NEWS

အမျိုးသမီးစစ်မှုထမ်းဂယက်ကြောင့် ကျွမ်းကျင်လုပ်သား လိုအပ်ချက်ဖြစ်ပေါ်နိုင်

CoverLogo
61 Views
 
စစ်မှုထမ်းဖို့အတွက်အမျိုးသားရောအမျိုးသမီးပါဖိအားပေးပြီးစာရင်းကောက်လာချိန်မှာနေရပ်ပြန်လိုတဲ့အလုပ်သမားတွေများလာပါတယ်။
 
အဲ့ဒီအတွက်ကြောင့် ပြည်တွင်းက စက်မှု လက်မှု စက်ရုံ အလုပ်ရုံ လုပ်ငန်းတွေမှာ လုပ်ကိုင်နေကြတဲ့ အရွယ်ရောက် ကျွမ်းကျင်လုပ်သားတွေ ရှားပါးလာနိုင်တယ်လို့ အလုပ်သမား အရေး လုပ်ဆောင်သူတွေက သတိပေးမှုတွေရှိနေပါတယ်။
 
ရန်ကုန်မြို့ရဲ့စက်မှုဇုန်တွေဟာ ရွှေ့ပြောင်းလုပ်သားအများအပြားဝင်ရောက်လုပ်ကိုင်နေတာဖြစ်ပြီးလက်ရှိမှာတော့အလုပ်သမားတွေရဲ့စိုးရိမ်သောကတွေပိုများလာပြီး‌ နေရပ်ပြန်လိုကြတာပဲဖြစ်ပါတယ်။
 
"စိတ်ပင်ပန်းတယ်။အဆောင်မှာဧည့်စာရင်းနဲ့နေတဲ့စာရင်းတွေလာကောက်တယ်။ဘာအတွက်ရယ်တော့မပြောပါဘူး။ဒါပေမယ့်စိတ်ပူတယ်။အခုကအမျိုးသမီးတွေလည်းစစ်မှုထမ်းဖို့ခေါ်မယ်ဆိုတော့ညီမတို့ညီအမတွေကအကုန်ပါမှာပဲ။အမေကတော့ပြန်လာခဲ့ပြောတယ်။ခက်တာကနယ်ပြန်တော့လည်းဘာလုပ်စားမလဲ။ဒီမှာလည်းချောင်လည်တယ်တော့မဟုတ်ပေမယ့်ညီအမတွေစုစားတော့အိမ်ကိုပို့နိုင်သေးတယ်။နယ်ပြန်ရောက်ရင်ဝင်ငွေမရှိမှာလည်းစိတ်ပူတယ်။ဒီမှာနေရတာလည်းစိုးရိမ်သောကများရတယ် အမှန်ပြောရရင်တော့ပြန်ချင်တယ်"လို့စက်ရုံအလုပ်သမားတစ်ဦးကပြောပါတယ်။
 
စစ်မှုထမ်းဖို့ရာအိမ်မှူးတွေကတစ်ဆင့်စာရင်းကောက်ယူနေတာဖြစ်ပြီးအမျိုးသမီးတွေပါစတင်ခေါ်ယူမယ်ဆိုတဲ့သတင်းတွေထွက်ပေါ်နေတာကြောင့်အမျိုးသမီးတွေပါစိုးရိမ်သောကရောက်နေတာပဲဖြစ်ပါတယ်။
 
ဒါ့အပြင် အမျိုးသမီး စစ်မှုထမ်း အတွက်ဆိုပြီး အိမ်ထောင်စုရင်း ပုံစံ ၆၆ နဲ့နေထိုင်တဲ့ မိသားစုတွေ ထံက လစဥ် ကျပ် တသောင်းကောက်ယူဖို့ စီစဥ်နေတာတွေလည်းရှိနေတယ်လို့ အရှေ့ဒဂုံမြို့နယ် ရပ်ကွက်တခုမှာ နေထိုင်သူတွေထံကသိရပါတယ်။
 
"အမအမျိုးသားကဘေးတွဲဆိုင်ကယ်မောင်းတယ်။အမကစက်ရုံဝင်တယ်။ကလေးကိုအမေတို့နဲ့ထားခဲ့ပြီးလင်မယားနှစ်ယောက်ရှာနေတာ။အခုအမအမျိုးသားကအသက်ကမီတယ်‌ဆိုတော့သူလည်းဂါလီရောင်း၊ အမလည်းစက်ရုံကထွက်ပြီးနယ်ပြန်တော့မယ်။အမတို့အသိတွေထဲမှာလည်းစိတ်ပူတယ်ပြောတော့ပြောပေမယ့်အလုပ်ကချက်ချင်းမထွက်နိုင်ကြတော့သောကရောက်နေကြတယ်"လို့စက်ရုံအလုပ်သမားတစ်ဦးကပြောပါတယ်။
 
လက်ရှိမှာစစ်ကောင်စီဘက်ကအမျိုးသမီးတွေစစ်မှုထမ်းဖို့မခေါ်သေးဘူးလို့အသိပေးပြောဆိုတာတွေရှိနေပေမယ့် မိသားစုတွေကတော့စိုးရိမ်သောကတွေရောက်နေကြပါတယ်။
 
ရွှေ့ပြောင်းအလုပ်သမားအများအပြားနေရပ်ပြန်ပါကလည်းကျွမ်းကျင်လုပ်သားလိုအပ်ချက်ပြဿနာပြန်လည်ဖြစ်ပေါ်နိုင်တယ်လို့ စက်ရုံမှာလုပ်ကိုင်သူတစ်ချို့ဆီကသိရပါတယ်။

Related posts

Cover
တရားမ၀င် မိန်းမတောင်းသည့် တရုတ်နိုင်ငံသားနှင့်စကားပြန်တို့ကို လူကုန်ကူးမှုဖြင့်အရေးယူထားဟုဆို
Feb 08, 2025
Cover
အလုပ်သမားများအခွင့်အရေးများချိုးဖောက်ခံနေရပြီး နားရက်မရှိ အချ်ိန်ပိုဆင်းပေးနေရ
Feb 08, 2025
Cover
Opal 1 စက်ရုံလုပ်သားများအား  ပြည်ပဝန်ထမ်းက ကြမ်းတမ်းစွာဆက်ဆံ ခိုင်းစေ
Feb 08, 2025
Cover
YUHUA အထည်ချုပ်စက်ရုံ အပြောင်းအလဲမရှိဘဲ အချိန်ပိုခေါ်ခိုင်းလို့ တလ နှစ်ရက်သာ အနားရ
Feb 07, 2025
Cover
Myanmar QI Yuan Garment အချိန်ပို အတင်းအကျပ် ခိုင်းစေနေ
Feb 07, 2025
Cover
မူဆယ်မှာ အထည်ချုပ်လုပ်ငန်းလုပ်ရန်သွားရောက်တဲ့ လူထောင်နဲ့ချီပိတ်မိနေ
Feb 06, 2025
Cover
စက်ရုံအလုပ်သမားများ ဆဲဆိုကြိမ်းမောင်းခံရမှုနဲ့ အတူလုပ်အားခခေါင်းပုံဖြတ်ခံနေရ
Feb 05, 2025
Cover
ဥပဒေမဲ့အလုပ်ထုတ်ခံရလို့ Ooredoo Myanmar ကိုတရားစွဲဆိုထားတဲ့အမှု ဖေဖော်ဝါရီ ၂၅ ရက်သို့ ပြန်လည်ချိန်းဆို
Feb 05, 2025