Solidarity Trade Union of Myanmar (STUM) ရဲ့ ထုတ်ပြန်မှုတွေအရင် ၂၀၂၅ ခုနှစ်အတွင်း စက်ရုံ လုပ်ငန်းခွင်တွေ ဖြစ်ပွားခဲ့တဲ့ အငြင်းပွားမှုတွေကို အလုပ်သမား ဝန်ကြီးဌာနကို တိုင်ကြားပေမဲ့ မဖြေရှင်းပေးနိုင်တဲ့ အမှုပေါင်း (၂၁)မှု ရှိတယ်လို့ သိရပါတယ်။
အဲံဒီ အငြင်းပွားမှုတွေက Bontech, GYSen, Waninda, Rainbow Tex, Xusen Garment, Dong Sheng Xing, GTIG-2, True Green, Max Technology, Kingsright, MGOU Myanmar နဲ့ JIMMY Garment တို့မှာ ဖြစ်ပွားခဲ့ပြီး ကုန်ထုတ်လုပ်ရေး၊ အီလက်ထရောနစ်စက်ရုံတွေ ပါဝင်ပြီး အများစုက အထည်ချုပ်လုပ်ငန်းတွေ ဖြစ်ကြပါတယ်။
တိုင်ကြားမှုအခြေအနေ အများစုက နေပြည်တော် ဝန်ကြီးဌာနဆီ စာတင်ထားဆဲအဆင့်၊ အထက်ဆီ စာတင် ထားဆဲ ဒါမှဟုတ် တိုင်ကြားစာတင်ဆဲ့ အဆင့်တွင်ဖြစ်နေတာကို တွေ့ရပါတယ်။
အငြင်းပွားမှုတွေကို ၂၀၂၅ ခုနှစ် မေလမှ ဒီဇင်ဘာလတွင်း ဖြစ်ပွားခဲ့တာဖြစ်လို့ တိုင်ကြားချိန်က အများဆုံး ၇ လကနေ အနည်းဆုံး ၁ လကြော် ရှိနေတာကိုလည်းတွေ့ရပါတယ်။
ဒီအမှုတွေက တိုင်းဒေသကြီးအဆင့် အလုပ်သမားညွှန်ကြားရေးဦးစီးဌာန (အလည)၊ အလုပ်ရုံနှင့် အလုပ်သမာ ဥပဒေစစ်ဆေးရေးဦးစီးဌာန (အလရ)၊ လူမှုဖူလုံရေးအဖွဲ (လမဖ) နဲ့ တိုင်းတရားရုံးတွေဆီ အဆင့်ဆင့် တင်ပြထားပေမဲ့ ထိရောက်တဲ့ ဖြေရှင်းပေးမှုတွေ ဖြစ်ပေါ်လာတာ မရှိဘဲ ကြန့်ကြာနေတာလို့ STUM က ထုတ်ပြန်ထားပါတယ်။
နစ်နာမှုတွေကို သက်ဆိုင်ရာဌာနတွေက အချိန်မီဖြေရှင်းပေးနိုင်တာမရှိလို့ အလုပ်သမားတွေ အခက်အခဲများစွာ ကြုံတွေ့နေရတယ်လို့ STUM ရဲ့ အစီရင်ခံစာ မှာ ရေးသားထားပါတယ်။
