အာဏာသိမ်းမှု့အောက်မြန်မာနိုင်ငံ COVID-19 ကပ်ရောဂါတတိယလှိုင်းကာလအလုပ်သမားများ၏ဘဝအစီရင်ခံစာကို လွတ်မြောက်ရေးနှင့်အလုပ်သမားအရေးဆောင်ရွက်လှုပ်ရှားသူများအဖွဲ့(Freedom and Labor Action Group)က ဒီကနေ့ထုတ်ပြန်လိုက်ပါတယ်။
အဆိုပါအစီရင်ခံစာထဲမှာအာဏာသိမ်းမှု့ဖြစ်ပြီးနောက်ပိုင်းအကာအကွယ်ပေးမှု့မဲ့နေတဲ့အလုပ်သမားတွေရဲ့အခြေအနေအကြောင်းအရာတွေကိုဖော်ပြထားတယ်လို့သိရပါတယ်။
"လက်ရှိအခြေအနေမှာအလုပ်ရှင်တွေဖက်ကအလုပ်သမားတွေနဲ့ချုပ်ဆိုထားတဲ့ စာချုပ်တွေကိုဖောက်ဖျက်ပြီးလုပ်နေတာတွေရှိတယ် ပြီးတော့အလုပ်သမားတွေရဲ့အခက်အခဲတွေကိုဖြေရှင်းဆောင်ရွက်ပေးမှု့မရှိတာတွေရှိနေတယ် အလုပ်သမားတွေကတော့လက်တွေ့မှာပဲ တောင်းဆိုတိုက်ပွဲဝင်နေကြရတာပဲ ဥပဒေအရလဲဘာအကာအကွယ်ပေးမှု့မှမရှိတော့ဘူး ဒါတွေဟာစစ်အာဏာသိမ်းမှု့ကြောင့်ဖြစ်ရတာပဲ"လို့အစီရင်ခံစာထုတ်ပြန်တဲ့ FLAG အဖွဲ့မှတာဝန်ရှိသူတဦးကပြောပါတယ်။
အထက်ပါအစီရင်ခံစာဟာ ရန်ကုန်တိုင်းအတွင်းကစက်မှု့ဇုန်တွေနဲ့ ပုသိမ်စက်မှု့ဇုန်ကအလုပ်သမားပေါင်း ၃၃၀ ခန့်ကိုမေးမြန်းရေးသားထုတ်ပြန်ခဲ့တာဖြစ်ပြီးမြန်မာ့အလုပ်သမားတွေရဲ့အခြေအနေကိုကမ္ဘာ့အဖွဲ့အစည်းတွေသိရှိဖို့ရည်ရွယ်ထုတ်ပြန်တာဖြစ်တယ်လို့သိရပါတယ်။
