သင်္ကြန်ကာလ နေရပ် ပြန်မယ့်  မြန်မာအပါအဝင် နိုင်ငံခြားသားရွှေ့ပြောင်း လုပ်သားတွေ ကို ထိုင်းအစိုးရက ဗီဇာကင်းလွတ်ခွင့်နဲ့ နေရပ် ပြန်ခွင့် ပြုလိုက်တယ်လို့ ထိုင်းအလုပ်သမားဝန်ကြီးဌာန ထံမှ သိရပါတယ်။ 

မတ်လ ၁၁ ရက်က ထိုင်း အလုပ်သမားဝန်ကြီးနှင့် သက်ဆိုင်ရာ အာဏာပိုင်အဖွဲ့အစည်းများက ပြည်ပရွှေ့ပြောင်း လုပ်သားများအရေး အစည်းဝေးပွဲ ပြီးနောက် သတင်းထုတ်ပြန်ခဲ့တာဖြစ်ပါတယ်။ 

ဝေါ့ပါမစ်နှင့်ဗီဇာရရှိထားပြီးဖြစ်တဲ့လာအို၊ မြန်မာ၊ကမ္ဘောဒီးယား သုံးနိုင်ငံရွှေ့ပြောင်းအလုပ်သမားတွေ အနေနဲ့  သင်္ကြန်ကာလအတွင်း နေရပ်ပြန်လို ပါက Re-Entry Permit လျှောက်ထားစရာမလိုဘဲ  ဧပြီလ ၁ ရက်နေ့ မှ  မေလ ၁၅ ရက်နေ့ အထိ  နိုင်ငံအဝင်အထွက် အိမ်ပြန်တုံး ထုစရာမလိုဘဲ ကင်းလွတ်ခွင့်ပေးမယ်လို့ ဆိုပါတယ်။ 

""အခုလိုဗီဇာ ကင်းလွတ်ခွင့်ပေးပေမယ့် ထိုင်းရောက်မြန်မာအလုပ်သမားတွေ အနေနဲ့ တော့ အိမ်ပြန်မယ့်သူ အလွန်နည်းမှာပါ နိုင်ငံရေးအခြေနေ ကောင်းချိန်တုန်းကတော့ အခုလို မျိုးဆို နေရပ်ကို ပြန်ကြမှာ အများပြား ဘဲ အခုကတော့  ပြန်စရာ အိမ်မရှိတဲ့ သူတွေ နဲ့ စစ်မှုထမ်းကြောက်လို့ အိမ်မပြန်ရဲတဲ့သူတွေနဲ့ဆိုတော့ မပြန်ကျဖို့ များပါတယ်""လို့ ထိုင်းရောက်မြန်မာအလုပ်သမားတစ်ဦးကပြောပါတယ်။ 

ဗီဇာကင်းလွတ်ခွင့် ကို ၂၀၂၅ ဧပြီ ၁ရက်မှ မေလ ၁၅ ရက် အထိ ဖြစ်တဲ့ အတွက် မေလ ၁၅ရက် နောက်ပိုင်းမှ ထိုင်းနိုင်ငံ အတွင်း ပြန်ဝင်ရောက်သူတို့ကိုတော့ သတ်မှတ်နှုန်းထား အတိုင်းငွေကြေးကောက်ယူမယ်လို့ သိရပါတယ်။