NEWS

Myanmar Sunway Shoes ဖိနပ်စက်ရုံကအလုပ်သမားတွေ အလုပ်သမားအခွင့်အရေးချိုးဖောက်ခံနေရ

CoverLogo
1.3K Views

ရန်ကုန်တိုင်း  ဒေသကြီး ၊ ဒဂုံမြို့သစ်(တောင်ပိုင်း) ၊တိုးချဲ့စက်မှုဇုန်၊ကျန်စစ်သားလမ်း မြေတိုင်းရပ်ကွက်မှာဖွင့်လှစ် ထားတဲ့ Myanmar Sunway Shoes ဖိနပ်စက်ရုံဟာ စက်ရုံတွင်းကအလုပ်သမားတွေအပေါ်  အလုပ်သမားအခွင့်အရေးချိုးဖောက်မှုတွေရှိနေတယ်လို့ သိရပါတယ်။

အဆိုပါစက်ရုံဟာ တရုတ်နိုင်ငံသား ပိုင်ဖြစ်ပြီး လူဦးရေ ၃၀၀  ခန့်နဲ့လည်ပတ်ကာ  LABEL-JSK(ဂျက်စီကာ), PAH, MUJI, H&M စတဲ့အမှတ်တံဆိပ်တွေကို ချုပ်လုပ်နေတယ် လို့သိရှိရပါတယ်။

" ခွင့်နဲ့ ပတ်သက်ပြီး လုပ်သက်ခွင့်ကတော့လက်ရှိမှာအပြည့်အဝရရှိသွားတယ်လို့သိရပါတယ်။ ရှောင်တခင်ခွင့် ယူရင် ကြိုပြော ရတယ် သက်သေခိုင်လုံမှ ခွင့်ကိုပေးတယ် ရှောင်တခင်ခွင့်ကို သိထားတာက အရေးပေါ်ခွင့် လို့သိထားပြီး အရေးကြီးလို့ ယူမယ် ဆိုရင်တောင် သက်သေခိုင်လုံမှဆိုတော့ခွင့်ယူရတာအဆင်မပြေမှုတွေရှိနေပြီး အောစူပါ စူပါတွေရဲ့ ဆဲဆိုတာတွေ ခွဲခြားဆက်ဆံမှုတွေရှိနေပြီး ကျန်းမာရေးအတွက်ဆိုလည်း ဆေးပေးခန်းလည်း မရှိ သလို သူနာပြုလည်း မရှိဘူး ဆေးပေးခန်းမရှိသော ကြောင့် မိမိတို့ ငွေကြေးဖြင့် ဆေးပစ္စည်း များကို ဝယ် သုံးနေရတယ်" လို့ အလုပ်သမားတစ်ဦးက ဆိုပါတယ်။

စက်ရုံမှာလုပ်ငန်းခွင် ချိုးဖောက်မှုတွေနဲ့ခွဲခြားဆက်ဆံခြင်း တွေရှိနေပြီးအခွင့်အရေးဆိုင်ရာ ဆုံးရှုံးမှုတွေ ရှိနေကာ အလုပ်သမားတွေရဲ့သဘောဆန္ဒမပါဘဲ တနင်္ဂနွေ အလုပ်ပိတ်ရက်တွေအိုတီဆင်းပေးရခြင်း၊  အိုတီ မဆင်းချင်ပါက  အလုပ်သမားကတ် သိမ်းမယ် ဝမ်တိန် ထိုးခိုင်းမယ်လို့ စူပါ လီဒါတွေက ​ပြောဆိုခြိမ်းခြောက်ကာ အချိန်ပိုအတင်းဆင်းခိုင်းခံရခြင်း၊ စက်ရုံမှာနေ့စားအလုပ်သမားတွေကို လစားမခန့်ဘဲ ခိုင်းစေထားခြင်း၊  သတ်မှတ်အထည်စံချိန်ထက်ပိုတောင်း​ကာ အထည်စံချိန်မပြည့်ရင်အဆူဆဲခံရခြင်းတွေ ခံ​နေရတယ်လို့သိရပါတယ်။

အဲဒီလိုအခွင့်အရေးချိုးဖောက်မှုတွေရှိနေတာကြောင့် အလုပ်မားများအနေဖြင့်  ဥပဒေပါ အခွင့်အရေးများ ကို ပေးရန်၊ ဆေးပေးခန်း  နဲ့ သူနာပြု ထားပေးရန်နဲ့ အလုပ်သမားသဘောဆန္ဒ မပါဘဲ တနင်္ဂနွေ အိုတီဆင်း ရတာတွေ မဆင်းရင်အဆူခံအဆဲခံတွေ မရှိစေချင်ဘူးလို့ ပြောဆိုပါတယ်။

#MyanmarLabourNews


Related posts

Cover
ကြိုတင်အကြောင်းကြားခြင်းမရှိဘဲ မြန်မာလုပ်သား ၉၀ကျော် အလုပ်ထုတ်ခံရ
Apr 23, 2025
Cover
Golden Colour Fashion သမဂ္ဂဝင်အလုပ်သမား၄ဦး ဖမ်းဆီးခံရ
Apr 23, 2025
Cover
Myanmar San He စက်ရုံ EC စာချုပ်ချိုးဖောက်
Apr 22, 2025
Cover
အိုမန်မှ ပေးစာ
Apr 19, 2025
Cover
မြန်မာအပါအဝင်အထောက်အထားမပြည့်စုံတဲ့ နိုင်ငံခြားသားအလုပ်သမား ၅၀၀ ကျော်အဖမ်းခံရ
Apr 19, 2025
Cover
GYSEN (Myanmar) အလုပ်သမားများ လုပ်ငန်းခွင်ပြန်လည်ဝင်ရောက်နိုင်ခြင်းမရှိ
Apr 12, 2025
Cover
၇ ရက် ဘဏ်စနစ်ဆိုပြီး ဝန်ထမ်းများ နားရက် မရှိ လုပ်ကိုင်ပေးရ
Apr 11, 2025
Cover
Golden Colour Fashion အလုပ်သမားတွေကို ဖိအားပေးလက်မှတ်ထိုးခိုင်း
Apr 11, 2025