Dishang kenny (Myanmar)Garment Co.Ltd က မင်းကြီးမဟာမင်းခေါင်လမ်း၊ ရွှေသံလွင်စက်မှုဇုန် ၊ လှိုင်သာယာမြို့နယ်မှာ လုပ်သားအင်အား ၈၀၀ နဲ့လုပ်ကိုင်နေတဲ့ တရုတ်နိုင်ငံသားပိုင် စက်ရုံ ပါ။ စက်ရုံမှာ PIAZZAITALIA , Defacto, Yamamay တံဆိပ်တွေ ချုပ်ပါတယ်။
စက်ရုံတာဝန်ရှိသူတွေက အလုပ်သမားတွေကို နေ့စဉ် (အထည်) စံချိန် မတရားတောင်း ခိုင်းစေပါတယ်။ စံချိန်မပြည့်ဘူးဆိုပြီးလည်း အောစူပါ၊ စူပါတွေက အော်ဟစ်ဆဲဆို ဆူပူပါတယ်။ အဲဒီစံချိန်အတွက် အလုပ် မပြီးဘူးဆိုပြီး ညနက် ၁၁နာရီအထိ ရက်ဆက် အချိန်ပို ခေါ်ပါတယ်။ ကိုယ့်သဘောနဲ့ကိုယ် အလုပ် ဆင်းတယ် ဆိုပြီး အလုပ်သမားတွေကို လက်မှတ်ထိုးခိုင်းပါတယ်။ အစိုးရပိတ်ရက်များကိုလည်း အလုပ်ဆင်းခိုင်းပါတယ်။ ရှိပါသည်။ မနက်ဆို ၇ နာရီ ၁၅ ကတည်းက မီတင်လုပ်ပါတယ်။
လုပ်ငန်းခွင်ထဲမှာ အလုပ်သမားတွေကို တရုတ်နိုင်ငံသားတွေ ကိုယ်တိုင်အုပ်ချုပ်ပါတယ်။ အလုပ်သမားတွေကို အလုပ်အချိန် မဟုတ်ဘဲ အလုပ်မစရကောင်းလားဆိုပြီး အဲဒီတရုတ်တွေက ပြောဆိုဆူပူပါတယ်။ အလုပ်သမားတွေ ပြန်ပြောရင်လည်း သတိပေးလက်မှတ် (ဝမ်နင်) ထိုးခိုင်းပါတယ်။
Finishing ဌာနက QC တရုတ်(ဆရာ)ကျွမ်းကျင်သူ တစ်ယောက်က လုပ်ငန်းခွင်ထဲက မိန်းကလေးငယ်တွေကို ကိုယ်လက် ထိကပါးရိကပါး လုပ်ပါတယ်။ စာရိတ္တမကောင်းသူ၊ အပြောအဆို မိုက်ရိုင်းကြမ်းတမ်းတွေကို ခေါင်းဆောင်တင်ပါတယ်။
မြန်မာမန်နေဂျာ ရှိပေမဲ့ အလုပ်သမားတွေကို အကာအကွယ်မပေးပါ။
အလုပ်ရှိရင် နေ့စားအလုပ်သမားတွေကို စက်ရုံက ခေါ်ခိုင်းပါတယ်၊ အလုပ်မရှိပါက အလုပ်ထုတ်ပါတယ်။ ဘာခံစားခွင့်မှ မရပါဘူး။
စက်ရုံကို လာရောက်စစ်ဆေးတဲ့ အခါမှာလည်း စက်ရုံတာဝန်ရှိသူတွေက ကြိုတင်သင်ကြားထားပြီး လိမ်လည် ဖြေကြား ခိုင်းပါတယ်။
စက်ရုံ အလုပ်သမားတွေမှာ စားဝတ်နေရေးအတွက် အမျိုးမျိုး သည်းခံလုပ်ကိုင်နေရပါတယ်။ စိတ်ဒုက္ခလည်း ရောက်ကြရပါတယ်။ အလုပ်သမားတွေကို အကူအညီပေးစေချင်ပါတယ်။
