Diamond Rental Myanmar ကုမ္ပဏီက စာချုပ်အလုပ်သမားတွေရဲ့ လုပ်သက်တွေ အကျုံးမဝင်ဘူးဆိုပြီး ပြောဆိုတယ်လို့ အလုပ်သမားတွေက ပြောပါတယ်။ စာချုပ် ပြန်လည်ချုပ်ဆိုဖို့ ၆ ရက် နားရက်ပေးနောက် စာချုပ် ချုပ်မယ်ဆိုမယ်ဆိုပြိး ပြောဆိုထားတယ်လို့ အလုပ်သမားတွေက ပြောပါတယ်။
“၆ ရက်ပိတ်ပြီး စဉ်းစားခိုင်းထားတယ်။ Mitsubishi Corporation စီမံမှုနဲ့ လုပ်ကိုင်ထားတဲ့ လုပ်သက်တွေကို အခု Noda က လွဲလိုက်တယ်။ ရှေ့မှာလုပ်ထား လုပ်သက်တွေကို အသိအမှတ်မပြုဘူး ပြောတယ်။ လုပ်သက် အသစ်နဲ့ စမယ်၊ ဒါကို သဘောတူရင် ဖွင့်ရက်မှာ စာချုပ်မှာ လက်မှတ်ထိုးဖို့ ကုမ္ပဏီက ပြောထားတယ်။ သဘောမတူရင် စာချုပ်မချုပ်ဘူး ။ “ လို့ အလုပ်သမားတွေက ပြောပါတယ်။
Diamond Rental Myanmar ကုမ္ပဏီကို Mitsubishi Corporation နဲ့ Nikken Corporation တို့က ရှယ်ယာ ပိုင်ဆိုင်တယ်ဆိုပြီး ကုမ္ပဏီရဲ့ ဝက်ဆိုဒ်မှာ ဖော်ပြထားပါတယ်။ ကုမ္ပဏီကိုတော့ ၂၀၁၆ ခုနှစ်မှ တည်ထောင်ခဲ့ပြီး ၂၀၂၃ ခုနှစ်မှာ Noda ကုမ္ပဏီက ကုမ္ပဏီစီမံမှုကို Mitsubishi Corporation ဆီက လွဲယူခဲ့တယ်လို့ အလုပ်သမား တွေက ပြောပါတယ်။
“Nada က ကုမ္ပဏီကို ပြောင်းယူပြီးကတည်း စာချုပ်ဝန်ထမ်းတွေကို လျှော့ချ နေတယ်။ စာချုပ်ဝန်ထမ်းကနေ ပါမစ်ဝန်ထမ်း ဖြစ်ဖို့ နှစ်ရှည် လုပ်ကိုင်လာခဲ့ရတာ။ အခုက စာချုပ်ဝန်ထမ်းတွေကိုပဲ ဦးတည် လျှော့နေတယ် ။ ရှေ့မှာလည်း အလုပ်သမားတွေ လျှော့တာ မနည်းတော့ဘူး။ ၆ ရက်နားပြီးမှ စာချုပ် ပြန်ချုပ်ပေးမယ် ဆိုတော့ ရှေ့က လုပ်ခဲ့တဲ့ လုပ်သက်တွေက အရမ်း နစ်နာရတယ်။ အဲ့အတွက် မေးတော့ ဘာမှ လုပ်မပေးဘူးဆိုပြီး ပြောတယ်။ " လို စာချုပ်ဝန်ထမ်း တစ်ဦးက ပြောလာပါတယ်။
Mitsubishi Corporation က ကုမ္ပဏီကို စီမံခန့်ခွဲကဆို အလုပ်သမားတွေကို EC စာချုပ် ချူပ်ဆိုတာမရှိဘဲ အရပ် စာချုပ်နဲ့ လုပ်ကိုင်းစေခဲ့တာလို့ အလုပ်သမားတွေက ပြောပါတယ်။ ၂၀၂၃ ခုနှစ်မှာ Diamond Rental Myanmar ကုမ္ပဏီကို Noda က လွဲပြောင်းရယူပြီးမှ EC စာချုပ်ကို ပုံစံအတိုင်းချုပ်ဆိုခဲ့တာလို့ အလုပ်သမားတွေက ပြောပါ တယ်။
“စက်ရုံမှာ စာချုပ် ဝန်ထမ်းက ၅၀ နဲ့ အမြဲတမ်းခန့် ဝန်ထမ်း ၅၀ လောက်ဆီ ရှိတယ်။ အမြဲတမ်းခန့် ဝန်ထမ်းတွေ က အင်ဂျင်နီယာလို့ ကျွမ်းကျင်ဝန်ထမ်းတွေ၊ ရုံးဝန်ထမ်းတွေပါ။ စာချုပ်ဝန်ထမ်းကတော့ အရင် ၁၀၀ လောက် ကနေ ၄ ကြိမ်လျှော့လိုက်တာနဲ့ အခု ၅၀ လောက်ပဲကျန်တယ်။ “ လို့ ပြောပါတယ်။
Diamond Rental Myanmar Company Limited က ဂျပန်အစိုးရရဲ့ အထောက်အပံ Official Development Assistant (ODA) အစီအစဉ်ရဲ့ မြန်မာနိုင်ငံ အတွင်းက စီမံကိန်းတွေတော်တော်များများ ပါဝင်လုပ်ကိုင်ခဲ့တယ်လို့ အလုပ်သမားတွေက ပြောပါတယ်။ ရထားလမ်း အဆင့်မြှင့်တာ၊ တံတားဆောက်တာ၊ ဆိပ်ကမ်းတွေ၊ အထူး စီးပွားရေးဇုန် တည်ဆောက်ရေး လုပ်ငန်းတွေမှာ လုပ်ကိုင်ခဲ့ပြီး လက်ရှိ ဆောက်လုပ်နေတဲ့ ဒလ-ရန်ကုန် တံတား စီမံကိန်းမှာလည်း ပါဝင်လုပ်ကိုင်နေတယ်လို့ ကုမ္ပဏီဝန််ထမ်းတွေဆီက သိရပါတယ်။
" အချိန်တွေ ရင်းပြီး စာချုပ်ဝန်ထမ်း နဲ့လုပ်တာက ပါမစ်ဝန်ထမ်း ဖြစ်ဖို ကြိုးစားရတာပါ။ အခု လျှော့ချတဲ့ အလုပ်သမားတွေက စာချုပ် ဝန်ထမ်းတွေ၊ လုပ်သက်ရင့်သူတွေပါ ။ ဒီလို အလုပ်သမားတွေအပေါ် တရားမဝင် လုပ်ဆောင်တာတွေကို ဂျပန်အစိုးရ နဲ့ JICA ကို သံရုံးကနေတဆင့် အကြောင်းကြားထားတယ်။ ဒီပြင်လည်း ဂျပန်နိုင်ငံက ဂျပန်နိုင်ငံသားတွေ သိရှိအောင် ဆက်သွယ် လုပ်ဆောင်သွားမယ်လို့။” အလုပ်သမားရေး ဆောင်ရွက်သူ တဦးက ပြောပါတယ်။
Diamond Rental Myanmar Company Limited က စက်ယန္တရားနဲ့ စက်ကိရိယာတွေ ငှားရမ်းတဲ့ ကုမ္ပဏီဖြစ်ပြီး ရန်ကုန်မြို၊ သီလဝါစက်မှုဇုန်၊ သီလဝါ လမ်းမကြီးမှာ လုပ်ငန်းလုပ်ကိုင်နေတယ်လို သိရပါတယ်။
