ဇန်နဝါရီ၁၃ရက်နဲ့၁၄ရက်အတွင်း ထိုင်းနိုင်ငံကို တရားမဝင် နယ်စပ် ဖြတ်ကျော် ဝင်ရောက်လာတဲ့ အထောင်အထားမဲ့ မြန်မာလုပ်သား ၁၀၀ကျော် အဖမ်းခံရကြောင်း ထိုင်းသတင်းဌာနတွေရဲ့ ဖော်ပြချက်အရသိရပါတယ်။
ဇန်နဝါရီ ၁၃ရက် မနက်ပိုင်းတွင် ကန်ချနပူရီ နယ်စပ် မှာ အလုံပိတ်ကားနဲ့ ပြည့်ကြပ်စွာ တင်ဆောင်လာတဲ့ မြန်မာလုပ်သား ၅၁ဦး ကို ထိုင်းအာဏာပိုင်တွေက စစ်ဆေးဖမ်းဆီးခဲ့သလို ၎င်းရက်မွန်းလွဲပိုင်းမှာ တာ့ခရိုင် မဲဆောက်မြို့ အတွင်း က နေအိမ်တစ်ခုမှာ ခိုအောင်းနေတဲ့ မြန်မာလုပ်သား ၂၀ဦးကို လည်း ထိုင်းအာဏာပိုင်တွေက ဖမ်းဆီးခဲ့တယ်လို့ သိရပါတယ်။
ဇန်နဝါရီ ၁၄ရက်မှာ ညပိုင်း မှာ လည်း တာ့ခရိုင် မိူင်းတာ့ခ်မြို့နယ် အနီး ကား၂စီးဖြင့် ဝင်ရောက်လာတဲ့ အထောက်အထားမဲ့မြန်မာလုပ်သား၂၃ဦးကို ထိုင်းအာဏာပိုင်တွေဖမ်းဆီးခဲ့သလို ထိုင်း-ကမ္ဘောဒီးယား နယ်စပ် တွင် ကမ္ဘောဒီးယား ကို အလုပ်သွားလုပ်ဖို့ နယ်စပ်ဖြတ်ကျော် လာတဲ့ မြန်မာလုပ်သား ၂ဦးနဲ့ ထိုင်း-မြန်မာ နယ်စပ်ကနေ အယုဒ္ဓယ သွား မယ့် မြန်မာလုပ်သား၇ဦး ကို အဝေးပြေးရဲတပ်ဖွဲ့က ဖမ်းဆီးခဲ့တယ်လို့ သိရပါတယ်။
ယခု၂၀၂၆ခုနှစ် နှစ်အစ မှာ ပင် ထိုင်းအလုပ်သမားဝန်ကြီးဌာနက ထိုင်းနိုင်ငံသို့ နယ်စပ်တွေကနေ တရားမဝင် ဝင်ရောက် လာတဲ့နိုင်ငံခြားသား လုပ်သားတွေကို တင်းကြပ်စွာ စစ်ဆေးဖမ်းဆီးရန်ညွှန်ကြားထားသလို လုပ်ငန်းခွင်အတွင်း က အထောက်အထားမဲ့ ရွှေ့ပြောင်းလုပ်သားတွေကိုလည်း စစ်ဆေးမှု အရှိန်မြှင့်တင်ဖို့ ညွှန်ကြားထားကြောင်း သိရပါတယ်။
