NEWS

အလုပ်ထုတ်ခံရတဲ့ အလုပ်သမား ၇ ဦး ညှိနှိုင်းရေးမှအပြန် သမဂ္ဂအတွင်းရေးမှူး အမျိုးသမီးတစ်ဦးကိုဖမ်းဆီးသွား

CoverLogo
1K Views

ရန်ကုန်တိုင်း၊ ရွှေပြည်သာမြို့နယ်၊ သာဓုကန်စက်မှုဇုန်မှာရှိတဲ့ Hosheng Myanmar အထည်ချုပ်စက်ရုံက  အလုပ်သမား ၇ ဦး အလုပ်ထုတ်ခံရပြီး အလုပ်သမားသမဂ္ဂအတွင်းရေးမှူး မသူသူစံဖမ်းဆီးခံခဲ့ရတယ်လို့ သိရတယ်။

"သူသူစံရဲ့ဖုန်းကိုလဲသိမ်းထားတယ် စစ်တပ်က သတင်းတင်တဲ့အထဲမှာ ဗိုလ်မှူးရဲ့ပုံပါသွားလို့ ဖမ်းတာလို့ပြောပါတယ် ထွေအုပ်ရုံးအပေါက်မှာတခါတည်ခေါ်သွားတာပါ"လို့ သတင်းရင်းမြစ်ကဆိုပါတယ်။

ယနေ့ ဇွန် ၁၄ ရက် ရွှေပြည်သာမြို့နယ်ထွေအုပ်ရုံးမှာ သွားရောက်ညှိနှိုင်းပြီးအပြန် မသူသူစံကို အရပ်ဝတ်နဲ့ရဲတွေ ခေါ်ဆောင်သွားတာလို့ သိရပါတယ်။

“ ရွှေပြည်သာ ထွေအုပ်ရုံးမှာ ညှိနှိုင်းဖို့ခေါ်ထားတာပါ အပြန်မှာ မသူသူစံကို အရပ်ဝတ်နဲ့လူနှစ်ယောက်က ကားပေါ်ကနေခေါ်သွားတာ မျက်နှာတော့အရမ်းမတွေ့ရဘူး မှန်အမဲဆိုတော့" လို့ အမည်မဖော်လိုတဲ့ သတင်းရင်းမြစ်က ပြောပါတယ်။

" ခေါ်တဲ့အချိန်မှာ မသူသူစံက တစ်ယောက်ထဲမလိုက်ချင်ဘူးငြင်းတော့ မေသူမင်း ကိုပါခေါ်တယ် ခေါ်သွားတဲ့ မေသူမင်းကို ရွှေပြည်သာ ထွေအုပ်ရုံးအနီးက ရဲစခန်း တစ်ခုမှာ မေသူမင်းကို ထားခဲ့တယ်"လို့ သိရပါတယ်။

နေ့လယ် ၁၂ နာရီဝန်းကျင်ကတည်းက မသူသူစံကို ဖမ်းဆီးခေါ်ဆောင်သွားတာဖြစ်​ပြီး ယခုအချိန်ထိ အဆက်အသွယ် မရသေးဘူးလို့ ဆိုပါတယ်။

အလုပ်ထုတ်ခံရတဲ့အလုပ်သမား ၇ ဦးကို ဇွန်လ ၁၀ ရက်နေ့က အလုပ်ထုတ်လိုက်တာဖြစ်ပြီး Hosheng စက်ရုံရဲ့ ထုတ်ပြန်စာမှာတော့ အဆိုပါ အလုပ်သမား ၇ ယောက်ကို စက်ရုံတွင်းတည်ငြိမ်နေသောအနေအထား ကို ဆူပူမှုဖြစ်ပေါ်စေရန် ရည်ရွယ် ၍ သွေးထိုးလှုံ့ဆော်ခြင်း၊ စက်ရုံမှူးအား ခြိမ်းခြောက်ပြောဆိုခြင်း ကုန်ထုတ်လုပ်မှုကျဆင်းစေရန် တမင်လုပ်ဆောင်ခြင်းတို့ကြောင့် အလုပ်မှထုတ်ပယ်ကြောင်း ဖော်ပြထားပါတယ်။

အဆိုပါအလုပ်သမား သမဂ္ဂခေါင်းဆောင်  ၇ ဦးကို အကြောင်းမဲ့ အလုပ်ထုတ်လိုက်လို့ ဇွန်လ ၁၂ ရက်နဲ့ ၁၃ ရက်နေ့မှာ  စက်ရုံအလုပ်သမား ၆၀၀ ကျော် ဆန္ဒပြတောင်းဆိုခဲ့ကြတာလို့ သိရပါတယ်။

Hosheng Myanmar စက်ရုံမှ တရုတ်နိုင်ငံသားပိုင်ဖြစ်ပြီး ZARA နဲ့ Inditex တို့ချုပ်လုပ်တာဖြစ်ပါတယ်။

#MyanmarLabourNews 
Photo-မသူသူစံအားတွေ့ရစဥ်။


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
ဆေးနှင့် ဆက်စပ်ပစ္စည်များ ဈေးနှုန်းမြင့်တက်၊ ပစ္စည်းပြတ်လပ်မှုများရှိနေ
Apr 07, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
စစ်မှုထမ်းရန်မဲပေါက်သူတွေ ထွက်ပြေးတိမ်းရှောင်သွားလို့ ကျေးရွာတွေထံငွေကြေးအဓမ္မကောက်ခံဟုဆို
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024