အွန်လိုင်း( Facebook) ပေါ်မှ အလုပ်ခေါ်စာ တွေ့ပြီး ကမ္ဘောဒီးယား ကို တရားမဝင် သွားရောက် ဖို့ လုပ်ဆောင်တဲ့ မြန်မာလုပ်သား၁၆ဦးကို ထိုင်းနယ်စပ်မှာ ထိုင်းအာဏာပိုင်တွေက ဖမ်းဆီးခဲ့တယ်လို့ သိရပါတယ်။

 

မြန်မာလုပ်သားတွေဟာ အွန်လိုင်းအလုပ်ခေါ်စာတခုတွင် သန့်ရှင်းရေးဝန်ထမ်းအဖြစ် တလ ကို အမေရိကန်ဒေါ်လာ ၅၀၀ ရရှိမယ်လို့ တွေ့ရှိခဲ့သဖြင့် ဆက်သွယ်ခဲ့ ပြီး နောက် ထိုင်းအမျိုးသားတဦးနှင့် မြန်မာအမျိုးသားတဦးတို့က ၎င်းတို့ကို ကမ္ဘောဒီးယားနိုင်ငံသို့ ပို့ဆောင်ပေးရန်အတွက် ကားတစီးဖြင့် နယ်စပ်သို့ ဇန်နဝါရီ၁၁ရက်မှာ လာရောက်ပို့ဆောင်ပေးခဲ့တာလို့ သိရပါတယ်။

 

အဲ့ကနေတစ်ဆင့် ကမ္ဘောဒီးယား ဘက်သို့ ခြေလျှင် ဖြတ်ကျော်ရန် ဆာကဲအိုခရိုင် အတွင်း ဖြတ်သန်း၍ အုပ်စုလိုက် လမ်းလျှောက်နေချိန်မှာ နယ်မြေစိုးမိုးရေး ကင်းလှည့်နေတဲ့ ထိုင်းစစ်တပ် က တွေ့ရှိပြီး အဖမ်းခံခဲ့ရတာ ဖြစ်တယ်လို့ သိရပါတယ်။

 

မြန်မာလုပ်သားတွေကိုစစ်ဆေးမေးမြန်းရာမှာ မန္တလေးတိုင်း၊ မြစ်သားမြို့နယ်မှဖြစ်ကြောင်း အွန်လိုင်းမှ အလုပ်ခေါ်စာတွေ့ပြီး ပွဲစားခ ဘတ်၁၂၀၀၀ ပေးခဲ့ ရပြီး ၎င်းတို့မှာ နိုင်ငံကူးလက်မှတ်နှင့် အထောက်အထားစာရွက်စာတမ်း တွေမပါရှိကြောင်း သိရပါတယ်။

 

လက်ရှိတွင် ဖမ်းဆီးရမိသူ ၁၆ ဦးလုံး ကို ဥပဒေအရ အရေးယူနိုင်ရန်အတွက် ခလွန်နမ်ဆိုင်းရဲစခန်းသို့ လွှဲပြောင်းထားတယ်လို့ သိရပါတယ်။

 

Ref-Khaosod