NEWS

အွန်လိုင်းမှ ထိုင်းဘာသာစကားသင်ကြားပေးသော မြန်မာတစ်ဦးကို ထိုင်းရဲဖမ်းဆီး

CoverLogo
156 Views

ထိုင်းနိုင်ငံ စမွတ်ဆာခွန်ခရိုင်မှာ   အခငွေကြေးဖြင့် အွန်လိုင်းမှ တစ်ဆင့်  ထိုင်းဘာသာစကားသင်ကြား ပေးတဲ့  မြန်မာ ဆရာမ တစ်ဦး ကို ထိုင်းရဲတပ်ဖွဲ့က ဖမ်းဆီးလိုက်တယ်လို့ ထိုင်းဒေသတွင်းသတင်းတွေအရသိရပါတယ်။ 

 

ဧပြီ ၁၉ ရက် နေ့ က မြို့နယ်လူဝင်မှုကြီးကြပ်ရေးနဲ့ရဲတပ်ဖွဲ့တွေက   သင်ကြားပေးတဲ့  မြန်မာ ဆရာမ ရဲ့ နေထိုင်ရာနေရာသို့ ဝင်ရောက် စစ်ဆေး ပြီး ဖမ်းဆီးခဲ့တာ ဖြစ်တာ ဖြစ်တယ်လို့ သိရပါတယ်။ 

 

ထိုင်းဘာသာစကားသင်ကြားရာ တွင် လူမှုကွန်ယက်  Facebook နဲ့ ZOOM တို့ကနေတစ်ဆင့် သင်ကြားပေးပြီး သင်တန်းကြေး အဖြစ် သင်တန်းသားတစ်ဦး ကို ဘတ် ၁၅၀၀ ပေးရတယ်လို့ သိရပါတယ်။ 

 

ထိုင်းရဲ များ စစ်ဆေးစဉ် စာသင်ကြားသူ မှာ  နေထိုင် အလုပ်လုပ်ခွင့် အထောက်အထား ပြည့်စုံသော်လည်း အခကြေးငွေဖြင့် စာသင်ကြားခွင့်မရှိတဲ့ အတွက် အလုပ်လုပ်ကိုင်ခွင့်ပါမစ်မရှိဘဲ အလုပ်လုပ်ခြင်း သို့မဟုတ် လုပ်ပိုင်ခွင့်ပြင်ပတွင် အလုပ်လုပ်ကိုင်ခြင်း တို့ဖြင့် စွဲချက်တင် ဖမ်းဆီးခဲ့တာ ဖြစ်တယ်လို့ သိရပါတယ်။ 

 

လက်ရှိတွင် ပြစ်မှုကျူးလွန်သူ မြန်မာနိုင်ငံသား စာသင်ကြားသူ အမျိုးသမီး ကို ထိုင်းဥပဒေအရ တရားစွဲဆို ပြီး ထိုင်းနိုင်ငံ အတွင်း ဆက်လက်နေထိုင်ခွင့်ကို ရုတ်သိမ်းသွားမယ်လို့ ထိုင်းအစိုးရက ထုတ်ပြန်ထားပါတယ်။ 

 

နိုင်ငံခြားသားများရဲ့ အလုပ်အကိုင် စီမံခန့်ခွဲမှုဆိုင်ရာ ဘုရင့် အမိန့်ဥပဒေ BE 2560  ပုဒ်မ ၈ အရ နိုင်ငံခြားသားများသည် အလုပ်လုပ်ကိုင်ခွင့်ပါမစ်မရှိဘဲ အလုပ်လုပ်ကိုင်ခြင်း သို့မဟုတ် မိမိတို့လုပ်ပိုင်ခွင့်ပြင်ပတွင် အလုပ်လုပ်ကိုင်ခြင်းကို တားမြစ်ထားကာ ဥပဒေကို ချိုးဖောက်ပါက ဘတ် ၅၀၀၀ မှ ဘတ် ၅၀၀၀၀ အထိ ဒဏ်ငွေချမှတ်ခံရမှာဖြစ်သလို  ပုဒ်မ ၁၀၁ နှင့် ပုဒ်မ ၉ အရ နိုင်ငံခြားသားအား နေရပ်သို့  အမြန်ဆုံးပြန်ပို့မယ်လို့စမုစခွန်ရဲတပ်ဖွဲ့မှူးက  ပြောကြားပါတယ်။ 

 

နောက်တစ်ကြိမ် ထပ်မံ   ကျူးလွန်ပါက ထောင်ဒဏ်တစ်နှစ်ထက်မပိုသော ပြစ်ဒဏ် သို့မဟုတ်  ခန့်ထားသော နိုင်ငံခြားသားတစ်ဦးလျှင် ဘတ် ၅၀၀၀၀ မှ ဘတ်၂၀၀၀၀၀ အထိ ဒဏ်ငွေ သို့မဟုတ် နှစ်မျိုးလုံး ချမှတ်ခံရမည့် အပြင်   တရားရုံးက   စီရင်ချက်ချသည့်နေ့မှစ၍ အလုပ်ရှင်အနေဖြင့် နိုင်ငံခြားသားအား အလုပ်ခန့်ထားခြင်းကို သုံးနှစ်အထိ တားမြစ်ခံရမယ်လို့သိရပါတယ်။ 

 

ယခု ဖြစ်စဉ်နဲ့ ပက်သက်ပြီး အွန်လိုင်းမှ တစ်ဆင့်စာသင်ကြားနေတဲ့ ထိုင်းရောက်မြန်မာနိုင်ငံသားတွေ သတိထားကြ ဖို့ မြန်မာနိုင်ငံသားအချင်းချင်း အသိ ပေးတာတွေ ပြုလုပ်လျက်ရှိတာတွေ့ရပါတယ်။ 

 

Ref-กาคาบข่าว ออนไลน์ 


Related posts

Cover
မလေးရှားရောက် အထောက်အထားမဲ့ နိုင်ငံခြားသားလုပ်သားတွေ မိခင်နိုင်ငံပြန်ဖို့ လုပ်ဆောင်ပေးမည်
May 17, 2025
Cover
ဂျပန်ကုမ္ပဏီ ၃၀၀ ကျော်က မြန်မာအလုပ်သမား ၁၂၀၀ကျော် ခေါ်ယူရန် ကမ်းလှမ်းစာပို့
May 17, 2025
Cover
ဘတ်၂၅၀၀၀ ပေး အလုံပိတ်ကားဖြင့် လိုက်ပါလာသည့် မြန်မာလုပ်သား၂၆ဦး ဖမ်းခံရ
May 16, 2025
Cover
မလေးရှားတွင် ရဲဖမ်းမည်စိုးရိမ်၍ ထွက်ပြေးသည့် မြန်မာအမျိုးသမီး ၃ဦး ထိခိုက်ဒဏ်ရာရ
May 15, 2025
Cover
တရုတ်နိုင်ငံဘက်က မြန်မာလုပ်သားများ နေရပ်ပြန်ပါက အကြွေးကျန်မရှိမှ ပြန်ခွင့်ပြုဟုဆို
May 15, 2025
Cover
လစာ ဘတ်တစ်သန်းကျော် မပေးသဖြင့် အလုပ်ရှင်အား မြန်မာလုပ်သားများ တိုင်ကြား
May 15, 2025
Cover
အလုပ်ခွင် ထိခိုက်သည့် မြန်မာလုပ်သားအား နစ်နာကြေးမပေးဘဲ ဆေးကုသစရိတ် ပြန်တောင်း
May 14, 2025
Cover
MOUအလုပ်သမားများ ဒွန်မောင်း လေဆိပ်ရောက်ရှိကြောင်း မှတ်တမ်းဓါတ်ပုံ သံရုံးဆီ ပေးပို့ ရမည်
May 13, 2025