တောင်ကိုရီးယားနိုင်ငံရှိ မြန်မာနိုင်ငံ သားတွေ အတွက် မည်သူမည်ဝါဖြစ်ကြောင်း သက်သေခံလက်မှတ် C of I လျှောက်ထားတဲ့ နူန်းထားကို ကိုရီးယားဝမ်ငွေ ၃သောင်း အဖြစ် ပြောင်းလဲ ကောက်ခံမယ်လို့ ဆိုးလ်မြို့ရှိ မြန်မာသံရုံးက ဖေဖေါ်ဝါရီ ၉ရက်မှာ ကြေညာလိုက်ပါတယ်။
ယခင်က မည်သူမည်ဝါဖြစ်ကြောင်းသက်ခံလက်မှတ်( C of I)အတွက် ကိုရီးယားဝမ်ငွေ ၄သောင်း ကောက်ယူရာကနေ အခုဖေဖေါ်ဝါရီလ ၄ရက်က စပြီး ကိုရီးယားဝမ် ငွေ ၃သောင်း သို့ ပြောင်းလဲ ကောက်ယူမယ်လို့ ကြေညာထားပါတယ်။
မည်သူမည်ဝါဖြစ်ကြောင်း သက်သေခံလက်မှတ် C of I ကို ကိုရီးယား နိုင်ငံကို အလည်အပတ် ဖြင့် လာရောက်ပြီး နိုင်ငံကူးလက်မှတ် ပျောက်ဆုံး သူတွေ အနေနဲ့ မြန်မာနိုင်ငံသို့ အပြီး ပြန်တဲ့အခါ လျှောက်ထားကျတာ ဖြစ်ပြီး မြန်မာသံရုံး အနေနဲ့ လည်း မြန်မာနိုင်ငံသား မှန်ကန်ကြောင်း သေချာစိစစ်ပြီး ထုတ်ပေးလျက်ရှိတယ်လို့ သိရပါတယ်။
တောင်ကိုရီးယား နိုင်ငံသို့ EPS စနစ် ဖြင့်သွားရောက် အလုပ်လုပ်ကိုင်တဲ့ မြန်မာ နိုင်ငံသား တွေ အများဆုံး ဖြစ်ပေမယ့် စစ်အာဏာ သိမ်းပြီးနောက်ပိုင်း ပြည်တွင်းမှာ စားဝတ်နေရေး အခက်ခဲ တွေ စစ်မှုထမ်းအဓမ္မခေါ်ဆောင်တဲ့ အကြောင်းတွေကြောင့် လူငယ်အများစု ပြည်ပကို ထွက်ခွာ မှု များလာရာ တောင်ကိုရီးယား နိုင်ငံသို့ လည်း EPSစနစ် တင်သာမက အခြား နည်းလမ်းအမျိုးမျိုးနဲ့ သွားရောက်အလုပ် လုပ်ကိုင်ကျသူတွေ များလာတယ်လို့ သိရပါတယ်။
ပုံစာ- ထိုင်းရောက် မြန်မာနိုင်ငံသားများကို ထုတ်ပေးသော CI စာအုပ်
