ထိုင်းနိုင်ငံ ချွန်ပူလီမြို့တွင်ရှိသော ဂျက်လစင်ဟွေ့ပါကွန်ဒိုအနီး အလုပ်သွားရန်စောင့်နေတဲ့ မြန်မာအလုပ်သမားတွေကို စက်ရုံမှ လာကြိုတဲ့ ကား က အရှိန်လွန်ပြီး ဝင်တိုက်တာကြောင့် မြန်မာအလုပ်သမား တစ်ဦးသေဆုံးကာ သုံးဦး ထိခိုက်ဒဏ်ရာရခဲ့တယ်လို့ WAG အလုပ်သမားကူညီစောင့်ရှောက်ရေးအဖွဲ့ထံမှသိရပါတယ်။
ယနေ့မနက် ၆နာရီခွဲ လောက်မှာ ဘန်ဝ၊ဒယ်အိုးရုံ မှာ အလုပ်လုပ်နေတဲ့ မြန်မာအလုပ်သမား ကိုစိုးလင်းဦး ဟာ အလုပ်သွားရန်အတွက် ကွန်ဒိုအနီးရှိဖုန်းဆိုင်မှာ ကားစောင့်နေချိန်တွင် အလုပ်သမားတွေကိုလာကြိုတဲ့ နှစ်ထပ်မှန်လုံကားဟာစက်တစ်ခုခုချို့ယွင့်းပြီး အရှိန်မထိန်းနိုင်ဘဲ ဝင်တိုက်မှုဖြစ်တာကြောင့် အခင်းဖြစ်တဲ့ နေရာမှာတင် ပွဲချင်းပြီးဆုံးသွားတယ်လို့ ဆိုပါတယ်။
၎င်းနှင့်အတူ မြန်မာအလုပ်သမား၃ ဦးလည်းဒဏ်ရာအပြင်းအထန်ရသွားပြီး သေဆုံးသူနဲ့ဒဏ်ရာရသူတွေ ကို ဆေးရုံသို့
ပို့ဆောင်ကာ ဆေးစစ်ချက်ယူနေတယ်လို့ သိရပါတယ်။
သေဆုံးသူမြန်မာလုပ်သားရဲ့ အစ်ကိုဖြစ်သူဟာ သေမှူသေခင်းနှင့်ပတ်သက်ပြီး မည်သို့လုပ်ဆောင်ရမည်ကိုနားမလည်တဲ့ အတွက် လာရောက်ကူညီဆောင်ရွက်ပေးဖို့ WAG အလုပ်သမားကူညီစောင့်ရှောက်ရေးအဖွဲ့ထံအကူအညီတောင်းခံလာတယ်လို့ သိရပါတယ်။
ဒါကြောင့် ယနေ့အောက်တိုဘာ ၁၄ ရက် မွန်းလွဲ( ၁၂နာရီခွဲ )အချိန်မှာ အမှုကိုလက်ခံခဲ့ပြီး အခင်းဖြစ်တဲ့နေရာသို့ချက်ချင်းသွားရောက်ကူညီဆောင်ရွက်ပေးနေတယ်လို့ WAGအဖွဲ့မှ ထုတ်ပြန်ထားပါတယ်။
