ဧရာဝတီတိုင်း ပုသိမ်မြို့နယ် ကွင်းအမှတ် ၅၀/သစ်ညိုကုန်းကွင်း၊ တဲကြီးကုန်းလမ်း အမှတ် ၁၁ ရပ်ကွက် မှာဖွင့်လှစ်ထားတဲ့ Myanmar All Rich အထည်ချုပ်စက်ရုံဟာ ယာယီပိတ်သိမ်းခဲ့ပြီး အလုပ်သမားတစ်ထောင်ကျော် အလုပ်လက်မဲ့ဖြစ်ခဲ့တယ်လို့ သိရပါတယ်။

အဆိုပါစက်ရုံဟာ လုပ်ငန်းပိတ်သိမ်းရာတွင်  အလုပ်သမားတွေကို ပေးရမယ့် နို့တစ်ကြေး တစ်လစာ မရရှိတာကြောင့် အလုပ်သမားတွေအနေနဲ့  တောင်းဆို​​ကြရာမှ နို့တစ်ကြေးရရှိခဲ့တယ်လို့သိရပါတယ်။

လုပ်ငန်းပိုင်ရှင်က တရုတ်နိုင်ငံသားဖြစ်ပြီး  ဟွာပိုတိုင်းရဲ့ ရုံးခွဲအနေနဲ့ ဖွင့်လှစ်ထားတာဖြစ်ပါတယ်။

" စက်ရုံက လေးလယာယီပိတ်မယ်လို့ပြောတယ် စက်ရုံဘ​က်က နို့တစ်ကြေးမပေးလို့တောင်းဆိုတဲ့သူတွေကိုလဲ စက်ရုံဘက်ကအကြီးပိုင်းတွေက နင်တို့ကိုဘယ်စက်ရုံမှအလုပ်လျှောက်လို့မရအောင် မှင်နီတားမယ်လို့"လဲ ပြောဆိုခဲ့တယ် " လို့ အလုပ်သမားတွေကပြောပါတယ်။

ပုသိမ်စက်မှုဇုံတွင် ယာယီ ပိတ်သိမ်းသောစက်ရုံ ၃ရုံအထိရှိလာပြီး လုပ်သားလျှော့တဲ့စက်ရုံတွေလဲရှိလာပါတယ်။

#MyanmarLabourNews