ထိုင်းနိုင်ငံ လယောင်မြို့ မှာရှိတဲ့ လျှပ်စစ်ပစ္စည်း လျှပ်စစ်အကင်အိုးထုတ်လုပ်တဲ့ စက်ရုံ မှာ အလုပ် လုပ်နေတဲ့ မြန်မာလုပ်သား ၄၃ဦး ကို အလုပ်ရှင် မှ အကြောင်းမဲ့ အလုပ်ထုတ်ခံ လိုက်ရတယ်လို့ ၎င်းကိစ္စ ကို ကူညီပေးနေတဲ့ WAG အလုပ်သမားမဟာမိတ်အဖွဲ့ထံ မှ သိရပါတယ်။
မြန်မာလုပ်သား ၄၃ဦး ဟာ PJ (အလုပ်သမားပတ်စပို့) ၊ MoU နဲ့ ဘတ်(ပန်းရောက်ကတ်)အသစ် ကိုင်ဆောင် ထားသူတွေ ဖြစ်ပြီး ၎င်းစက်ရုံမှာ အလုပ်လုပ်နေတာဟာ ၁၀လ ခန့် ရှိပြီ ဖြစ်တယ်လို့ သိရပါတယ်။
"ကျွန်တော်တို့ ကို ဒီဇင်ဘာ ၂၂ရက်မှာ အကြောင်းမဲ့ အလုပ်ကနေထုတ်ပယ်လိုက်တယ် အလုပ်မရှိတော့ဘူးဆိုတဲ့ အကြောင်းပြချက်နဲ့ အလုပ်က ထုတ်ပယ်လိုက်တယ် ဒါပေမယ့် စက်ရုံက ပုံမှန်ဘဲ လည်ပတ် နေတာ"လို့ နစ်နာသူ အလုပ်သမားတစ်ဦးကပြောပါတယ်။
အလုပ်သမားတွေရဲ့ လုပ်အားခ တွေကိုလည်း ၂၀၂၆ခုနှစ် ဇန်နဝါရီ လ ၁၂ရက် မှာသာ ထုတ်ပေးမယ်လို့ ဆိုတဲ့ အပြင် ဒီဇင်ဘာ ၁၀ရက်က ထုတ်ပေးတဲ့ အလုပ်အားခမှာလည်း စာရင်းမှားပြီး လစာ ရရန် ကျန်သေးတယ်လို့ ဆိုပါတယ်။
မြန်မာအလုပ်သမား တွေဟာ ၎င်း စက်ရုံ ထဲ အလုပ်ဝင် လုပ်ဖို့ အတွက် ဘတ်ငါးသန်းပွဲစားကို စမတ်ကြေး ၈၅၀၀ဘတ်နဲ့ကျန့်ခေါက်ခ ၄၅၀၀ ဘတ် စီ ပေးပြီးမှ အလုပ်ဝင်ခဲ့ရတယ်လို့ သိရပါတယ်။
အခုလို မြန်မာအလုပ်သမားတွေ အလုပ်ထုတ်ခံရတာနဲ့ ပက်သက်ပြီး စမတ်ခ ၊ကျန့်ခေါက်ခနဲ့ နစ်နာကြေး ပြန်လည်ရရှိဖို့ အတွက်WAG အလုပ်သမားမဟာမိတ်အဖွဲ့ထံ အလုပ်သမားတွေက အကူညီ တောင်းခံ လာတဲ့ အတွက် ဒီဇင်ဘာ ၂၂ရက်မှာ အမှုလက်ခံခဲ့ပြီး ကူညီဆောင်ရွက်သွားမယ်လို့ WAGအဖွဲ့ထံမှ သိရပါတယ်။
