NEWS

"တိုင်ချင်တဲ့နေရာတိုင် ဒီအချိန်မှာ မြန်မာနိုင်ငံမှာ ဖြေရှင်းပေးမဲ့ရုံး မရှိဘူး"လို့ Myanmar Lucky Garment စက်ရုံမှ အလုပ်ကြီးကြပ်သူတွေပြောဆို

CoverLogo
1.1K Views

Myanmar Lucky Garment စက်ရုံက  အလုပ်ကြပ်(စူပါ)တွေက စက်ရုံ အလုပ်သမား အခွင့်အရေးတွေကို ချိုးဖောက်ပြီး "တိုင်ချင်တဲ့နေရာတိုင် ဒီအချိန်မှာ မြန်မာနိုင်ငံမှာ ဖြေရှင်းပေးမဲ့ရုံး မရှိဘူး"လို့ ပြောဆိုနေတယ် ဆိုပြီး လာရောက်တိုင်ကြားထားတယ်လို့  Solidarity of Trade Unions Myanmar ဆီက သိရပါတယ်။

ရွှေပြည်သာ စက်မှု ဇုန် ၃ မှာ ဖွင့်လှစ်ထားတဲ့  Myanmar Lucky Garment စက်ရုံဟာ ပြီးခဲ့တဲ့ ကာလတွေက နာမည်ကြီး နိုင်ငံတကာ အမှတ်တံဆိပ် ZARA တံဆိပ်ချုပ်ကို ချုပ်လုပ်နေတဲ့ စက်ရုံဖြစ်ပြီး  လက်ရှိ တခြား တံဆိပ်တွေလည်း ချုပ်လုပ်နေတယ်လို့ လာရောက်တိုင်ကြားတဲ့ စက်ရုံအလုပ်သမားတွေက ပြောပါတယ်။  

အထည်ချုပ် အလုပ်သမားတွေကို စက်လိုင်း ဖျက်သိမ်းပြီး တခြားလိုင်းတွေကို လူခွဲတာ ၊ အထည် စံချိန်တွေ တိုးတောင်းတာနဲ့ အလုပ်သမားတွေ အပြင်ထွက်လိုပါက gate pass မပေးတာစတဲ့ အလုပ်သမားတွေ ရသင့်တဲ့အ ခွင့်အရေးတွေကို ချိုးဖောက်တာတွေ  ပြုလုပ်နေတယ်လို့ ပြောပါတယ်။

“လိုင်းပြောင်းတော့ အုပ်ချုပ်သူတွေ၊ စူပါတွေ ပြောင်းသွားတယ်၊ နားလည်မှုလည်း ပြန်လုပ်ရတယ်၊ ပိုပြီး ဖိခိုင်း တာ မျိုးရှိတော့ လိုင်းအသစ်မှာ လုပ်ရတာ စိတ်ဖိစီးမှုပိုများတာမျိုးရှိတယ်” လို့ အထည်ချုပ် လုပ်သက်ရင့် အမျိုးသမီးက Myanmar Labour News ကို ပြောပါတယ်။  

Myanmar Lucky Garment စက်ရုံက စူပါတွေကတော့ စက်လိုင်း ဖျက်သိမ်းပြီး တခြားလိုင်းတွေကို ပြောင်းခံရလို့ မလုပ်နိုင်ပါက ထွက်သွားလိုဆိုပြီး  ပြောဆိုခဲ့တယ်လို့  အလုပ်သမားတွေက တိုင်ကြားထားတာပါ။

အထည် စံချိန်တွေကို တစ်ကြိမ်ထက် တစ်ကြိမ် တိုးတောင်းပြီ စံချိန်ပြည့် မချုပ်နိုင်ပါက အခကြေးငွေမပေးဘဲ အချိန်ပို အလုပ်ဆင်းခိုင်းတယ်လို့လည်း ပြောပါတယ်။

သက်ဆိုင်ရာ အလုပ်သမား ဦးစီးဌာတွေက စစ်ဆေးရေး ဝင်မယ်ဆိုရင် အောစူပါ ၊ လိုင်းစူပါတွေက  အလုပ်သမားတွေကို ရုံးခန်းခေါ် အစည်းအဝေးလုပ်ကာ “အားလုံးအဆင်ပြေကြောင်း” ပြောဆိုဖို့သင်ကြားပေးပြီး  အလုပ်သမားတွေက လာရောက်စစ်ဆေးတဲ့ သက်ဆိုင်ရာ ဦးစီးမှူးတွေကို ပြောပြရတယ်လို့လည်း ပြောဆိုထား ပါတယ်။

MyanmarLabourNews


Related posts

Cover
Tai Hong စက်ရုံက ကိုယ်ဝန်ဆောင် အလုပ်သမား အပါအဝင် အလုပ်သမားများအား ဆေးခွင့်မပေး ၊ ကုသမပေးဘဲ ဖိအားပေး ခိုင်းစေ
Dec 06, 2023
Cover
ပဲခူးက VHT အထည်ချုပ်စက်ရုံ လုပ်သား ၄၀၀ နီးပါးကို လစာမဲ့ခွင့်ဖြင့်စက်ရုံပိတ်ထား လို့ အခက်အခဲဖြစ်နေ
Dec 03, 2023
Cover
ပြည်ပရောက် မြန်မာရွှေ့ပြောင်းအလုပ်သမားတွေရဲ့ အခြေအနေများ
Dec 02, 2023
Cover
BOHUA FASHION အထည်ချုပ်စက်ရုံမှာ အလုပ်သမားအခွင့်အရေးချိုးဖောက်ခံနေရ
Nov 29, 2023
Cover
အလုပ်သမားရုံးတိုင်ကြားသည့် အလုပ်သမားအား စက်ရုံတာဝန်ခံဆိုသူက နည်းမျိုးစုံနှင့် ဖိနှိပ်
Nov 29, 2023
Cover
အိုမန်တွင် မြန်မာအမျိုးသမီး ၆၀ ဝန်းကျင် အလုပ်မရဘဲ အခန်းကျဉ်းထဲ ဒုက္ခရောက်နေ
Nov 29, 2023
Cover
မြန်မာအမျိုးသမီး၆ ဦး ဒူဘိုင်းသို့အိမ်အကူလုပ်ရန်ထွက်ခွာလာရာမှအီရတ်နိုင်ငံသို့ ရောင်းစားခံခဲ့ရ
Nov 28, 2023
Cover
TIAN YU  ဖိနပ်စက်ရုံက နားရက်မရတဲ့အထိအချိန်ပိုခေါ်ယူနေ
Nov 27, 2023