ဧရာဝတီတိုင်း ၊ပုသိမ်မြို့က Amava Apparel အထည်ချုပ်စက်ရုံတွင် လုပ်ငန်းလိုအပ်ချက်အရဆိုပြီး စက်ရုံဝန်းထဲ
ကတ္တရာကျိုနေတာကြောင့် အလုပ်သမားအချို့ ကတ္တရာ ညှော်နံ့ ကြောင့် ခေါင်းကိုက်တာ မူးဝေတာစတဲ့ ဝေဒနာများခံစားနေရတယ်လို့သိရပါတယ်။
လုပ်ငန်းလိုအပ်ချက်အရ ကတ္တရာကျိုနေတာလို့ပြောပေမဲ့ တစ်လနီးပါးကြာမြင့်လာပြီး အသက်ရှုလမ်းကြောင်းဆိုင်ရာ ဝေဒနာတွေနဲ့ မူးဝေတာ ခေါင်းကိုက်တာတွေထိဖြစ်လို့ အလုပ်လုပ်ရာမှာ အခက်တွေ့တယ်လို့အလုပ်သမားတွေကဆိုပါတယ်။
" စက်ရုံအမိုးတွေပေါက်နေလို့ဖာဖို့ဆိုပြီး ကတ္တရာတွေကျိုနေတာ တစ်လနီးပါးလောက်ရှိနေပြီ စည်းကြပ်ဌာနတွေကိုတိုင်တော့လည်း လုပ်ငန်းလိုအပ်ချက်အရမို့ ပြောလို့မရဘူးပြောတယ် ။ သောကြာနေ့ နေ့လည်နှစ်နာရီလောက်က လာစစ်တော့လည်း သိပ်မညော်ပါဘူးပဲပြောသွားတယ် ဘာမှ လုပ်ဆောင်ပေးတာမရှိဘူး" လို့အလုပ်သမားကပြောပါတယ်။
"ဒီညှော်နံ့တွေကြောင့် အလုပ်သမားတွေမူးဝေတာတွေ ၊ရောင်ရမ်းတာတွေ ၊ ခေါင်းကိုက်တာတွေ၊ အသက်ရှုမဝတာတွေ ၊ သွားဖုံးရောင်သူတွေ ထိခိုက်အနာရှိသူတွေဆို ရောင်ရမ်းတာတွေဖြစ်ပြီး ဗိုက်ခွဲ ကလေးမီးဖွားထားတဲ့သူတွေဆို ချုပ်ရိုးယောင်တာတွေဖြစ်နေတယ်"လို့ အလုပ်သမားတစ်ဦးကပြောဆိုပါတယ်။
"ညီမတို့အလုပ်သမားတွေ ဆန္ဒအရတော့ ကတ္တရာကျိုချင်ရင် အလုပ်ပိတ်ရက်မှာကျို ဒါမှမဟုတ် အလုပ်ဆင်းတဲ့အချိန်မှာကျိုပဲ ကျိုစေချင်တယ် အခုဆို သွားဖုံးရောင်ကိုင်းနေတာတွေ ကလေးမီးဖွားပြီစ အလုပ်သမားတွေဆိုချုပ်ရိုးတွေ ရောင်ပြီး ခေါင်းပိုက်တာတွေပါ ဖြစ်နေတယ် "လို့
ထပ်မံပြောဆိုပါတယ်။
အဆိုပါစက်ရုံသည် သီရိလကာ်နိုင်ငံသားပိုင်ဖြစ်ပြီး
လုပ်သား တစ်ထောင်ဝန်းကျင်နဲ့ Blakladerbrand ကို ချုပ်လုပ်နေတာဖြစ်ပါတယ်။
