NEWS

အသက် ၁၈ မှ ၃၅ နှစ် အတွင်းရှိ အမျိုးသားများ ပြည်ပထွက်အလုပ်လုပ်ခွင့် ကို ဇန်နဝါရီ ၃၀ ရက်အထိ အလုပ်သမားဝန်ကြီးဌာနမှာ စာချုပ်ချုပ်ထားသူများကို စေလွှတ်ခွင့်ပြန်ပေး

CoverLogo
379 Views
 
အသက် ၁၈နှစ်မှ ၃၅နှစ် အတွင်းရှိ အမျိုးသား များ ပြည်ပထွက် အလုပ်လုပ်ရန် အတွက် အလုပ်သမားဝန်ကြီးဌာန မှာ စာချုပ်ချုပ်ထားသူတွေကို စေလွှတ်ခွင့်ပြန်ပေးတယ်လို့ လိုင်စင်ရအေဂျင်စီတွေထံက သိရပါတယ်။
အမျိုးသားများ ပြည်ပ ထွက် အလုပ်လုပ်ခွင့် ကို ယခင် အသက်၂၃နှစ်မှ ၃၁နှစ်အထိ ကန့်သက်ထားရာမှ ဇန်နဝါရီ ၃၀ရက်နေ့မှာ အသက်၁၈နှစ်မှ၃၅နှစ်အထိ ကန့်သက်လိုက်ပြီး စေလွှတ်လုပ်ငန်းစဉ်များကို ယာယီရပ်လိုက်တဲ့ အတွက် လိုင်စင်ရအေဂျင်စီတွေ မှ စာချုပ်ချုပ်ထားသူများ ကို စေလွှတ် ခွင့်ပြုပေးဖို့ အလုပ်သမားဝန်ကြီးဌာနကို တောင်းဆိုလိုက်တယ်လို့သိရပါတယ်။
""မနေ့က အကြောင်းကြားမှု မရှိဘဲ ပိတ်လိုက်တော့ အေဂျင်စီတွေလည်း အတော်လေး ပြဿနာနာတတ်ကုန်တာပေါ့ ဒါကြောင့် စာချုပ်ချုပ်ထားပြီးတဲ့သူတွေကို စေလွှတ်ခွင့်ပေးဖို့ ဝန်ကြီးဌာန ကို တောင်းဆိုတဲ့အခါ ဇန်နဝါရီ ၃၀ရက် အထိ အလုပ်သမားအရာရှိရှေ့မှာ စာချုပ် ချုပ်ထားပြီး သူတွေကို စေလွှတ်လုပ်ငန်းစဉ်နဲ့ OWIC ကတ် ပြုလုပ်ခွင့်ပေးတယ်လို့ ဒီနေ့ ပြန်ပြောတယ်""လို့လိုင်စင်ရအေဂျင်စီ မှ တာဝန်ရှိသူတစ်ဦးကပြောပါတယ်။
အခုလို ဇန်နဝါရီ ၃၀ရက်အထိ စာချုပ်ချုပ်ထားတဲ့ အသက်၁၈မှ၃၅နှစ်ရှိ အမျိုးသား လုပ်သားတွေကို စေလွှတ်ခွင့်ပြုပေမယ့် စစ်မှုထမ်းရန်ဆင့်ခေါ်ခြင်း အတည်ပြုခံ ထားရသူတွေ ဖြစ်ပါက လေဆိပ်မှ ထွက်ခွာခွင့်ပြုမှာ မဟုတ်ဘူးလို့ ဆိုပါတယ်။
""အခု ၃၀ရက်အထိ စာချုပ်ချုပ်ထားသူတွေ စေလွှတ်ခွင့် ပြန်ရပေမယ့် စိတ်မအေးရသေးဘူး လေဆိပ် ကို ပို့ထားတဲ့ စစ်မှုထမ်းစာရင်းထဲ မှာပါနေရင် ထွက်လို့ရမှာ မဟုတ်ဘူး အဲ့ခါကျရင် အလုပ်သမားကော အေဂျင်စီကော နစ်နာမှုတွေရှိလာမှာ တကယ်က ဝန်ကြီးဌာန က အကုန်ပိတ်ပလိုက်တာ အေဂျင်စီ တွေက တောင်းဆိုလို့သာ ၃၀ရက်နေ့အထိ စာချုပ်ချုပ်ပြီးသားတွေ ကို ပြန်ဖွင့်ပေးတာ လေဆိပ်မှာ ပြသာနာဖြစ်ရင် ကိုယ်ဖြစ်ကိုယ်ခံသဘောမျိုးနဲ့ ပြန်ဖွင့်ပေးလိုက်တာ""အေဂျင်စီအသိုင်းဝန်းနဲ့နီးစပ်သူတစ်ဦးကပြောပါတယ်။
လက်ရှိမှာ အသက်၁၈နှစ်မှ ၃၅နှစ်အထိ အမျိုးသား များ ပြည်ပထွက်အလုပ်လုပ်ခွင့်ကို ပြီးခဲ့တဲ့ဇန်နဝါရီ၃၀ရက် အထိ အလုပ်သမားဝန်ကြီးဌာန အရာရှိ ရှေ့မှာစာချုပ်ချုပ်ထားသူများကိုသာ ပြန်လည် ခွင့်ပြုတာဖြစ်ပြီး ကျန်တဲ့ အသက်၁၈မှ၃၅နှစ်အထိ အမျိုးသား များကို ပြည်ပထွက် အလုပ်လုပ်ခွင့် ယာယီပိတ်ထားဆဲ ဖြစ်တယ်လို့ သိရပါတယ်။
အမျိုးသမီး လုပ်သားများ ကိုတော့ အသက်ကန့်သက်ချက် မထားသေးသလို ပြည်ပကို သွားရောက် အလုပ်လုပ်ခွင့်ပုံမှန် အတိုင်း စေလွှတ်ခွင့်ပြုထားသေးတယ်လို့ သိရပါတယ်။

Related posts

Cover
ချင်းမိုင်တွင် အလုပ်ပါမစ်မရှိသည့်အတွက် မြန်မာဆိုင်ရှင်နှင့်အလုပ်သမားများ အဖမ်းခံရ
May 04, 2025
Cover
တည်ဆောက်ရေးလုပ်ငန်းတွေမှာ အမျိုးသမီးတွေလုပ်ငန်းခွင်ဝင်ဖို့ သင်တန်းပေးနေ
May 04, 2025
Cover
မေဒေး အလုပ်သမားအခွင့်အရေး တောင်းဆိုချက်များ
May 03, 2025
Cover
စာချုပ်ချုပ်ထားပြီးတဲ့ လုပ်သား ၁၀၀၀၀ ခန့်ပြည်ပထွက်ခွင့် ရရေးမျှော်လင့်
May 03, 2025
Cover
သတင်းလွတ်လပ်ခွင့် အဆင့် ၁၆၉ နဲ့ သတင်းသမားတွေအန္တရာယ်အများဆုံးနိုင်ငံစာရင်းထဲ မြန်မာပါဝင်
May 03, 2025
Cover
WAN HE SHUO FASHION အလုပ်သမားများ အချိန်ပို ညလုံးပေါက် အခမဲ့လုပ်ပေးရ
May 02, 2025
Cover
လာအို အခြေစိုက် NEW ERA၊ Authentic တံဆိပ်ချုပ် စက်ရုံ စာချုပ်ချိုးဖောက်ပြီး လျှော်ကြေးတောင်း
Apr 30, 2025
Cover
Myanmar Huasheng Kefu Fashion အထည်ချုပ် အလုပ်ခန့် လစာ မပေးသည့်အပြင် ပိတ်ရက်ဒေးကြေးလျှော့ပေး
Apr 30, 2025