သက်ြန်ကာလပြီးနောက်မှာအလုပ်ကိစ္စနဲ့ဖြစ်စေ၊အလည်အပတ်အနေနဲ့ဖြစ်စေပြည်ပနိုင်ငံတွေကိုထွက်ခွာလိုသူတွေပိုများလာပါတယ်။
စစ်အာဏာသိမ်းပြီးနောက်ပြည်ပနိုင်ငံ တွေကိုသွားရောက်လုပ်ကိုင်နှုန်းဟာသိသိသာသာမြင့်တက်ခဲ့တာဖြစ်ပါတယ်။လက်ရှိမှာတော့စစ်မှုထမ်းဖို့ဖိအားပေးတာတွေကြောင့်လည်းလူငယ်အများစုဟာတရားမဝင်သွားရောက်ဖို့ပါကြိုးပမ်းနေတာပဲဖြစ်ပါတယ်။
"ယူအေအီးကိုအလည်ဗီဇာနဲ့ထွက်လာတာပါ။ဟိုရောက်တော့အလုပ်ရတယ်။ဒီကမထွက်ခင်ကတည်းကကြိုချိတ်ထားတာပါ။ရည်းစားကလည်းအဲ့မှာရှိ နေလို့။သူအဆက်နဲ့လိုက်တာ။တရားမဝင်နေရပေမယ့်ပြည်တွင်းကိုပြန်မလာဘူး။အိမ်ကတစ်လကိုဆယ်ချီပို့နေတယ်။မောင်နှမတွေလည်းထပ်ခေါ်ဖို့ရှိတယ်"လို့ယူအေအီးနိုင်ငံမှာအလုပ်လုပ်ကိုင်နေသူတစ်ဦးကပြောပါတယ်။
စစ်မှုထမ်းဥပဒေစတင်ကျင့်သုံးပြီးအင်အားစတင်စုဆောင်းချိန်မှာပဲသံရုံးတွေမှာအလည်အပတ်ဗီဇာအတွက်တန်းစီစောင့်ဆိုင်းသူများပြားခဲ့တာပဲဖြစ်ပါတယ်။ဒါကြောင့်လည်းသံရုံးတွေကဗီဇာပေးတဲ့လုပ်ငန်းစဉ်နဲ့ပတ်သက်ပြီးကန့်သတ်ချက်တွေလုပ်ဆောင်ခဲ့ရပါတယ်။
"ထိုင်းဘက်ကိုသွားမှာပါ။ဒီမှာတော့ဆက်မနေချင်ဘူး။တရားဝင်တော့သွားချင်တာပေါ့။ဒါပေမယ့်အ ခြေအနေအရပဲ။ဒီမှာကမှန်းမရဘူး။သူများနိုင်ငံမှာတရားမဝင်နေရတာကပြည်တွင်းမှာနေရတာထက်ပိုလုံခြုံသေးတယ်လို့စိတ်ကခံစားမိလို့သွားမှာပါ"လို့လူငယ်တစ်ဦးကပြောပါတယ်။
သက်ြန်ကာလပြီးနောက်မှာပြည်ပနိုင်ငံတွေကိုအလည်အပတ်ခရီးအဖြစ်ရက်ရှည်သွားရောက်သူတွေများပြားနေတယ်လို့လည်းနိုင်ငံပိုင်သတင်းစာမှာဖော်ပြထားပါတယ်။
၂၀၂၁ စစ်အာဏာသိမ်းမှု နောက်ဆက်တွဲအနေနဲ့ ပြည်တွင်း စီးပွားရေးကျဆင်းတာ၊ ကုန်ဈေးနှုန်ကြီးမြင်တာ၊ လုပ်ခအင်မတန်နည်းပါးတာ၊ တရားဥပဒေစိုးမိုးမှုကင်းမဲ့တာတွေ အပြင် စစ်မှုထမ်းဥပဒေပြဌာန်းကာ အတင်းအဓမ္မတပ်သားစုဆောင်း နေတာတွေကြောင့်လည်း အရွယ်ရောက် လူငယ်တွေအနေနဲ့ ပြည်ပထွက်ခွာနှုန်းတွေပိုမိုမြင့်တက်ခဲ့တာလည်းဖြစ်ပါတယ်။