ထိုင်းနိုင်ငံ ကို သွားရောက်မယ့် မြန်မာနိုင်ငံသားတွေ အနေနဲ့ ဗီဇာလျှောက်ထားရာမှာ လာမယ့် ၂၀၂၅ခုနှစ် ဇန်နဝါရီ ၁ရက်က စပြီး အွန်လိုင်းက နေ e- Visa စနစ် ဖြင့်သာ လျှောက်ထားနိုင်တော့ မှာ ဖြစ်တယ်လို့ ရန်ကုန်ရှိ ထိုင်းသံရုံးက ထုတ်ပြန်ထားပါတယ်။ 

လက်တလောပြုလုပ်နေတဲ့ အွန်လိုင်းကနေ ရက်ချိန်း ယူပြီး ဗီဇာရုံး ကိုသွားရောက်လျှောက်ထားတာကို ဒီဇင်ဘာ ၂၄ ရက်အထိသာ လျှောက်လွှာ လက်ခံပေးမှာ ဖြစ်ပြီးe-Visa စနစ် အပြောင်းအလဲ ပြုလုပ် ခြင်း အတွက် ပြင်ဆင်မှု တွေ ဆောင်ရွက်ဖို့ ဒီဇင်ဘာ ၂၅ ရက်မှ ၃၁ရက် အထိ ကို ဗီဇာလျှောက်လွှာ လက်ခံ မှု မပြုတော့ဘူးလို့ ထိုင်းသံရုံးက အသိပေးထားပါတယ်။ 

e-Visa လျှောက်ထားတာကို မြန်မာနိုင်ငံသားတွေ အပါအဝင်  မြန်မာနိုင်ငံမှာ လက်ရှိနေထိုင်နေတဲ့ တခြားနိုင်ငံသားတွေလည်း လျှောက်ထားနိုင်တယ်လို့ ဆိုပါတယ်။ 

ဗီဇာလျှောက်ထားပြီးရင်တော့ ဗီဇာကြေးကို ထိုင်းသံရုံးဗီဇာကောင်တာမှာ ချိန်းဆိုတဲ့ရက် လာရောက်ပေးသွင်းရမှာ ဖြစ်ကာ  ဗီဇာလျှောက်လွှာတွေကို စိစစ်အကဲဖြတ်ချိန်ကတော့ ၁၀ ရက်က ၁၅ ရက်ကြာမြင့်နိုင်တယ်လို့ ထုတ်ပြန်ချက်မှာ ဖေါ်ပြထားပါတယ်။ 

ဗီဇာလျှောက်ထား သူတွေ အနေနဲ့ စာရွက်စာတမ်းမပြည့်စုံတာ၊စာရွက်စာတမ်း အတုပြုလုပ်လျှောက်ထား တာ တွေ့ရှိပါက  ဗီဇာလျှောက်လွှာ ကိုပယ် ဖျက်သွားမယ်လို့ ဆိုပါတယ်။ 

ပြောင်းလဲ အသုံးပြုမယ့် e-Visa စနစ် နဲ့ ပက်သက်တဲ့အသေးစိတ်အချက်အလက်ကို  https//www.thai
visa.go.th မှာ ဝင်ရောက်လေ့လာနိုင်တယ်လို့ သံရုံးကကြေညာထားပါတယ်။ 

Photo-FB လူမှုကွန်ယက် #MyanmarLabourNews