အာဏာသိမ်းပြီးကာလစစ်အာဏာရှင်ဆန့်ကျင်ရေးဆန္ဒပြပွဲတွေမှာပါဝင်တယ်ဆိုပြီး
မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ်(CTUM)မှအမျိုးသမီးရေးရာကော်မတီဥက္ကဌတဦးဖြစ်တဲ့မဆွေဆွေခိုင်ရဲ့ဇာတိရွာကမိဘတွေအိမ်အထိစစ်ကောင်စီကလိုက်လံရှာဖွေတာတွေပြုလုပ်နေတယ်လို့သိရပါတယ်။
"ပထမကကျမနေတဲ့အဆောင်မှာဝရမ်းထုတ်ထားတယ်ဆိုပြီး၂ခါလောက်လာရှာတယ်ပထမတခေါက်ကရက်ကွက်လူကြီးတွေနဲ့နောက်တခေါက်ကတော့စစ်ကားသုံးစီးလောက်နဲ့လာရှာတယ်ပြီးတော့ရွာကမိဘတွေအိမ်လဲဝင်မွှေပြီးစုဗူးနဲ့လက်ပ်တော့တလုံးကိုယူသွားတယ်"လို့မဆွေဆွေခိုင်ကMLNကိုပြောပါတယ်။
အာဏာသိမ်းပြီးကာလအလုပ်သမားအမျိုးသမီးဆန္ဒပြပွဲတွေမှာပါဝင်ခဲ့တဲ့မဆွေဆွေခိုင်ကိုသူနေထိုင်တဲ့ကမာရွတ်မြို့နယ်ထဲကအဆောင်အပြင်အလုပ်ထဲမှာပါဝရမ်းထုတ်ထားလို့ယခုချိန်အထိတိမ်းရှောင်နေရဆဲပါ။
"ရှောင်ရတိမ်းရတာကျမတို့အမျိုးသမီးတွေအနေနဲ့မလုံခြုံဘူးအလုပ်ကလဲလက်မဲ့ဆိုတော့ကျန်းမာရေးတခုခုဖြစ်ရင်တောင်ဆေးကုသဖို့မလွယ်ဖူး"လို့သမကဆက်ပြောပါတယ်။
ဒီလိုတိမ်းရှောင်ေနရပေမယ့်CTUMအပြင်အထည်ချုပ်လုပ်သားသမဂ္ဂIWFMမှာပါအမျိုးသမီးရေးရာကော်မတီအဖြစ်ပါဝင်နေတဲ့မဆွေဆွေခိုင်ကအလုပ်သမားအခွင့်အရေးချိုးဖောက်ခံရမှု့တွေအတွက်သူတို့မှာတရားဝင်လုပ်ပိုင်ခွင့်ရှိတယ်လို့ဆိုပါတယ်။
"လက်ရှိအလုပ်သမားတွေကလဲဒုက္ခရောက်နေကြတယ်စက်ရုံတွေကလူတွေလျော့တယ်အိုဗာတိုင်ကြေးမပေးပဲအိုဗာတိုင်တွေခေါ်နေတာတွေလဲရှိနေတယ်ပေါ့ဒီကိစ္စတွေအတွက်ကျမတို့မှာလုပ်ပိုင်ခွင့်ရှိတယ်"လို့မဆွေဆွေခိုင်ကပြောပါတယ်။
လက်ရှိတိမ်းရှောင်နေရတဲ့အခြေအနေမှာသူမရဲ့အခြေအနထက်မိဘတွေရဲ့လုံခြုံရေးကိုပိုပြီးစိတ်ပူနေရတယ်လို့သူမကဆိုပါတယ်။
