ရန်ကုန်တိုင်း၊ ရွှေသံလွင် စက်မှု့ဇုန်မှာ ဖွင့်လှစ်လုပ်ကိုင်နေတဲ့ တရုတ်လူမျိုးပိုင် Sanyaum Oversea Myanmar အထည်ချုပ်စက်ရုံမှလုပ်သားများကို ပုံမှန်ချုပ်ထည်များထက် ၂ ဆနီးပါးပိုမိုချုပ်ခိုင်းနေတဲ့အပြင်အချိန်ပိုပါနေ့စဥ်နဲ့အမျှခေါ်ယူပြီးအဓမ္မခိုင်းစေတာတွေလုပ်နေတယ်လို့အဆိုပါစက်ရုံမှာလုပ်ကိုင်နေတဲ့အလုပအသမားတွေက MLN ကိုသတင်းပေးပို့တိုင်ကြားလာပါတယ်။
"အရင်ဆိုအထည် ၃၀ လောက်ချုပ်ရတယ်၊ ခုက ၅၀ လောက်တိုးချုပ်ခိုင်းတာတရက်ကို ကျမတို့ကမနိုင်ဘူး။ အဲ့လောက်ပြောလဲမရဘူး၊ အိုတီကလဲနေ့တိုင်းလာမဆင်းရင်ပယ်ပယ်နယ်နယ်အပြောခံရတယ်"လို့စက်ရုံအလုပ်သမတဦးကပြောပါတယ်။
စက်ရုံမှအချိန်ပိုကြေးနဲ့လစာပေးတာတွေမှာပျက်ယွင်းတာမျိုးမရှိပေမယ့် ပုံမှန်လုပ်အားထက်နှစ်ဆနီးပါးခိုင်းနေတာတွေကြောင့်စက်ရုံအလုပ်သမားတွေအခက်တွေ့နေရတယ်လို့ဆိုပါတယ်။
"ခုဟာကပိတ်ရက်တွေလဲအိုတီခေါ်နေတော့အဆင်မပြေဘူး၊ တနဂ်နွေ လဲဆင်းနေရတယ် ည၁၁နာရီလောက်အထိခေါ်တော့စက်ရုံမှာပဲအိပ်ကြရတယ်၊ မဆင်းရင်အလုပ်ထုတ်တာမျိုးတော့မရှိဘူး။အပြောခံရတယ်"လို့စက်ရုံအလုပ်သမားတဦးကစက်ရုံတွင်းလက်ရှိအခြေအနေကိုပြောပါတယ်။
စက်ရုံမှာအလုပ်ရှင်အလုပ်သမားညှိနှိုင်းရေး CEC အဖွဲ့ရှိပေမယ့်စက်ရုံဖက်မှခန့်ထားသူတွေသာနေရာယူထားတဲ့အတွက်စက်ရုံရဲ့အခွင့်အရေးချိုးဖောက်တာတွေကိုတိုင်ကြားရခက်နေတဲ့အပြင်အဖွဲ့အစည်းဖွဲ့ရင် အလုပ်ကထုတ်မယ်လို့စက်ရုံဖက်ကအလုပ်သမားတွေကိုချိန်းခြောက်ထားလို့လဲသိရပါတယ်။
အဆိုပါ Sanyuan Oversea Myanmar အထည်ချုပ်စက်ရံမှာExportအဝတ်အထည်များချုပ်နေတဲ့စက်ရုံတခုဖြစ်တယ်လို့ဆိုပါတယ်။
Photo -DICA
