Max Technology စက်ရုံ တောင်းဆိုမှုမှာ ပါဝင်နေတဲ့ အလုပ်သမားတွေနဲ့ သမဂ္ဂအဖွဲဝင်တွေကို စက်ရုံအတွင်း ဝင်ရောက်ခွင့်မပြုဘူးလို့ အလုပ်သမားတွေက ပြောပါတယ်။
ညှိနှိုင်းမှုကာလအတွင်း အလုပ်သမားတွေကို အလုပ်ထုတ်ပယ်တာ မပြုလုပ်ဆို့ အလုပ်သမားဦးစီးဌာနက စက်ရုံဘက်ကို ညွှန်ကြားထားပြိးနောက် အခုလို ဝင်ခွင့်မပေးတာလို့ အလုပ်သမားတွေက ပြောပါတယ်။
“ ဇွန်လ ၂၄ ရက် ဒီ မနက်အလုပ်ဝင်တော့ စက်ရုံထဲ ပေးမဝင်တော့ဘူး။ HR တွေ ၊ ရုံးပိုင်းက ဝန်ထမ်းတွေ၊ လုံခြုံရေးတွေက အတင်းအကျပ်ထားမြစ်တယ်။ ဝင်ခွင့်မေပေးတာ” လို့ အလုပ်သမားတွေက ပြောပါတယ်။
Max Technology စက်ရုံ နားကြပ်၊ အားသွင်းကြိုးလို အီလက်ထရောနစ် ထုတ်လုပ်ရေး စက်ရုံဖြစ်ပြီး ဇွန်လ ၂၂ ရက်မှာ ဆန္ဒပြ အလုပ်သမား ၆၂ ဦးကို အလုပ်ထုတ်ပယ်ကြောင်း ကြေညာခဲ့တာပါ။ ဒီနောက် ရွှေပြည်သာမြိုနယ် အလုပ်သမားညွှန်ကြားရေးမှူးနဲ့ အလုပ်သမားရေးရာတာဝန်ရှိသူတွေက အလုပ်သမား ကိုယ်စားလှယ်တွေနဲ့ အလုပ်ရှင်တိုကြား ညှိနှိုင်းခဲ့ပေမဲ့ ပြောလည်မှုမရခဲ့တာလို့ အလုပ်သမားတွေက ပြောပါတယ်။
“ညှိနှိင်းဖြေရှင်းတဲ့ ကာလ ဖြစ်လို့ အလုပ်သမားတွေကို အလုပ်မထုတ်ဖို့ အလုပ်ရှင်ဘက်ကို တာဝန်ရှိသူ တွေက ညွှန်ကြားထားတယ်၊ ဒါကို စက်ရုံဘက်က လိုက််နာမှုမရှိတာ ။ ” လို့ ညှိနှိုင်းရေးမှု ပါဝင်သူ အလုပ်သမားတဦးက ပြောပါတယ်။
တောင်းဆိုမှုကို ဇွန်လ ၁၆ ရက် စတင်ခဲ့တာ ဖြစ်ပြီး ၂၂ ရက်မှာ ညှိနှိုင်းမှု စတင်ခဲ့ပေမဲ့ ညှိနှိုင်းမှု အဆင်မပြေတာကြောင့် အလုပ်သမားတွေ တောင်းဆိုမှုအတွက် အတွက် အလုပ်ခွင်မှာ နေရာတစ်ခု လုပ်ပေးဖို့ အလုပ်သမားဦးစီးမှူးက စက်ရုံကို ညွှန်ထားတာလို့ အလုပ်သမားတွေက ပြောပါတယ်။
“၂၃ ရက်မှာလည်း အရင်တောင်းဆိုတဲ့ နေရာမှာပဲ နေကြပါတယ်။ ဒီ ၂၄ရက်ကြ စက်ရုံထဲကို အဝင်မခံဘူး။” လို့ အလုပ်သမားတွေက ပြောပါတယ်။
စူပါတစ်ဦးကို အပြစ်မရှိဘဲ ရာထူးချတာ၊ သမဂ္ဂအဖွဲဝင်တွေကို ဌာနပြောင်းရွှေ့ ခွဲခြားဆက်ဆံတဲ့ နိုင်ငံခြားသားတာဝန်ရှိသူကို အရေးယူပေးဖိုနဲ့ အလုပ်သမားပြဿနာတွေကို ဖြေရှင်းမပေးတဲ့ မန်နေဂျာကို အရေးယူပေးဖို့တို့ကို အလုပ်သမားတွေက တောင်းဆိုထားပါတယ်။
