လှိုင်သာယာမြို့နယ်၊ ဆိပ်ကမ်းသာလမ်းမှာလုပ်ကိုင်နေတဲ့တရုတ်လူမျိုးပိုင် Primark Brand ထုတ်လုပ်တဲ့ Unifa Handbag Myanmar စက်ရုံမှာရုံးဆင်းချိန်၊ စက်ရုံအပေါက်၀နားမှာ ၄င်းတို့တပ်ဆင်ထားတဲ့ Mask ကိုချွတ်မိလို့ဆိုပြီးအလုပ်သမားနှစ်ဦးကိုစက်ရုံစည်းကမ်းဖောက်ဖျက်တယ်ဆိုပြီးအလုပ်ထုတ်လိုက်တာခံလိုက်ရတယ်လို့ကာယကံရှင်တွေက MLN ကိုပြောပါတယ်။
"အလုပ်ဆင်းပြီးစက်ရုံအပေါက်ရောက်မှမတ်စ်ချွတ်တာကိုစက်ရုံစည်းကမ်းဖောက်တယ်ဆိုပြီးနို့တစ်စာပေးပြီး ကျွန်တော့်ကိုအလုပ်ထုတ်လိုက်တယ်ကျွန်တော်တယောက်ထဲတော့မဟုတ်ဖူးနောက်တယောက်လဲပါတယ်။သူကတောင်းပန်တော့အလုပ်ပြန်ခန့်လိုက်တယ်။ကျွန်တော်တောင်းပန်တာကျတော့အကြောနဲ့ပြောတယ်ဆိုပြီးအလုပ်ပြန်မခန့်တော့ဘူး"လို့အလုပ်ထုတ်ခံလိုက်ရတဲ့ကာယကံရှင်တဦးကပြောပါတယ်။
အလုပ်ထုတ်ခံလိုက်ရတဲ့ကာယကံရှင်မှာနို့တစ်စာကိုမယူပဲထွက်လာခဲ့တယ်လို့လဲဆိုပါတယ်။
ဒါ့အပြင် မြို့နယ်အချို့မှာတော့ လမ်းသွားစဥ်မက်စ်တပ်ထားပါကလည်း စစ်ကောင်စီတပ်သားတွေရဲ့ စစ်ဆေး၊ ဒဏ်ရိုက်တာခံရပါသေးတယ်။
စက်ရုံအလုပ်ရုံတွေမှာ ယခုကာနိုင်ငံရေးမတည်ငြိမ်မှု့နဲ့အတူအလုပ်ရှင်အလုပ်သမားဆိုင်ရာအခွင့်အရေးချိုးဖောက်မှု့တွေကတနေ့တခြားတိုးပွားလာနေတာဖြစ်ပါတယ်။
