သာဓုကန် စက်မှုဇုန်ရှိ Bontech Manufacturing Garment ကုမ္ပဏီလီမီတက်က ရှင်သန်စရိတ် လုပ်ခလစာ (၁၃,၀၀၀)ကျပ် တိုးမြှင့်ပေးရန် မေလ (၂၉)ရက် က တောင်းဆိုကြတယ်လို့ သိရပါတယ်။
ရန်ကုန်တိုင်းဒေသကြီး၊ ရွှေပြည်သာမြို့နယ်၊ သာဓုကန်စက်မှုဇုန် ပတ္တမြားလမ်းမှာ ဖွင့်လှစ်ထားတဲ့ Bontech Manufacturing Garment မှ စက်ရုံလုပ်သား တွေက အနည်းဆုံးအခကြေးငွေ (၁၃,၀၀၀) ကျပ် အထိ တိုးမြှင့်ပေးဖို့ တောင်းဆိုခဲ့ကြပါတယ်။
အလုပ်သမားတွေက အနည်းဆုံးလုပ်ခ Dayကြေး (၁၃,၀၀၀)ကျပ်တိုးပေးရန်၊ အချိန်ပိုကြေး (၂,၅၀၀)ကျပ် တိုးမြှင့် ပေးဖို့နဲ့ ခံစားခွင့်များကို(၁၃,၀၀၀)ကျပ် သတ်မှတ်ပေးဖို့ တောင်းဆိုခဲ့ကြပါတယ်။
မြန်မာနိုင်ငံမှာ ကုန်စျေးနှုန်းနှင့် လူနေမှုစရိတ် အဆမတန်မြင့်မားလာတဲ့ အတွက် လက်ရှိ သတ်မှတ်ထားတဲ့အနည်းဆုံးလုပ်ခလစာက စားဝတ်နေရေးအတွက်ဖူလုံမှုမရှိတဲ့အတွက် အခြေခံစက်ရုံလုပ်သားတွေ အခြေခံလုပ်ခလစာ တိုးမြင့်ရေးအတွက် တောင်းဆိုမှုတွေများ လာပါတယ်။
