စစ်ကောင်စီကလူဦးရေနဲ့အိမ်အကြောင်းအရာသန်းခေါင်စာရင်းကိုအောက်တိုဘာလ(၁)ရက်ကစပြီးကောက်ယူနေပါတယ်။ လက်ရှိမှာသန်းခေါင် စာရင်းကောက်ယူတာနဲ့ပတ်သက်ပြီးပြည်သူတွေမှာစိုးရိမ်သောကတွေရှိနေပါတယ်။
စစ်ကောင်စီကလူဦးရေနဲ့အိမ်အကြောင်းအရာသန်းခေါင် စာရင်းကောက်ယူရာမှာအိမ်ထောင်စုတစ်စုကိုမေးခွန်းပုံစံ (၆၈) ခုမေးမြန်းကောက်ယူတာဖြစ်ပါတယ်။ဒီလိုမေးမြန်းရာမှာပညာရေးအခြေအနေ၊ပြည်ပထွက်ခွာသူတွေရဲ့အကြောင်းအ ရာ၊လူဦးရေစတာတွေကိုပါအသေးစိတ်ကောက်ယူနေတာကြောင့်စိုးရိမ်သောကတွေရှိနေတာပဲဖြစ်ပါတယ်။
"ကလေးတွေကိုမေးရင်ဘယ်လိုဖြေရမလဲ။အိမ်မှာရှိတဲ့သားတွေကိုမေးလည်းစိတ်ပူရတယ်။အိမ်မှာရှိမနေတဲ့သူတွေကျတော့လည်းဖြေရခက်တယ်။နောက်အမျိုးသားကအသက်(၅၀) တောင်မပြည့်သေးတော့(၆၅)နှစ်ထိစစ်သင်တန်းခေါ်မယ်ဆိုတာတွေဖတ်ဖူးတော့စိတ်ပူတယ်။ကိုယ်အိမ်သားတွေကိုသူတို့ကိုစာရင်းပေးရတာဘာကိုစိတ်ပူလို့ပူမှန်းကိုမသိဘူး"လို့ရွှေပြည်သာမြို့နယ်နေပြည်သူတစ်ဦးကပြောပါတယ်။
လက်ရှိမှာလူငယ်အများစုဟာပြည်ပမှာသွားရောက်လုပ်ကိုင်တာ၊လက်နက်ကိုင်တော်လှန်ရေးလုပ်တာနဲ့အကြောင်းအမျိုးမျိုးကြောင့်နေရာပြောင်းရွှေ့နေထိုင်တာတွေရှိနေပါတယ်။
"သူတို့ကတော့ဘာမှစိတ်ပူစရာမရှ်ိဘူးလို့ပြောတယ်။ဒါပေမယ့်ယုံကြည်စရာမရှိတဲ့ဒီကာလမှာဖြစ်နိုင်ရင်တော့မဖြေချင်ဘူး။မဖြေဘဲနေရင်ဘယ်လိုအကျိုးအပြစ်ဖြစ်နိုင်လဲတော့မသိဘူးပေါ့လေ။စိတ်ရင်းနဲ့ပြောရင်မဖြေချင်ဘူး။ဒီအချက်အလက်တွေရဲ့နောက်ဆက်တွဲကဘာဖြစ်မလဲဆိုတာခန့်မှန်းလို့မှမရတာ"လို့ကုမ္ပဏီဝန်ထမ်းတစ်ဦးကပြောပါတယ်။
လူဦးရေနှင့်အိမ်အကြောင်းအရာသန်းခေါင်စာရင်းကောက်ယူတာကိုအောက်တိုဘာလ(၁)ရက်နေ့(၁၅)ရက်ထိလုပ်ဆောင်မှာဖြစ်ပြီးရှေ့ပြေးလူဦးရေစာရင်းကိုဒီဇင်ဘာလကုန်တွင်ထုတ်ပြန်နိုင်ရေးကြိုးပမ်းမယ်လို့သတင်းဌာနတွေမှာဖော်ပြထားပါတယ်။
စစ်ကောင်စီဟာစစ်မှုထမ်းဥပဒေကိုစတင်ကျင့်သုံးတယ်လို့သတင်းထုတ်ပြန်ပြီးနောက်မှာပြည်သူအများစုဟာအရွယ်ရောက်သားပျို၊သမီးပျိုတွေအတွက်စိုးရိမ်သောကတွေမြင့်တက်နေရတာဖြစ်ပါတယ်။လက်ရှိမှာတော့သန်းခေါင်စာရင်းပါဆက်လက်ကောက်ယူနေတာကြောင့်စစ်မှုထမ်းဖို့အတွက်အချက်အလက်တွေပေးသလိုဖြစ်နေမှာလည်းပူပန်နေကြပါတယ်။
