NEWS

ETEC နှင့် EI အီလက်ထရောနှစ်စက်ရုံ အလုပ်သမားများ ဆက်လက်တောင်းဆိုနေ

CoverLogo
185 Views
ETEC နဲ့ EI အီလက်ထရောနှစ်စက်ရုံ နှစ်ရုံက လုပ်သားတွေ ဒေးကြေး ၈၂၀၀ ကျပ်ကို လက်မခံဘဲ တောင်းဆိုနေတာ ၃ ရက်မြောက်ရှိလာပေမဲ့ စက်ရုံက ညှိနှိုင်းတာတွေ ပြုလုပ်တာ မရှိဘူးလို့ အလုပ်သမားတွေက ပြောပါတယ်။
 
“ စက်ရုံဘက်ကတော့ ညှိနှိုင်းတာတွေ မလုပ်ဘူး။ မနက်ဖြန် ကတ်မပါတဲ့သူ၊ ယူနီဖောင်း မဝတ်တဲ့ သူတွေ စက်ရုံထဲပေးမဝင်ဘူးပြောနေတယ်။ အလုပ်သမားတွေ အားလုံးနီးပါး က စက်ရုံထဲမှာပဲ အဲ့ပစ္စည်းတွေ သိမ်းကြတယ်။”လို့ ETEC အီလက်ထရောနှစ်စက်ရုံ အလုပ်သမားတွေက ပြောပါတယ်။
 
EI နဲ့ ETEC လိပ်စာတူ စက်ရုံတွေဖြစ်ပြီး နှစ်ရုံပေါင်း တောင်းဆိုမှုတွေ လုပ်နေတာဖြစ်ပါတယ်။ စက်ရုံ နှစ်ရုံထဲ ETEC စက်ရုံက ဇွန်လ၂ ရက်မှာ စတင်ပြီးတောင်းဆိုမှုတွေ ပြုလုပ်ခဲ့တာ ဖြစ်ပါတယ်။ တောင်းဆိုမှုတွေ ပြုလုပ်ခဲ့တဲ့ ညနေပိုင်းမှာပဲ အလုပ်သမားတွေနဲ့ အလုပ်ရှင်ကြား ဒေးကြေး ၈၂၀၀ ကို ညှိနှိုင်း သဘောတူခဲ့တယ်ဆိုပါတယ်။ ဒါပေမဲ့ ဒီပမာဏကို အလုပ်သမားအများစုက သဘောမတူခဲ့ ကြလို့ ဇွန် ၄ ရက်မှာ ထပ်မံ တောင်းဆိုခဲ့ကြတာလို့ အလုပ်သမားတွေက ပြောပါတယ်။
 
“ ၂ ရက်နေ့ ပြန်မဲ့ အချိန်မှာ သဘောတူချက်ရတယ်လို့ ကြားတယ်။ ၃ ရက်နေ့မနက်အထိ အလုပ်သမား တွေကို ဒေးကြေး ဘယ်လောက်ဆိုတာမျိုး ဆွေးနွေးတာ ချပြတာ မရှိခဲ့ဘူး။ အလုပ်သမားတွေက ဒီကိစ္စ မပြတ်သေးဘူးဘဲ နားလည်ထားကြတယ်။ စက်ရုံနဲ့ သဘောတူချက်ရတယ်ဆိုတဲ့ ခေါင်းဆောင် တွေကိုတောင် အဲ့နေ့ မနက်မှ လက်မှတ်ထိုးခိုင်းခဲ့တာ။ အလုပ်သမားတွေ လက်မှတ်ထိုးခိုင်း တော့ လည်း ထိုးရတဲ့ အကြောင်းအရာလည်းမပါဘူး၊ ဖတ်လည်း မပြခဲ့ဘူး၊
ဘာအတွက်ဆိုတာတောင် မပြောခဲ့ဘူး.” လို့ အလုပ်သမားတွေက ပြောပါတယ်။
 
ညှိနှိုင်ရရှိခဲ့တဲ့ ဒေးကြေး ၈၂၀၀ ကို လက်မခံနိုင်တာကြောင့် ဇွန်လ ၄ ရက်မှာ ETEC အလုပ်သမား အားလုံးနီးပါးနဲ့ EI အလုပ်သမားတွေက ဒေးကြေး ကျပ် ၁၃၀၀၀ တိုးပေးဖို့ ဆက်လက်တောင်းဆိုခဲ့တာ အလုပ်သမားတွေက ပြောထားပါတယ်။
 
စက်ရုံဘက်ကထုတ်ပြန်တဲ့ နှစ်ဖက်သဘောတူချက်မှာ သက်သေအဖြစ် ဘယ်အဖွဲ့အစည်းမှ မပါဝင်တာတွေ့ရတဲ့ အပြင် လုပ်ငန်းခွင် မဝင်ရောက်တဲ့ အလုပ်သမားတွေကို လုပ်ခလစာဒေးကြေး မပေးဘူးဆိုပြီးလည်း ထုတ်ပြန်ထားပါတယ်။

Related posts

Cover
Myanmar Fala Fala အလုပ်သမားများ တောင်းဆိုမှု မပြီးပြတ်
Jul 26, 2025
Cover
လူမှုဖူလုံရေးခံစားခွင့်နဲ့ အလုပ်သမားအခွင့်ရေးတွေနစ်နာနေဟုဆို
Jul 26, 2025
Cover
HR မန်နေဂျာကိုအလုပ်ထုတ်ပေးဖို့ အလုပ်သမားတွေ စုပေါင်းတောင်းဆိုမှုဖြစ်
Jul 25, 2025
Cover
Chi Mei အထည်ချုပ်စက်ရုံ အချိန်ပို ခွင့်ပြုချက်မဲ့ ခိုင်းစေ နေ
Jul 25, 2025
Cover
New Plus အထည်ချုပ် စက်လိုင်းကိုင် နိုင်ငံခြားသားက စက်ချုပ်လုပ်သားတဦးအား ကိုယ်ထိလက်ရောက်ပြုမူ
Jul 24, 2025
Cover
Bright Future Gt Appeal အထည်ချုပ်စက်ရုံမှာ အချိန်ပို အောလင်း နေ့စဉ် ဆင်းနေရ
Jul 23, 2025
Cover
အလုပ်ခွင် အတွင်း အခွင့်အရေးချိုးဖောက်ကျူးလွန်မှုတွေပြုပြင်ပေးဖို့ လိုလားနေဟုဆို
Jul 23, 2025
Cover
ဥပဒေမဲ့အလုပ်ထုတ်တာမလုပ်ဖို့နဲ့ကျန်းမာရေးထိခိုက်တဲ့အလုပ်ခွင်ကို ပြုပြင်ပေးဖို့အလုပ်သမားတွေလိုလားနေ
Jul 23, 2025