နိုဝင်ဘာ ၂၀၊ ၂၀၂၄ "တကယ်လုပ်ရမယ့်ကိစ္စတွေကို ကျွန်တော်တို့တင်ပြထားပါတယ်။အဓမ္မ စစ်ထဲဝင်ခိုင်းတဲ့ကိစ္စတွေရပ်လိုက်ပါ။အဲ့တာက ရပ်ဖို့လိုတယ်။ အဲ့ဒါက အဓမ္မလုပ်အားပေးခိုင်းစေမှုမြောက်တယ်လို့ ILO က စာမှာရှင်းရှင်းလင်းလင်းရေးထားပါတယ်။
အဓမ္မလုပ်အားပေးခိုင်းစေတာကိုရပ်မယ်ဆိုရင် အဓမ္မစစ်မှုထမ်းခိုင်းတာကိုရပ်လိုက်ပါ။" မြန်မာနိုင်ငံက အာဏာသိမ်းစစ်တပ်ကို ILO အပြည်ပြည်ဆိုင်ရာအလုပ်သမားရေးရာအဖွဲ့ ရဲ့ ပိတ်ဆို့မှုလမ်းကြောင်းကနေ အရေးယူနိုင်ဖို့ အလုပ်သမားအစုအဖွဲ့တွေနဲ့ မြန်မာနိုင်ငံအလုပ်သမားတပ်ပေါင်းစုတို့ ကြိုးပမ်းနေပါတယ်။ ဒီလိုအရေးယူမှုတွေလုပ်ဆောင်ရင် အာဏာသိမ်းစစ်တပ်ကို ဘယ်လောက်ထိ ပြိုလဲသွားစေနိုင်မလဲ။ အရေးယူဖို့ လျှောက်လှမ်းရတဲ့ လမ်းကရော ဘယ်အခြေအနေအထိရောက်နေပြီလဲ။ စတဲ့ အကြောင်းအရာတွေကို စစ်အုပ်စုကို အရေးယူနိုင်ရေးကြိုးပမ်းနေတဲ့ မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် CTUM ဥက္ကဌ ဦးမောင်မောင်ရဲ့ ဖြေကြားချက်ကို ဖော်ပြပေးလိုက်ပါတယ်။
