လူငယ်တွေပျောက်ဆုံးတဲ့သတင်းတွေဟာသတင်းမီဒီယာတွေနဲ့ လူမှုကွန်ရက်စာမျက်နှာတွေထက်မှာဆက်တိုက်ဆိုသလိုထွက်ပေါ်နေတာပါ။
ဒီလိုအခြေအနေ တွေကြောင့် အလုပ်သွားလာရေးအတွက်စိုးရိမ်သောကတွေများနေတယ်လို့ရန်ကုန်မြို့ရဲ့အစွန်အဖျားမြို့နယ်တွေမှာနေထိုင်တဲ့ အလုပ်သမားတွေကပြောပါတယ်။
လက်ရှိမှာအလုပ်အကိုင်အခွင့်အလမ်းအတွက်ရန်ကုန်မြို့ရဲ့အချက်အချာကျတဲ့မြို့နယ်တွေမှာသွားရောက်လုပ်ကိုင်သူတွေများပြားနေတာဖြစ်ပြီးသွားလာရေးအတွက် YBS ယာဉ်လိုင်းတွေကိုပဲအသုံးပြုနေရတာဖြစ်ပါတယ်။
“အသွားကတော့ပုံမှန်ပါပဲ။အပြန်ခရီးကျရင်စိတ်ထဲဘေးမကင်းသလိုခံစားရတယ်။ကားပိတ်တာတို့၊ ကားကကြပ်ပြီးတက်မရတာတို့ဆို စိုးရိမ်တယ်။နောက်အိမ်ကလည်းကားပေါ်ရောက်ပြီးလား။ပြန်နေပြီလားဖုန်းတွေဆက်တယ်။ အိမ်မရောက်မချင်းမိဘတွေကလည်းစိတ်ပူတယ်။အရင်ကဆိုလကုန်ရက်လေးတွေဆိုအပေါင်းအသင်းတွေစုံတယ်။ဆိုင်ထိုင်ဖြစ်တယ်။အခုကကုန်ဈေးနှုန်းတက်တာကော၊ ပေါ်တာဆွဲတယ်။ဘာညာသတင်းတွေထွက်နေတော့ဆိုင်မထိုင်ဖြစ်တာတောင်ကြာပြီ”လို့ရွှေပြည်သာမြို့နယ်မှာနေထိုင်တဲ့ အမျိုးသမီးတစ်ဦးကပြောပါတယ်။
လက်ရှိမှာပေါ်တာဆွဲတဲ့သတင်းတွေကြောင့်ည(၇)နာရီကျော်ပါကလူအသွားအလာနည်းပါးလာပြီးညပိုင်းထိဖွင့် လှစ်တဲ့ဆိုင်တွေလည်းအရောင်းအဝယ်တွေကျဆင်းလာတယ်လို့ဈေးရောင်းချသူတွေဆီကသိရပါတယ်။
“စက်ရုံကအပြန်ကျတော့လည်းကားပေါ်မှာတော့အုပ်စုလိုက်ပါသေးတော့အထွေအထူးတော့မခံစားရဘူး။ဒါပေ မယ့်ကားမှတ်တိုင်နဲ့အိမ်လမ်းလျှောက်တဲ့အချိန်လေးကိုတော့ကြောက်တယ်။စစ်ကားတွေပတ်တာလည်းတွေ့ တယ်လေ။အိမ်ရောက်ရင်လည်းတော်ရုံပြန်မထွက်ဖြစ်တော့ဘူး။ည(၈)နာရီကျော်တာနဲ့ခြံတံခါးလည်းသော့ခတ် လိုက်တာပါပဲ”လို့ စက်ရုံအလုပ်သမားတစ်ဦးကပြောပါတယ်။
လက်ရှိမှာမြို့လယ်ခေါင်အချက်အချာကျတဲ့မြို့နယ်တွေကနေမြို့စွန်ဘက်တွေကိုတက္ကစီကားငှားရတာလည်းခက်ခဲနေပြီးကားခတွေလည်းဈေးတက်နေပါတယ်။ဒါ့အပြင်YBS ယာဉ်တွေကလည်းည(၇)နာရီကျော် ရင်အသွားအလာ ကျဲ လာတယ်လို့လည်းသိရပါတယ်။
#MyanmarLabourNews
