MOU စနစ်နဲ့ လာမယ့် ဒီဇင်ဘာလ အတွင်း ရွှေ့ပြောင်းလုပ်သား ၈၀၀၀၀ ခန့်ကို ခေါ်ယူမယ်လို့ သတင်းထွက်ပေါ်နေပေမယ့် မြန်မာနိုင်ငံအလုပ်သမားညွှန်ကြား ဦးစီးဌာနက ပြည်ပအလုပ်အကိုင်ရှာဖွေရေး အေဂျင်စီတွေကို ညွှန်ကြားထားမှုတစုံတရာ လက်ရှိအချိန်ထိ မရှိသေးဘူးလို့ သိရပါတယ်။
"သွားဖို့လာဖို့က ငွေကြေး မရှိဘူးလေ အဆင်မပြေဘူး သွားဖို့အတွက်ကိုတော့ ရှိတာလေးတွေ ဟိုမှာပေါင် ဒီမှာပေါင်နဲ့ အဆင်သင့်ဖြစ်အောင်တော့ လုပ်ထားရတယ်ပေါ့ ခုက ထိုင်းမှာ အဖမ်းအဆီးတွေ များနေတယ်ဆိုတော့ ဆိုတော့ သွားမရဲဘူး "လို့ ကရင်ပြည်နယ် ဖါးအံမြို့ နေ ရွှေ့ပြောင်းအလုပ်လုပ်လိုသူတဉီးက ပြောပါတယ်။
လက်ရှိမှာပြည်ပကို တရား ဝင်သွားရောက် အလုပ် လုပ်ပိုင်ခွင့်အတွက် ပြည်နယ် အလုပ်သမားညွန်ကြားရေးဦးစီးဌာနက ညွန်ကြားချက် တစုံတရာ မရှိသေးဘူးလို့ ကရင် ပြည်နယ် အလုပ်သမားညွန်ကြားရေးဦးစီဌာနတာဝန်ရှိသူထံက သိရပါတယ်။
ထိုင်းနိုင်ငံမှာ တရားဝင်သွားရောက် အလုပ် လုပ်ကိုင်နိုင်ဖို့ လတ်တလောရပ်ဆိုင်ထားပေမယ့် MOU အေဂျင်စီတွေအနေနဲ့ လာမယ့် ၂၀၂၂ ခုနှစ် နှစ်အစပိုင်းလောက်ကို တရားဝင်သွားရောက်ခွင့် မျှော်လင့်နေကြတယ်လို့ ဆိုပါတယ်။
ပြည်တွင်း အေဂျင်စီ (၁၀၀)ကျော်က စေလွှတ်မယ့် MOU ရွှေ့ပြောင်းလုပ်သား ၆၀၀၀၀ က ၂၀၂၀ ကိုဗစ်ကာလ အစောပိုင်းကနေ ယနေ့ထိ ထွက်ခွာခွင့်မရသေးတာဖြစ်ပါတယ်။
