NEWS

၄၈ ရက်အတွင်း ပြည်ပအလုပ်အကိုင်အေဂျင်စီ (၁၃)ခုတိုးလာ

CoverLogo
257 Views

စစ်အာဏာသိမ်းပြီးနောက်ပိုင်းမှာ ပြည်ပအလုပ်အကိုင်ဝန်ဆောင်မှုအကျိုးဆောင် လိုင်စင်ရအေဂျင်စီ အရေအတွက်ဟာ သိသိသာသာ တိုးလာပြီး safe migration က ထုတ်ပြန်တဲ့စာရင်းအရ (၄၈)ရက်တာကာလအတွင်း အေဂျင်စီအရေအတွက် (၁၃)ခု တိုးလာတယ်လို့ သိရပါတယ်။ 

Safe Migration က ထုတ်ပြန်ထားတဲ့ စာရင်းတွေအရ ၂၀၂၃ ခုနှစ် ဇူလိုင်လ (၁၄) ရက်နေ့အထိ တရားဝင် လိုင်စင်ရအေဂျင်စီ အရေအတွက်ဟာ (၄၅၅) ခုရှိခဲ့ပြီး ဩဂုတ်လ (၃၁) ရက်နေ့ ထုတ်ပြန်တဲ့စာရင်းမှာတော့ (၄၆၈) ခုအထိ တိုးလာတာပဲ ဖြစ်ပါတယ်။

“အခုက ပွဲစားတွေကအစ လိုင်စင်လျှောက်ကြတယ်လေ။ ကလေးတွေဆီက ပိုက်ဆံတွေအရင်လိမ်တောင်းတယ်။ ပြီးရင် အဲဒီပိုက်ဆံကို အာမခံကြေးပြလိုက်တယ်လေ။ သူတို့က ဘာမှမစိုက်ရဘူး။ အခုဆို စစ်တပ်နဲ့ ဆက်နွယ်တဲ့သူတွေကော၊ ဌာနဆိုင်ရာ အငြိမ်းစားတွေကော လိုင်စင်တွေယူနေကြတာပဲ။ ပြောရရင် ဒီလုပ်ငန်းက တကယ်ကို ဖရိုဖရဲ ဖြစ်နေပြီ”လို့ လိုင်စင်ရ အေဂျင်စီလုပ်ငန်းရှင်တစ်ဦးက ပြောပါတယ်။

လက်ရှိမှာ ပြည်တွင်းက လူငယ်အများစုဟာ ပြည်ပမှာ သွားရောက်လုပ်ကိုင်လိုစိတ် များနေတာဖြစ်ပြီးတော့ ဝန်ဆောင်ခ ပိုမိုပေးချေရတာနဲ့ ငွေကြေးလိမ်လည်ခံရတာတွေ နေ့စဉ်ရှိနေတယ်လို့ ပြည်ပအလုပ်သမား အရင်းအမြစ်စင်တာ (ပဲခူး)ကနေ စုံစမ်းသိရှိရပါတယ်။

“ဒီမှာ ရတဲ့လစာက ကုန်ဈေးနှုန်းနဲ့ ဘယ်လိုမှအဆင်မပြေဘူး။ အဲဒါကြောင့် ထိုင်းဘက်ဖြစ်ဖြစ်၊ မလေးပဲ ဖြစ်ဖြစ် ထွက်ချင်တာ။ အခုစုံစမ်းကြည့်တော့ ပြည်ပမှာ အလုပ်လုပ်ဖို့ ပေးရမယ့် ပိုက်ဆံကိုက မနည်းမနော ဖြစ်နေတာ။ အလုပ်လုပ်ဖို့က ကိုယ့်ဘက်က အရင်ပုံပေးရမယ့် အခြေအနေကြီး ဖြစ်နေတာ”လို့ ပြည်ပမှာ သွားရောက်လုပ်ကိုင်လိုသူတစ်ဦးက ပြောပါတယ်။

လိုင်စင်ရ ပြည်ပအလုပ်အကိုင် အကျိုးဆောင်အရေအတွက်ဟာ ၂၀၁၉ ခုနှစ်က နှစ်ရာကျော်သာ ရှိခဲ့တာ ဖြစ်ပြီး စစ်အာဏာသိမ်းပြီးနောက်ပိုင်းမှာတော့ လေးရာကျော်အထိ တိုးလာတာ ဖြစ်ပါတယ်။ လိုင်စင်တွေကို အလွယ်တကူ ထုတ်ပေးနေပေမယ့် စည်းကမ်းကြပ်မတ်မှုအပိုင်းမှာတော့ အားနည်းမှုတွေ ရှိလာတယ်လို့လည်း ပြည်ပလုပ်သားအရေး ကူညီဆောင်ရွက်သူတွေက ဝေဖန်နေကြပါတယ်။

ဓါတ်ပုံ-ပုံဟောင်း


Related posts

Cover
ထိုင်းနိုင်ငံအတွင်း ခွင့်ပြုချက်မရှိဘဲ အလုပ်လုပ်ကိုင်နေတဲ့ ရွှေ့ပြောင်းအလုပ်သမား ၃၀၀၀ ကျော် ဖမ်းဆီးခံရ
Sep 30, 2023
Cover
ထိုင်း MOU အလုပ်သမားများ အလုပ်ခန့်ထားမှုဆိုင်ရာသဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးမှာသာ ချုပ်ဆိုရန်သတ်မှတ်ထား
Sep 18, 2023
Cover
စာရွက်စာတမ်းအတုပြုလုပ်ပြီး OWIC ကတ် လျှောက်ထားမှုများရှိနေ
Sep 17, 2023
Cover
ထိုင်းရောက် MoU လုပ်သားများ နိုင်ငံကူးလက်မှတ်သက်တမ်းတိုးဆောင်ရွက်မှု ရန်ကုန်ပြန်လာရန်မလိုအပ်တော့
Sep 14, 2023
Cover
ပြည်ပရောက်အလုပ်သမားများဘဏ်စနစ်မှငွေလွှဲ‌‌ရေးတိုက်တွန်းရန်အေဂျင်စီများကိုဝန်ကြီးဌာန အသိပေး
Sep 02, 2023
Cover
ပြည်ပသွားရောက်လုပ်ကိုင်လိုသူများငွေကြေးလိမ်လည်ခံရမှုမြင့်တက်
Aug 28, 2023
Cover
ကိုရီးယားနိုင်ငံသို့ တားမြစ်ပစ္စည်းနှင့် အစားအသောက်များ ယူဆောင်သွားခြင်းမပြုရန် သတိပေး
Aug 25, 2023
Cover
ပြည်ပအလုပ်အကိုင်လမ်းညွှန်သင်တန်း တက်ခွင့်ရမယ်ဟုလိမ်လည်ငွေကြေးကောက်ခံလျှက်ရှိ
Aug 25, 2023