ရန်ကုန်တိုင်း ရွှေပြည်သာမြို့နယ် အမှတ်၂စက်မှု့ဇုန်အထဲမှာလုပ်ကိုင်နေတဲ့တရုတ်လူမျိုးပိုင် KINGSRICH (MYANMAR) FASHION LIMITED အထည်ချုပ်စက်ရုံမှာ အလုပ်သမား ဥပဒေအခွင့်အရေးချိုးဖောက်တာတွေရှိနေတယ်လို့အမည်မဖော်လိုတဲ့စက်ရုံဝန်ထမ်းတွေက MLN ကိုပြောပါတယ်။
အဲ့ဒီ့လိုလုပ်သားအခွင့်အရေးချိုးဖောက်မှု့တွေထဲမှာလုပ်သားဝန်ထမ်းတွေကိုခေါ်ယူပြီးအိုတီကြေးမပေးတာတွေ နေထိုင်မကောင်းရင်ခွင့်ရက်မပေးဘဲ လစာအဆမတန်ဖြတ်တာတွေ အာဝါဒီအဆမတန်တိုးတောင်းခိုင်းစေနေတာတွေပါဝင်တယ်လို့အလုပ်သမားတွေကဆိုပါတယ်။
"မနက်ဖြန်အသံတိတ်သပိတ်ရှိတယ် ကျမတို့မဆင်းနိုင်ဘူးလို့ပြောတာကိုစူပါတွေကနေတဆင့်ဖိအားပေးတယ် စနေကိုအစားထိုးဆင်းပေးရမယ်ပြောတယ်စူပါကလဲမဆင်းရင်လူစားထည့်မယ်ဆိုပြီး ခြိမ်းခြောက်တဲ့ ပုံစံနဲ့လာပြောတယ်"လို့ Kingsrich Myanmar စက်ရုံကလုပ်သားတဦးကပြောပါတယ်။
စက်ရုံဖက်ကနေထိုင်မကောင်းခွင့်ယူတာတွေကိုပါတရက်ကို ၂ သောင်းကျော်အထိလစာဖြတ်တောက်တာတွေရှိနေပြီးခံဝန်ဂတိထိုးခိုင်းတာတွေ Grade ချတာတွေပါရှိနေတယ်လို့လဲ MLN ကသိရပါတယ်။
"တရက်ကိုငါးဆယ်လောက်အာဝါလီအပ်ရင် နောက်ရက်ဆို ခုနှစ်ဆယ်လောက်တောင်းတယ်ရှင့် နေထိုင်မကောင်းတာလေးကိုတောင်ရက်ပြတ်တယ်ဆိုပြီးအလုပ်ထုတ်ပစ်လိုက်တယ် ကျမတို့ဒီစက်ရုံကလစာပေးတာအနည်းဆုံးပဲ ဒီလစာနဲ့ကျမတို့ဒီအခြေအနေမှာဘယ်လိုမှစားမလောက်ဖူး"လို့စက်ရုံအလုပ်သမားတဦးကဆက်ပြောပါတယ်။
Kingsrich Myanmar အထည်ချုက်စက်ရံမှအလုပ်သမားလစာတွေကို အဓမ္မတောင်းယူနေတဲ့အပ်ထည်တွေပြည့်မပြည့်နဲ့သတ်မှတ်နေတဲ့အတွက်အဆိုပါစက်ရံမှအထည်ချုပ်အလုပ်သမတယောက်ရဲ့လစာမှာဖြတ်တောက်ခံရတာနဲ့ပင်လုံးပါးပါးနေရတယ်လို့စက်ရုံဝန်ထမ်းတွေကဆိုပါတယ်။
"ဒီစက်ရုံလစာအနည်းဆုံးပဲ ဒါကိုတောင်နားလှည့်ပါးရိုက်နဲ့လုပ်အားခေါင်းပုံဖြတ်တော့အဆင်မပြေတော့ဘူး သူတို့ကလူပါးကိုဝနေတာတန်ရာတန်ကြေးမပေးနိုင်ရင်ထွက်သွားလို့ပဲပြောချင်တယ်"လို့စက်ရုံလုပ်သားတဦးကဆိုပါတယ်။
Kingsrich Myanmar အထည်ချုပ် စက်ရုံမှ H&M အမှတ်တံဆိပ်အထည်များကိုထုတ်လုပ်နေတဲ့စက်ရုံတခုဖြစ်တယ်လို့သိရပါတယ်။
