NEWS

လူမှု့ဖူလုံရေး အကျိုးခံစားခွင့်များမရရှိဘဲ ဖူလုံရေးကြေးလစဉ်ပေးသွင်းနေရ၊ အာဝါတီအဆမတန်တိုးတောင်းနေလို့ Myanmar Guotai Huasheng Glory Fashion Co.,Ltd စက်ရုံအလုပ်သမားတွေအခက်တွေ့နေဟုဆို

CoverLogo
1.4K Views

စစ်အာဏာသိမ်းပြီးနောက်ပိုင်း လူမှု့ဖူလုံရေးအကျိုးခံစားခွင့်တွေဘာတခုမှမရရှိတော့တဲ့အပြင် စက်ရုံဖက်က အာဝါတီ (သတ်မှတ်အထည်စံချိန်) တွေမတရားတိုးတောင်းပြီး မပြည့်ရင်အလုပ်သမားတွေကိုလတ်မှတ်ထိုးခိုင်းပြီးခြိမ်းခြောက်တာ၊ လတ်မှတ်သုံးကြိမ်ထိုးရရင် ဥပဒေမဲ့အလုပ်က ထုတ်ပစ်တာတွေလုပ်ဆောင်နေတဲ့အတွက် Myanmar Guotai Huasheng Glory Fashion Co.,Ltd အထည်ချုပ်စက်ရုံကအလုပ်သမားတွေအခက်တွေ့နေကြရတယ်လို့ဆိုပါတယ်။

Glory Fashion အထည်ချုပ်စက်ရုံဟာ ရန်ကုန်တိုင်း၊ လှိုင်သာယာမြို့နယ်၊ စက်မှု့ဇုန်အမှတ်၂၊ ကနောင်မင်းသားကြီးလမ်းမှာလုပ်ကိုင်နေတဲ့တရုတ်နိုင်ငံသားပိုင်စက်ရုံတခုဖြစ်ပြီးလုပ်သားဦးရေ ၈၀၀ ခန့်မှီခိုလုပ်ကိုင်နေတယ်လို့သိရပါတယ်။

"ဖယ်ရီလဲအဆင်မပြေဘူး ဖယ်ရီတခါစီးဖို့ကိုမတရားစောင့်ရတာ ပြီးတော့ဒီစက်ရုံကစစ်အာဏာသိမ်းပြီးနောက်ပိုင်း အလုပ်သမားတွေကိုဥပဒေပါအခွင့်အရေးမပေးတော့တဲ့ အပြင်ကျမတို့မှာနေ့စဥ်နဲ့အမျှစိတ်ပိုင်းကော ရုပ်ပိုင်းပါနှိပ်စက်ခံနေရတယ်"လို့အဆိုပါစက်ရုံမှနစ်နာသူအလုပ်သမားတဦးကဆိုပါတယ်။

စစ်အာဏာသိမ်းပြီးနောက်ပိုင်း စက်ရုံဖက်ကယခင်ကအလုပ်သမားတွေနဲ့ချုပ်ဆိုထားတဲ့စာချုပ်တွေကို ရုတ်သိမ်းပြီး တစ်ဖက်သက်ဖွဲ့ထားတဲ့အလုပ်သမားကော်မတီနဲ့ပေါင်းကာ အလုပ်သမားတွေအပေါ်ခေါင်းပုံဖြတ်မယ့် အချက်အလက်တွေ ထည့်သွင်းထားတဲ့စာချုပ်တွေ ချုပ်ဆိုခိုင်းခဲ့တယ်လို့အလုပ်သမားတွေဖက်ကပြောပါတယ်။

"ခုကစစ်အာဏာသိမ်းပြီးနောက်မှာကို ဘာအခွင့်အရေးမှမပေးတော့တာ စာချုပ်အသစ်မှာလဲ အလုပ်သမားတွေအတွက်နာဖို့ချည်းပဲ ခွင့်ဆိုလဲရိုးရိုးခွင့်ပေးပြီး အကုန်ဖြတ်တာ လူမှု့ဖူလုံရေးကြေးကျတော့ဖြတ်တယ်"လို့နစ်နာသူအလုပ်သမားတဦးကပြောပါတယ်။

စက်ရုံဖက်ကလုပ်သက်ခွင့်၊ ရှောင်တခင်ခွင့်ဘာမှမပေးတော့တဲ့အပြင် တစ်ရက်ပျက်ကွက်ပါက အလုပ်သမားတွေဆီကတစ်ရက်လုပ်ခလစာ ၄၈၀၀ အပါအဝင်၊ ရက်မှန်ကြေး၊ အိုတီကြေးအပါအဝင်တစ်ရက်စာကို ၂၀၀၀၀ ကျပ်ဝန်းကျင်ဖြတ်တောက်ပစ်တယ်လို့သိရပါတယ်။

"ခုစက်ရုံဖက်ကလုပ်ငန်းခွင်ဘေးအန္တရာယ်ကင်းရှင်းမှု့လဲမရှိဘူးပရဟိတကြေးတွေလဲအတင်းတောင်းတယ် ခုသကြ်န်ကိုအဲ့ထဲကပဲ မုန့်ကျွေးမှာတဲ့ နင်တို့ကိုစက်ရုံဖက်ကမ ကျွေးနိုင်ဖူးပြောတယ်"လို့ အလုပ်သမားတစ်ဦးက အခြေအနေကိုဆက်ပြောပါတယ်။

အလုပ်သမားတဦးလျှင်တစ်လကိုပရဟိတကြေး ၅၀၀ ကျပ်နှုန်းနဲ့စက်ရုံဖက်ကကောက်ခံခဲ့ပြီး သာရေးနာရေးဖြစ်တဲ့အခါပြန်ပေးမယ်လို့ပြောပေမယ့်ပြန်ပေးတာမျိုးမရှိဘူး လို့အလုပ်သမားတွေဖက်ကပြောပါတယ်။

ဒါ့အပြင်အလုပ်ရှင်ဖက်က စက်ရုံရဲ့ အလုပ်သမားရေးရာကော်မတီကို အလုပ်သမားတွေကိစ္စနှုတ်ဆိတ်နေဖို့ တစ်လတစ်သိန်းပေးထားပြီးတော့အလုပ်သမားတွေကို အာဝါတီအဆမတန်တိုးတောင်းတာတွေအပြင်အလုပ်သမားတွေရရှိရမယ့် အထည်ပို့ကြေးကို ၃၀၀ ကျပ်ကနေ ၂၅၀ အထိလျော့ချပစ်လိုက်တယ်လို့သိရပါတယ်။

"ဆုကြေးရရင်လဲအလုပ်သမားတွေက ၇ သောင်းဆို စူပါတွေအောစူပါတွေက တသိန်းနှစ်သောင်းရတယ် ဆုကြေးပါသူတို့ကိုပေးနေရတယ်"လို့နစ်နာသူအလုပ်သမားတဦးကထပ်ပြောပါတယ်။

Myanmar Guotai Huasheng Glory Fashion Co.,Ltd အထည်ချုပ်စက်ရုံမှာအလုပ်သမားသမဂ္ဂရှိပေမယ့်အလုပ်သမားများရဲ့နစ်နာဆုံးရှူံးမှု့တွေအပေါ်ဝင်ရောက်ညှိနှိုင်းမှု့မပြုလုပ်ဖို့စက်ရုံဖက်ကနိုင်ငံရေးနဲ့ခြိမ်းခြောက်ထားတယ်လို့အလုပ်သမားတွေဖက်ကပြောပါတယ်။

နစ်နာသူစက်ရုံအလုပ်သမားတွေဖက်ကတော့ စစ်အာဏာမသိမ်းခင်ကာလကချုပ်ဆိုခဲ့တဲ့စာချုပ်ပါအချက်အလက်တွေအတိုင်းခံစားခွင့်ရရှိလိုတဲ့အပြင် လူမှု့ဖူလုံရေးအကျိုးခံစားခွင့်တွေကိုပုံမှန်အတိုင်းပြန်လည်ရရှိဖို့တောင်းဆိုနေကြပါတယ်။

Glory Fashion အထည်ချုပ်စက်ရုံဟာ PAMARK , ESMARA တံဆိပ်ဘောင်းဘီ၊ အင်္ကျီ နဲ့အခြားတံဆိပ် ဆွဲသားအထည်တွေကိုချုပ်လုပ်နေတာဖြစ်ပြီးတော့တရုတ်နိုင်ငံကိုပြန်လည်တင်ပို့ကာစျေးကွက်ထဲကိုပြန်လည်ဖြန့်ချီနေတဲ့စက်ရုံတခုလည်းဖြစ်ပါတယ်။


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024
Cover
ဆောင်းဦးရွှေနေစက်ရုံအတွင်း ယောင်ပြ သမဂ္ဂဖွဲ့စည်းဖို့ ကြိုးပမ်းမှုတွေ ရှိနေ
Apr 01, 2024
Cover
ပိတ်ရက်မရဘဲ အချိန်ပိုလုပ်ကိုင်နေရ
Mar 31, 2024