NEWS

၁၁ လကျော်ကြာ နေ့စားအဖြစ်ခိုင်းစေခံရပြီး ဥပဒေပါ အကျိုးခံစားခွင့်များလည်းဆုံးရှုံးနေတယ်လို့ ဆို

CoverLogo
730 Views

ရန်ကုန်တိုင်း လှိုင်သာယာမြို့နယ် မြစိမ်းရောင်စက်မှုဇုန် မြရတနာလမ်းမှာဖွင့်လှစ်ထားတဲ့ တရုတ်နိုင်ငံသားပိုင် 
Yangon Art Materials Incorporation Limited မှာ အလုပ်သမား ၃၀၀ ကျော်နဲ့လုပ်ငန်းလည်ပတ်နေတာဖြစ်ပေမယ့် အလုပ်သမားတွေကို ၁၁ လကျော်သည်အထိ နေ့စားအဖြစ်သာ ခိုင်းစေနေပြီး အလုပ်သမားဥပဒေပါ အခွင့်အရေးတွေ ချိုးဖောက်ခံနေရတယ်လို့ အလုပ်သမားတွေက ပြောဆိုပါတယ်။

အဆိုပါ ပန်းချီဘောင်တွေထုတ်လုပ်တဲ့လုပ်ငန်းမှာ နေ့စားလုပ်သားအဖြစ်သာ ခိုင်းစေပြီး စနေနေ့ နံနက် ၇ နာရီမှ ညနေ ၄ နာရီအထိကို ၄၈၀၀ ကျပ်သာပေးချေပြီး အချိန်ပိုကြေးပေးချေခြင်းမရှိဘူးလို့ ဆိုပါတယ်။

လုပ်ငန်းခွင်အတွင်းမှာ အလုပ်သမားတွေရဲ့ ရပိုင်ခွင့်ဖြစ်တဲ့ ခွင့် ဆေးခွင့် ရှောင်တခင်တွေနဲ့ မရရှိဘဲ တရက်ပျက်ပါက ဒေးကြေး ရက်မှန်ကြေး အပါစုစုပေါင်း ၁၄၈၀၀ ကျပ်ဖြတ်တောက်ခံရတယ်လို့ အလုပ်သမားတွေကပြောပါတယ်။

"နေထိုင်မကောင်းလို့ ရက်ပျက်ပြီဆိုရင် တခါတည်းတန်းထုတ်ပစ်တယ် အလုပ်ခွင်ထဲမှာလဲ တဖက်သတ်စည်းကမ်းချက်တွေချတယ် အလုပ်သမားက ဘာမှ ပြောပိုင်ခွင့်မရှိဘူး မတရားတဲ့စည်းကမ်းချက်တွေပါတော့ တခုခုအဆင်မပြေလို့ ပြောရင် သတိပေးတာတောင်မရှိဘဲ ဝမ်တိမ်ထိုးခိုင်းတယ်"လို့ အလုပ်သမားတစ်ယောက်ကပြောပါတယ်။

လုပ်ငန်းခွင်ထဲမှာ အလုပ်သမားခေါင်းဆောင်နဲ့ ကြီးကြပ်သူ အပါ စာရေးမ စတာတွေကို ပြန်လည်ပြောဆိုပါက အလုပ်မှ ထုတ်ပစ်တာ နဲ့ ခွဲခြားဆက်ဆံတာတွေ ပြုလုပ်လေ့ရှိတယ်လို့ လည်း အဆိုပါ စက်ရုံ အလုပ်သမားတွေက ပြောဆိုပါတယ်။

လက်ရှိမှာ အလုပ်သမား ၃၀၀ ကျော်ကို နေ့စားခန့်အပ်ထားပေမယ့် လူမှုဖူလုံရေးကြေးထည့်ဝင်သည့် စာတွင် လစာဟုရေးသားထားပြီး ဖူလုံရေးကတ်များလည်း မရရှိဘူးလို့ ဆိုပါတယ်။

"စစ်ဆေးရေးတွေလာလို့ရှိရင် လစားသမားတွေလို့ ဖြေခိုင်းတယ် သူတို့ခိုင်းတဲ့အတိုင်း မပြောရင် အလုပ်က ထုတ်ခံရမယ် ပြောလိုက်ရင်လည်း ကိုယ့်အခွင့်အရေးပဲ ဆုံးရှုံးမယ် အခုအခြေအနေမှာ အလုပ်သမားတွေရဲ့အခြေအနေက အရမ်းဆိုးရွားနေတယ်" လို့ လုပ်ငန်းခွင်ထဲမှာ ရှိတဲ့ အလုပ်သမားတစ်ဦးကပြောဆိုပါတယ်။

လုပ်ငန်းခွင်ထဲမှာဥပဒေမဲ့ အလုပ်ထုတ်တာတွေရှိနေပြီး အလုပ်သမားတွေရဲ့ အကျိုးခံစားခွင့်တွေလည်း ခံစားခွင့်မရတာကြောင့် ရရှိလိုတယ်လို့ အလုပ်သမားတွေကပြောပါတယ်။

"၃ လကျော်ပြီးတဲ့ အလုပ်သမားတွေကို အတည်ပြုဝန်ထမ်းခန့်အပ်ပေးဖို့နဲ့ လုပ်ငန်းခွင်ထဲမှာ ဖိအားပေးတာတွေ လျော့နည်းစေချင်တယ်"လို့ အလုပ်သမားတွေကပြောဆိုပါတယ်။

#MyanmarLabourNews


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024
Cover
ဆောင်းဦးရွှေနေစက်ရုံအတွင်း ယောင်ပြ သမဂ္ဂဖွဲ့စည်းဖို့ ကြိုးပမ်းမှုတွေ ရှိနေ
Apr 01, 2024
Cover
ပိတ်ရက်မရဘဲ အချိန်ပိုလုပ်ကိုင်နေရ
Mar 31, 2024