ဧရာဝတီတိုင်းဒေသကြီး၊ ပုသိမ်မြို့ ၊၁၃ရပ်ကွက် မဥ္ဇူလမ်း ကွင်းအမှတ်(၅၂စီးပွားဇုန်) ရှိ Hakers Enterprise Myanmar အထည်ချုပ် စက်ရုံမှာ
အလုပ်သမားသဘောဆန္ဒမပါဘဲ တနလာ်နေ့အစား တနဂ်နွေနေ့ အား ရက်အစားဆင်းရမယ်လို့ ဆိုပါတယ်။
" တနဂ်နွေ OTခေါ်ရင် နှစ်ဆပေးရမယ် ခုက နှစ်ဆမပေးချင်ဘဲ တနလာ်နေ့အစားဆိုပြီး လုပ်တယ် ၊ တနဂ်နွေပိတ်ပြီး တနလာ်ပြန်ဆင်း အင်္ဂါနေ့ ပြန်ပိတ် ဆိုတော့လဲ မလုပ်ချင်ဘူး တနဂ်နွေ ၂ဆလဲမပေးချင်ဘူး စက်ရုံဘက်က အလုပ်သမားတွေနဲ့ ညှိ့ညှိ့နှိုင်းနှိုင်းမလုပ်ဘူး အတင်းအကြပ်လက်မှတ်ထိုးခိုင်းနေလို့မကျေနပ်တာ"လို့ အလုပ်သမားတစ်ဦးက ပြောဆိုပါတယ်။
အများပြည်သူရုံးပိတ်ရက်တွေနဲ့ အခါကြီးပိတ်ရက်တွေမှာ အလုပ်ဆင်းရပါက အလုပ်သမားဥပဒေအရ ဒေးကြေးကို ပုံမှန်ထက် ၂ ဆ နှုန်းနဲ့ပေးချေရမှာဖြစ်ပေမဲ့ ပေးချေစရာမလိုအောင် ရက်အစားထိုးဆင်းခိုင်းတဲ့နည်းနဲ့ဖြေရှင်းတာဖြစ်တယ်လို့ အလုပ်သမားတွေကပြောပါတယ်။
" စက်ရုံက တနလာ် ၊ အင်္ဂါ(ဝါဆိုလပြည့်နေ့)ပိတ်ပေးမယ် တနလာ်နေ့အစား တနဂ်နွေနေ့ကို ရက်အစားဆင်းပေးရမယ်ဆိုပြီး လိုင်းကြီးကြပ်ရေးမှူး Super Leader တွေက အတင်းအကြပ်လက်မှတ်ထိုးခိုင်းတယ် ၊ သဘောမတူဘူး လက်မခံဘူးဆိုပြီး လက်မှတ်မထိုးပေးတဲ့သူတွေကိုလဲ HR ကခေါ်ဆူတယ်၊ ညီမတို့အလုပ်သမားတွေက တနဂ်နွေ တနလာ် အင်္ဂါ ပိတ်ပေး စနေနေ့ကို နေ့ဝက်အစားပြန်ဆင်းပေးမယ်ဆိုတာကို လက်မခံဘူး"လို့အဆိုပါ စက်ရုံမှ ဝန်ထမ်းတစ်ဦးကပြောဆိုပါတယ်။
အဆိုပါစက်ရုံသည် တရုတ်နိုင်ငံသားပိုင်ဖြစ်ပြီး
REGATTA တံဆိပ်ကိုချုပ်လုပ်နေတာဖြစ်ပါတယ်။
#MyanmarLabourNews
