Bright Future Gt Appeal အထည်ချုပ်စက်ရုံမှာ အလုပ်သမားတွေရဲ့ ဆန္ဒမပါဘဲ အချိန်ပို အောလင်း အတင်းအကျပ် လုပ်ကိုင်ခိုင်းနေတယ်လို့ သွေးစည်းညီညွတ်သောသမဂ္ဂများ အဖွဲ့ချုပ် STUM အဖွဲ့ ဆီက သိရပါတယ်။
အလုပ်သမားတွေက အချိန်ပိုဆင်းခိုင်းတာကို ဇူလိုင်လ (၂၂) ရက် ညပိုင်းက STUM အဖွဲ့ကို အကြောင်းကြားခဲ့တာလို့ သိရပါတယ်။
“အလုပ်စဆင်းကတည်းက OT အောလင်း ခေါ်နေတာတဲ့။ သာဓုကန်စက်မှုဇုန်က ဇာမဏီရုံခွဲမှာပါ။ အချိန်ပိုကို အတင်းခေါ်ထားလို့ ပြောပြထား”လို့ ပြောပါတယ်။
စက်ရုံက Japan အမှတ်တံဆိပ် Bodyfine ကို ချုပ်လုပ်နေတယ်လို့လည်း ဆိုပါတယ်။ မြန်မာနိုင်ငံရဲ့ အလုပ်သမားဥပဒေအရ တပတ် အချိန်ပို အလုပ်ချိန် (၂၀)နာရီ မကျော်ဖို့ သတ်မှတ်ထားပါတယ်။ တပတ် အလုပ်ချိန် ၄၄ နာရီဖြစ်ပြီး တရက်နားခွင့် ပြုထားပါတယ်။
ဇွန်လအတွင်း ရွှေပြည်သာမြိုနယ်ထဲက စက်ရုံတွေမှာ အချိန်ပို ညလုံးပေါက်ခေါ်ယူမှုတွေကြောင့် စက်ရုံလုပ်သားတချို့ ကျန်းမာရေး ထိခိုက်မှာ စိုးရိမ်ကြောင်း STUM ဆီ အကြောင်းကြားမှုတွေ ရှိနေတယ်လို့ အလုပ်သမားတွေက ပြောကြားထားပါတယ်။
Bright Future Gt Apparel Company Limited က ရန်ကုန်မြို့ ၊ ရွှေပြည်သာမြိုနယ်၊ သာဓုကန်စက်မှုဇုန်၊ ပုလဲလမ်း၊ အသဘာဝ မှတ်တိုင်အနီးတွငမှာ ဖွင့်လှစ်ထားပါတယ်။
