၂၀၂၅ခုနှစ်၊ အောက်တိုဘာလ ၁ ရက်နေ့က သာယာဝတီအကျဉ်းထောင်မှ လွတ်ရက်စေ့ လွတ်မြောက်လာတဲ့ နိုင်ငံရေးအကျဉ်းသား ၅ ဦးကို ထောက်ဘူး၀ အရောက်မှာ စစစ်ကော်မရှင်ရဲ့ ပြည်ထဲရေးဌာနက ပြန်လည်ဖမ်းဆီးသွားတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ယက် PPNM ရဲ့ ထုတ်ပြန်ချက်အရသိရပါတယ်။
အောက်တိုဘာ ၁ ရက်နေ့က သာယာဝတီအကျဉ်းထောင်ကနေ နိုင်ငံရေးအကျဉ်းသား (၁၆)ဦးနဲ့အခြားအကျဉ်းသား (၁၄)ဦး စုစုပေါင်း (၃၀)ဦးဟာ လွတ်ရက်စေ့တဲ့ အတွက် လွတ်မြောက်လာပါတယ်။
အဲ့ဒီအထဲက နိုင်ငံရေးအကျဉ်းသား (၆)ဦးကို ထောင်ဗူးဝမှာပဲ စစ်ကော်မရှင် လက်အောက်ခံ ပြည်ထဲရေးဌာနမှ ရဲကားနဲ့ သာယာဝတီရဲစခန်းဆီကို ပြန်လည်ဖမ်းဆီးသွားခဲ့တာဖြစ်ပြီး အဆိုပါ ၆ဦးထဲမှ တစ်ဦးကိုသာ ပြန်လွတ်ပေးခဲ့ပြီး ကျန်နိုင်ငံရေးအကျဉ်းသား (၅)ဦး ကို နောက်အမှုတွေနဲ့ ဖမ်းဆီးကာ သာယာဝတီအကျဉ်းထောင်သို့ ပို့ဆောင်လိုက်တယ်လို့ သိရပါတယ်။
ပြန်အဖမ်းခံရတဲ့ နိုင်ငံရေးအကျဉ်းသားတွေဟာ သာယာဝတီအကျဉ်းထောင်အတွင်း နိုင်ငံတော်အကြည်ညိုပျက်စေမှု ပုဒ်မ ၅၀၅၊ မတရားအသင်းဆက်သွယ်မှု ပုဒ်မ ၁၇ (၁) တို့နဲ့ ထောင်ဒဏ် အသီးသီး ကျခံပြီးနောက် လွတ်ရက်စေ့လို့ လွတ်မြောက်ချိန်မှာ အကြမ်းဖက်ပုဒ်မ ၅၂ နဲ့ အမှုဖွင့်ကာ ထပ်မံဖမ်းဆီးခံထားရတာဖြစ်တယ်လို့ သိရပါတယ်။
