Myanmar Labour News
နိုဝင်ဘာ ၇ရက်
ဒီကနေ့မနက်ပိုင်း ၅ နာရီ၂၀ မိနစ် လောက်မှာပဲရန်ကုန်တိုင်း တောင်ဒဂုံမြို့နယ်ထဲမှာပေါက်ကွဲမှု့တခုစဖြစ်ပြီးတော့ မရမ်းကုန်းမြို့နယ်ထဲကစစ်ကောင်စီခန့်လူကယ်ပြန်ဝန်ကြီးဒေါ်သက်သက်ခိုင်ရှယ်ယာပါတယ်ဆိုတဲ့ One Stop Mart ဆိုင်ခွဲတခုလဲပေါက်ကွဲခဲ့ပါတယ်။
ဒီကနေ့ရန်ကုန်ရဲ့မနက်ခင်းပေါက်ကွဲမှု့တွေဟာ နေ့လည်ပိုင်းတွေမှာရောက်လာတော့မယ့် ပစ်ခတ်မှု့တွေအတွက်ပြည်သူ့ကာကွယ်ရေးတပ်ဖွဲ့တွေရဲ့လူထုကိုတပ်လှန့်သံလို့ထင်စရာရှိပါတယ်။
နေ့လည်ပိုင်းမှာတော့အရင်ရက်ပိုင်းတွေကငြိမ်နေခဲ့တဲ့ရန်ကုန်ဟာစကြမ်းပြီလို့တောင်ဆိုလို့ရပါတယ်။
နေ့လည်၁နာရီကျော်လောက်မှာစပြီးဦးကိုနီလုပ်ကြံမှု့မှာကားတစီးနဲ့သိန်း၂၀၀လက်ခံခဲ့ပြီးနောက်၂၀၁၇
လောက်မှာဖမ်းဆီးခံခဲ့ရတဲ့နဂါးလေး(ခ)အောင်မြင့်နိုင် ပစ်ခတ်ခံရပါတယ်။
ပစ်ခတ်ခံရတဲ့နဂါးလေးက စစ်ကောင်စီရဲ့လွတ်ငြိမ်းမှာပြန်လွတ်လာပြီး လက်ရှိစစ်ကောင်စီသတင်းပေးလုပ်နေသူလို့လဲဆိုပါတယ်။
အဲ့ဒီ့ဖြစ်စဥ်အပြီးစစ်ကောင်စီတပ်တွေရောက်ရှိလာပြီးနောက်တောင်ဒဂုံ ၁၉ ရက်ကွက်နဲ့ ၂၀ ရပ်ကွက်ကြားမှာအပြန်အလှန်ပစ်ခတ်ခဲ့တာတွေရှိတယ်လို့ဒေသခံတွေကဆိုပါတယ်။
အဲ့ဒီ့နောက်မရမ်းကုန်းသမိုင်း ၁ ရပ်ကွက်ကအုပ်ချုပ်ရေးမှုးရုံးထဲကစစ်ကောင်စီခန့်အုပ်ချုပ်ရေးမှူးတွေရှိနေတဲ့အုပ်ချုပ်ရေးရုံးကိုဝင်ပစ်လို့ကြံ့ဖွတ်ပါတီဝင်၁ဦးအပါ ၃ ဦးသေသွားပါတယ်။
ဒီကိစ္စမှာတော့စစ်ကောင်စီဖက်ကအနီးအနားမှာရှိတဲ့လူငယ်နှစ်ဦးကိုဖမ်းဆီးသွားတယ်လို့မျက်မြင်တွေကဆိုထားပါတယ်။
ဒီ့ထက်ကြမ်းတာတော့စစ်အုပ်ချုပ်ရေးရှိနေတဲ့မဂ်လာဒုံမှာထွေအုပ်ရုံးကိုသေနတ်နဲ့အတွဲလိုက်ဆွဲသွားတဲ့ကိစ္စပါ။
ဒီကနေ့ရန်ကုန်ဟာနေမြင့်လာလေဇာတ်ရှိန်တက်လာလေဆိုရမလိုပါပဲ။
ထွေအုပ်ရုံးပစ်ခတ်မှု့မှာတော့ရုံးထဲကစကစခန့်ဝန်ထမ်းတဦးအပါအဝင်ရုံးဘေးမှာကွမ်းယာရောင်းတဲ့အမျိုးသမီးသေဆုံးပါတယ်။
အဲ့ဒီ့နောက်မဂ်လာဒုံအနန်းပင်ရပ်ကွက်ခရေပင်ရိပ်မွန်လမ်းရှိမဂ်လာဒုံလေတပ်လုံခြုံရေးဂိတ်ပစ်ခတ်ခံရပြီးဂိတ်စောင့်စစ်သား ၃ ယောက်ထပ်ကြွပါတယ်။
တလပေါင်းစံပြရွာထိပ်ကတပ်ရင်း၉ဂိတ်ပစ်ခတ်ခံရမှု့မှာတော့ထိခိုက်သေဆုံးတဲ့သတင်းတွေမရှိခဲ့ဖူးလို့ပဲပြောရမှာပါ။
ဒီကနေ့ရန်ကုန်မှာပစ်ခတ်မှု့၆ခုနဲ့နေရာခပ်စိပ်စိပ်မှာပေါက်ကွဲမှု့တွေဖြစ်ပွားခဲ့ပါတယ်။
စစ်ကောင်စီဖက်ကတော့စစ်ကိုင်းတိုင်းကောလင်းအနောက်ခြမ်းကပြည်သူ့ကာကွယ်ရေးနဲ့တိုက်ပွဲ ဖြစ်နေတဲ့ညောင်ပင်လုရွာနားကိုရဟတ်ယာဥ်နှစ်စီးလောက်နဲ့ပစ်ခတ်တာတွေလုပ်ခဲ့ပါတယ်။
မြောင်မြို့နယ်ထဲမှာတော့စစ်ကား၁စီးဆိုင်ကယ်၅စီးလောက်ပါဝင်တဲ့စစ်ကောင်စီယာဥ်တန်းကိုမြိုင်ဒေသခံကာကွယ်ရေးတပ်ဖွဲ့တဖွဲ့ဖြစ်တဲ့TGR အပါအဝင်မဝါမိတ် ၆ ဖွဲ့ကမိုင်းဆွဲတိုက်ခိုက်ခဲ့တယ်လို့သိရပါတယ်။
လှိုင်သာယာ အမှတ် ၃ ရက်ကွက်မှာတော့ မနက် ၁၀ နာရီလောက်က ( သတင်းပေးဟု ထင်ပေါ်ကျော်ကြားသူ)လူ ၁ ဦးပစ်သတ်ခံရပြီး ည ၇ နာရီ ၃၀ လောက်မှာတော့ အတွင်းပဒံ၊ အုပ်ချုပ်ရေးမှူးရုံး အနီးပေါက်ကွဲမှုတခုဖြစ်ပွားခဲ့ပါတယ်။
ဒါကတော့ဒီကနေ့ Myanmar Labour News ကရရှိထားတဲ့လူထုတော်လှန်ရေးနေ့စဥ်မှတ်တမ်းအကျဥ်းချုပ်ပါ။ ကျန်ခဲ့တာတွေရှိနိုင်ပေမယ့်လက်လှမ်းမှီသလောက်မှတ်တမ်းတင်ရခြင်းဖြစ်ပါတယ်။
#MyanmarLabourNews
