် တိုးပေးရန် တောင်းဆိုမှုနှင့်ပတ်သက်၍ (၂၆.၅.၂၀၂၅) ရက်နေ့တွင် အလုပ်သမားရေးရာ မြို့နယ် ပေါင်းစပ် အဖွဲ့မှ အလုပ်ရှင် ကိုယ်စားလှယ်များနှင့် အလုပ်သမားကိုယ်စားလှယ် များအား ညှိနှိုင်းမူအရ သဘောတူညီမူရခဲ့ကြောင်း ဆိုပါတယ်။
သဘောတူညီ ပထမ အချက်အရ အလုပ်ရှင်မှ ယခင် ပေးချေသော ဒေးကြေး ၅၈၀၀ ကျပ်+ ထောက်ပံ့ကြေး ၃၂ဝဝကျပ် မှ ယခုအခါဒေးကြေး ၅၈၀၀ကျပ်+ ထောက်ပံ့ကြေး ၅၇၀၀ကျပ် ဖြင့် စုစုပေါင်း ၁၁၅၀၀ ကျပ်နှင့် အချိန်ပို ကြေးအား ယခင်ကပေးချေသော တစ်နာရီလျှင် ၂၀၀ဝကျပ် အား တစ်နာရီလျှင် ၂၁၀၀ကျပ်ဖြင့်ပေးချေမှာကို သဘောတူထားတယ်လို့ ဆိုပါတယ်။
တောင်းဆို ခဲ့တဲ့ (၂၆.၅.၂၀၂၅) ရက်နေ့ကို မည်သည့်အကျိုးခံစား ခွင့်မှ မရှိဘဲ လစာ ဖြတ်တောက်မည်ဖြစ်ကြောင်းအား ဝန်ထမ်းများမှ သဘောတူညီထားကြောင်း ဖော်ပြထားပါတယ်။
