NEWS

၂၄ နာရီ အတွင်း မြဝတီမြို့တွင် သောင်းရင်းမြစ်ရေ စိုးရိမ်ရေမှတ်အထက် ၁၂ ပေကျော်မြင့်တက်မည်ဟု မိုးဇလ သတိပေး

CoverLogo
254 Views
 
ကရင်ပြည်နယ် မြဝတီမြို့ တွင် သောင်းရင်းမြစ်ရေဟာ လာမယ့်၂၄နာရီ အတွင်း စိုးရိမ်ရေအမှတ်ထက် ၁၂ပေကျော်မြင့်တက်လာမယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန ဇူလိုင်၂၄ရက် မနက်ပိုင်းမှာထုတ်ပြန်အသိပေးထားပါတယ်။
 
လက်ရှိ သောင်းရင်းမြစ်ရေဟာ မြဝတီမြို့ရဲ့ စိုးရိမ်ရေအမှတ် အထက် ၉ပေခွဲ မှာ ရောက်ရှိနေပြီး တစ်ရက်အတွင်း ၃ပေခန့် ဆက်လက်မြင့်တတ်မယ်လို့ မိုးဇလ က ထုတ်ပြန်ထားပါတယ်။
 
ဇူလိုင်၂၃ရက် ညနေပိုင်းမှ စပြီး သောင်းရင်းမြစ်ရေ မြင့်တက်လာတဲ့ အတွက် မြဝတီ မြို့ အတွင်း ရေကြီးနစ်မြုပ်မှုတွေ 
ဖြစ်ပေါ် လာတာကြောင့် ဒေသခံ တွေ ရေဘေးဒုက္ခကြုံတွေ့နေရတယ်လို့ ဒေသခံတွေ ထံကသိရပါတယ်။
 
""ကျွန်တော်တို့ ၃ရပ်ကွက်မှာဆို အိမ်တွေ အောက်ထပ်တွေ အကုန်မြုပ်ကုန်ပြီအပေါ်ထပ် တွေပဲ နေလို့ရတော့တယ် မိုးကလည်းရွာသေးတယ် မြစ်ရေကလည်း ဆက်တိုးလာမယ်ဆို တော့ စိုးရိမ်စရာအခြေနေဘဲ လက်တလောမှာ စားစရာတွေ ရေသန့်တွေ လိုအပ်နေတယ်""လို့ မြဝတီမြို့ဒေသခံတစ်ဦးကပြောပါတယ်။
 
မြဝတီမြို့နယ် အတွင်းမှာလည်း ရေဘေးကယ်ဆယ်ရေးစခန်းတွေ ဖွင့်ထားပြီး ရေဘေးသင့်ပြည်သူတွေကို လူမှုကူညီရေးအသင်းတွေမှ ကယ်ဆယ်ရေးစခန်းတွေသို့ပြောင်းရွှေ့ကူညီပေးနေတယ်လို့ သိရပါတယ်။
 
ဝီဖာမုန်တိုင်းအရှိန်ကြောင့် သောင်းရင်းမြစ်ရေတင်သာမက ရွှေကျင်မြစ်ရေဟာရွှေကျင်မြို့ရဲ့ စိုးရိမ်ရေအမှတ်ထက်၂ပေကျော်ရောက်ရှိနေသလို နောက်တစ်ရက်အတွင်း ၂ပေခန့်ထပ်မံမြင့်တတ်လာနိုင်ကာစစ်တောင်းမြစ်ရေဟာလည်းမဒေါက်မြို့ရဲ့စိုးရိမ်ရေအမှတ်ထက်၄ပေကျော်ကိုရောက်ရှိနေပြီးနောက်တစ်ရက်အတွင်း၁ပေခန့်မြင့်တတ်နိုင်တယ်လို့ မိုးဇလကထုတ်ပြန်ထားပါတယ်။
 
ဒါ့အပြင် ငဝန်မြစ်ရေဟာငါးသိုင်းချောင်းမြို့ရဲ့စိုးရိမ်ရေမှတ်အထက်၃လက်မခန့်ရှိနေပြီးမယ်ဆိုင်ချောင်းဟာလည်း တာချီလိပ်မြို့ (လွယ်တော်ခမ်းကျေးရွာ)ရဲ့စိုးရိမ်ရေအမှတ်အထက် ပေဝက်ခန့်မြင့်တက်နေကာ နောက်တစ်ရက်အတွင်းအနည်းငယ်စီထပ်တိုးမြင့်လာမယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနကအသိပေးထားပါတယ်။
Photo-CJ

Related posts

Cover
နိုင်ငံသားစိစစ်ရေးကတ် အသစ်လျှောက် ၆ကျပ်၊ပျောက်ဆုံး/ပျက်စီး ၁၀ ကျပ်သတ်မှတ်ထားပြီး သတ်မှတ်နှုန်းထက်ပိုမိုတောင်းခံပါက တိုင်ကြားနိုင်ဟုဆို
Sep 14, 2025
Cover
အိန္ဒိယ_မြန်မာ နယ်စပ်တလျှောက် ပြန့်ကျဲနေသော လူသားချင်းစာနာမှု အကူအညီများနှင့် ခုခံတော်လှန်မှု အစီရင်ခံစာထွက်ရှိ
Sep 11, 2025
Cover
နိုင်ငံခြားသားအချို့ ဘာသာစကားသင်တန်းအမည်ခံဖွင့်လှစ်ကာ မြန်မာအမျိုးသမီးများကို လက်ထပ်ဖို့ စည်းရုံးပြီးလူကုန်ကူးနေဟု စစ်ကောင်စီပြော
Sep 10, 2025
Cover
ဘားအံအကျဉ်းထောင်တွင် နိုင်ကျဉ်း ၁၂ ဦး ရိုက်နှက်တိုက်ပိတ်ခံရကာ ၁ ဦးသေဆုံးဘားအံအကျဉ်းထောင်တွင် နိုင်ကျဉ်း ၁၂ ဦး ရိုက်နှက်တိုက်ပိတ်ခံရကာ ၁ ဦးသေဆုံး
Sep 08, 2025
Cover
နိုင်ငံကူးလက်မှတ်လျှောက်ထားသူများ စလစ်ရပြီး စာအုပ်မထွက်သူများနေ
Sep 08, 2025
Cover
မြန်မာက ဆာလောင် အာဟာရချို့တဲ့မှုတွေအတွက် ကိုရီးယားက ကန်ဒေါ်လာ ၁၀ သန်း ရန်ပုံငွေပံ့ပိုး
Sep 07, 2025
Cover
မြန်မာရှိ လူ ၃ ဦးလျှင် ၁ ဦး နှုန်း ဝမ်းရေးမဖူလုံမှုနှင့် ရင်ဆိုင်နေရဟု WFP ထုတ်ပြန်
Sep 07, 2025
Cover
ဆေးဝါးဈေးမြင့်တက်ပြီး ပြတ်လပ်မှုကြုံနေရ
Sep 02, 2025