ရန်ကုန်တိုင်းဒေသကြီး၊ ရွှေပြည်သာမြို့နယ်၊ သာဓုကန်စက်မှုဇုန် ပတ္တမြားလမ်းပေါ်ရှိ Bontech Manufacturing Garment မှာ အခြေခံလုပ်ခတိုးမြှင့်ရေး တောင်းဆိုချက်အပေါ် ၃ ရက်အကြာမှာသဘောတူညီမှုရခဲ့တယ်လို့ သိရပါတယ်။

 

သဘောတူချက်အရ ယခင်အတိုင်း Day ကြေး ၄၈၀၀ ကျပ်၊ ထောက်ပံ့ကြေး ၂၀၀၀ ကျပ်၊ စက်ရုံထောက်ပံ့ကြေး ၄၀၀၀ ကျပ်နှင့် ၇၀၀ ကျပ် စုစုပေါင်း ၁၁,၅၀၀ ကျပ် ကို ပေးချေမည် ဖြစ်ပြီး အချိန်ပိုကြေးကို တစ်နာရီလျှင် ၂,၁၀၀ ကျပ် ဖြင့်တွက်ချက်မည် ဖြစ်ကြောင်း သဘောတူခဲ့ကြတာပါ။

 

ယခုဖြေရှင်းချက်ဟာ စက်ရုံအတွင်း ဖွဲ့စည်းထားသော အလုပ်သမားသမဂ္ဂနှင့် အလုပ်ရှင်ဘက်အကြား ဆွေးနွေးမှုအရ အလုပ်ရှင်၊ အလုပ်သမား နှစ်ဘက် သဘောတူစာချုပ် ချုပ်ဆိုခဲ့ကြတယ်လို့ STUM ကထုတ်ပြန်ထားပါတယ်။

လုပ်ခ တိုးပေးဖို့ တောင်းဆိုတဲ့ (၂၉.၅.၂၀၂၅) မှ (၃၁.၅.၂၀၂၅) အတွင်း ဆန္ဒပြ ဝန်ထမ်းများသည် လုပ်ငန်းခွင် ရပ်နားထားတာကြောင့် ထိုကာလအတွက် လုပ်ခငွေ မည်မျှမျှ ပေးမည် မဟုတ်ကြောင်း သဘောတူညီမှု စာချုပ်မှာ ဖော်ပြထားပါတယ်။