ဖန်ချက်ဝန်ဦးရွေအိုလမ်း၊ လှိုင်သာယာမြို့နယ်မှာ ဖွင့်လှစ်ထားတဲ့ ALLAND FASHION LIMITED အထည်ချုပ်စက်ရုံဟာ စက်ရုံ အလုပ်သမား(၄၀၀)ကျော်အပေါ် အလုပ်သမားအခွင့်အရေးချိုးဖောက်မှုများစွာကို ကျူးလွန်နေတယ်လို့ အလုပ်သမားတွေ ထံကသိရပါတယ်။
အဆိုပါ စက်ရုံဟာတရုတ်နိုင်ငံသားပိုင်ဖြစ်ပြီး defacto အမှတ်တံဆိပ် ကိုချုပ်လုပ်နေတာလို့ ဆိုပါတယ်။
အလုပ်သမားများခံစားခွင့်ရှိတဲ့ ရှောင်တခင်ခွင့်၊ ဆေးခွင့်များကို ခံစားခွင့်မရရှိခြင်း၊ အလုပ်သမားများနေမကောင်းဖြစ်လျှင် (သို့မဟုတ်) မကြောင်းအမျိုးမျိုးကြောင့် အလုပ်မဆင်းနိုင်ပါက ရှောင်တခင်ခွင့်မပေးဘဲ ရက်ပျက်သာရတဲ့အတွက် အလုပ်သမားများမှာအလုပ်တစ်ရက်ပျက်လျှင် ဒေးကြေး (၄၈၀၀)ကျပ်နဲ့ ရက်မှန်ကြေး (၂၀၀၀၀)ကျပ်၊ စုစုပေါင်း (၂၄၈၀၀)ဖြတ်တောက်ခံနေရတယ်လို့ သိရပါတယ်။
ဒါ့အပြင်အောစူပါ၊ စူပါများက စံချိန်ကိုအလုပ်သမားများ မချုပ်လုပ်နိုင်သော အထည်အရေတွက်များတောင်းခံကာ စက်လိုင်းတစ်လိုင်းကို လူဦးရေ(၃၀)ကျော်နဲ့ ဂျာကင်ထည်များချုပ်ရတာဖြစ်တယ်လို့ဆိုပါတယ်။
ချုပ်လုပ်နိုင်ဖို့စက်ချုပ်သမားထပ်မဖြည့်ပေးဘဲ စံချိန်ကိုမရရအောင် အောစူပါ၊ စူပါများမှ ဖိအားပေးခြင်း၊ အော်ဟစ်ဆဲဆိုပြီး စံချိန်ကိုတောင်းခံခြင်းတွေပြုလုပ် နေတာလို့ဆိုပါတယ်။
"စံချိန်ကိုသာမရမက ဆဲဆို၊ အော်ဟစ်ပြီးတောင်းခံနေပြီး လူမလောက်တဲ့လိုအပ်ချက်ကို မသိတာလား၊ မသိချင်ယောင်ဆောင်တာလား မသိဘူး၊ အလုပ်သမားကိုတော့ ဖိနှိပ်ပြီးတော့စံချိန်ကိုမရမက တောင်းခံနေတာ"လို့အလုပ်သမားကပြောပါတယ်။
အလုပ်သမား တွေကို ကျွမ်းကျင်ကြေးပေးထားတယ်လို့ အမည်တပ်ထားပေမဲ့ ကျွမ်းကျင်ကြေး ဘယ်အဆင့်ဆိုတာမသိရဘဲ အောစူပါ၊ စူပါများနှင့်အဆင်ပြေသော အလုပ်သမားအချို့ကိုသာ ကျပ်၂၀၀၀၀ ထည့်ပေးပြီး တကယ်ကြိုးစားချုပ်လုပ်သော အလုပ်သမားများမှာ ခံစားခွင့်မရပဲ ဘက်လိုက်ပြီးပေးနေတယ်လို့ ကျေနပ်မှုမရှိတဲ့အလုပ်သမားကပြောပါတယ်။
ဒါ့အပြင် အောစူပါတောင်းသော အထည်ပြည့်မီအောင်မပေးနိုင်ပါက ညနေ့အလုပ်ဆင်းချိန် (၇)နာရီမှာ အလုပ်သမားကိုပြန်မလွတ်ပဲ ညဘက်(၁၂)နာရီအထိ အချိန်ပိုအိုတီအလကားဆင်းခိုင်းကာ ပြန်လွတ်ချိန်တွင်လည်း ဖယ်ရီကားအပေးခြင်းကြောင့် ညအချိန်မတော်ပြန်ရလို့ တစ်ချို့အလုပ်သမားများမှာ လမ်းမှာဖုန်းအလုခံရခြင်း၊ ပိုက်ဆံအလုခံရခြင်းများကြုံနေရသလို အလုပ်ရှင်ဘက်မှ တာဝန်ယူချင်းမရှိတဲ့အပြင် အမြဲလိုလို အချိန်ပိုအိုတီဆင်း နေရတာလို့ ဆိုပါတယ်။
အလုပ်သမားများအလုပ်ထွက်လျှင်လည်း အလုပ်ဆင်းထားတဲ့ရက်အတွက် ပိုက်ဆံလာထုတ်ချိန်တွင် အလွယ်တကူထုတ်ပေးခြင်းမရှိပဲ အချိန်ဆွဲထားပြီး ပိုက်ဆံ (၁၀၀၀၀)ကျပ်ပေးမှသာအလုပ်သမားကိုသာ ဦးစားပေးထုတ်ပေးတယ်လို့ဆိုပါတယ်။
လုပ်ငန်းခွင်ထဲတွင် အသက်မပြည့်သေးသော ခလေးလုပ်သား (၃၀)ဦးကိုခိုင်းစေနေခြင်း၊ အလုပ်သမားများကိုလည်း ယနေ့အထိ ဒေးကြေး (၄၈၀၀)ကျပ်ဖြင့်သာ အလုပ်လုပ်ကိုင်နေရပြီး ဒေးကြေးတိုးပေးခြင်းမရှိတဲ့အပြင် အလုပ်သမားများဆီက ရတဲ့နည်းလမ်းဖြင့်ခေါင်းပုံဖြတ်နေခံနေရတယ်လို့ သိရပါတယ်။
အဲဒီလိုအခွင့်ရေးချိုးဖောက်မှုများစွာကြောင့်
အလုပ်သမားများက
၁။ အလုပ်သမားများ ခံစားခွင့်ရက်နှင့်ဆေးခွင့်များခံစားခွင့် ပေးရန်။
၂။ စံချိန်တောင်းခံရာတွင် ချုပ်လုပ်နိုင်သော စံချိန်ကိုသာတောင်းခံရန်နှင့် စံချိန်ကိုတောင်းရာတွင် ဆဲဆိုပြီးမတောင်းရန်။
၃။ အောစူပါ၊ စူပါများမှ ဆဲဆိုခြင်း၊ အော်ဟစ်ခြင်းများ မပြုလုပ်ရန်။
၄။ အလုပ်ထွက်သောအလုပ်သမားများ လစာလာထုတ်လျှင် ပိုက်ဆံမတောင်းခံရန်။
၅။ ကျွမ်းကျင်ကြေးပေးရာတွင် အလုပ်သမားများကို တရားမျှတမှုဖြင့်ပေးရန်နှင့် ကျွမ်းကျင်ကြေးအဆင့်ကို တစ်ခါထဲခွဲပေးရန် စတဲ့တောင်းဆိုချက်၅ကိုလည်း တောင်းဆိုလိုတယ်လို့ သိရပါတယ်။
#MyanmarLabourNews
