ပြည်ပရောက် အလုပ်သမားတွေပါ ရှင့်။
လာအိုနိုင်ငံက FUANLAI Laos ခြေအိတ်စက်ရုံမှာ အလုပ်လုပ်ပါတယ်။
စက်ဘက် လျော်ကြေးငွေ မတရားတောင်းခံနေရလို့ ဝန်းထမ်းတွေ အခက်ခဲတွေ့နေရလို့ပါ ။ အကူညီတောင်း ပါတယ်ရှင့်။
အလုပ်သဘောအရစာချုပ် ၃ နှစ်ချုပ် ထားရပါတယ်။ အကြောင်းအမျိုးမျိုးကြောင့် အလုပ်ကထွက်မယ်ဆိုရင် စက်ရုံက ဒေါ်လာ ၁၈၀၀ လျော်ကြေးတောင်းပါတယ်။
စာချုပ် နှစ်မပြည့်ခင် ကျန်းမာရေးမကောင်းလို့ပဲ ဖြစ်ဖြစ်၊ မိသားစုဝင် ကျန်းမာရေး ကြောင့် ဖြစ်ဖြစ် ပြန်မယ်ဆို ဒေါ်လာ ၁၀၀၀ လျော်ကြေး တောင်းပါတယ်။ လေယာဉ်လက်မှတ်ကို အလုပ်သမားကိုယ်တိုင် ဝယ်ရပါတယ်။
တစ်ချို့ အလုပ်သမားတွေဆို လျော်ကြေးမတတ်နိုင်လို့ အန္တရာယ်တွေကြားကနေ နယ်စပ်ကတစ်ဆင့် ထွက်ပြေးရတဲ့အထိပါရှင့်။
ညီမလည်း ဒီစက်ရုံမှာ လက်ရှိ လုပ်ကိုင်နေပါတယ်။ လာအိုမှာရှိတဲ့ မြန်မာသံရုံးကလည်း အကူညီတောင်းပါတယ်။ ဘာတစ်ခုမှ မကူညီပါဘူးရှင့် ။
လာအိုနိုင်ငံ စက်ရုံက အလုပ်သမားတယောက် ခေါ်မယ်ဆို ကုန်ကျစာရိတ် ဘယ်လောက်ရှိတယ်ဆိုတာ အလုပ်သမားတိုင်းသိသလို၊ သက်ဆိုင်ရာ အာဏာပိုင်တွေလည်း သိပါတယ်။
ဒီလို သိတာတောင် မတရားမှုကို ဖြေရှင်း ကူညီပေးတာ မရှိပါဘူး ရှင့်။
တခြား စက်ရုံတွေဆို လျော်ကြေး ဒေါ်လာ ၅၀၀ ဝန်းကျင်ပဲ တောင်းပါတယ်ရှင့်။
ညီမတို့ အလုပ်သမားတွေ အဆင်မပြေကြလို့ ပြည်ပကို မိသားစုတွေနဲ့ ခွဲခွာပြီး လာရောက် လုပ်ကိုင်နေကြတာပါ။
အခု FUANLAI Laos ခြေအိတ်စက်ရုံရဲ့ လျော်ကြေးနှုန်း သတ်မှတ်တာက မတရားများလွန်းနေလို့ အကူအညီတောင်းဆိုရခြင်းဖြစ်ပါတယ်ရှင့်။
FUANLAI Laos ခြေအိတ်စက်ရုံကတော့ Vientiane မြို့၊ Saysettha District ၊ Saysettha Development Zone မှာ ရှိပါတယ်။
