ရွှေပြည်သာမြို့နယ် ဝါးတရာစက်မှုဇုန်၊ ဝန်ဆောင်မှုလမ်းမှာဖွင့်လှစ်ထားတဲ့ GTIG Guohua Glory Garment အထည်ချုပ်စက်ရုံမှာ လုံခြုံရေးဝန်ထမ်းအဖြစ်လုပ်ကိုင်နေတဲ့ အလုပ်သမားကို လုပ်ငန်းရှင်က အလုပ်ထုတ်လိုက်တာကြောင့် အလုပ်သမားက တိုင်ကြားလို့ ပြန်လည်ဆွေးနွေးနေတယ်လို့ သိရပါတယ်။
"သူကမနေ့ကတည်းက brand ကနေဆက်သွယ်လာပြီးတော့ ညှိနေတယ်။ ဒီအလုပ်သမားရဲ့တောင်းဆိုချက် ၄ ချက်ကိုပေးမယ်ပေါ့နော် စာချုပ်တော့မချုပ်ရသေးဘူးညှိနေတယ်။ သူတို့စက်ရုံကသမဂ္ဂရှိတော့ သမဂ္ဂရယ် လုပ်ငန်းရှင်ရယ် အမှတ်တံဆိပ်ရယ် ညှိနေတယ်။ ပေးမယ်လို့ပြောပေမဲ့ အဖြေတော့ထွက်မလာသေးဘူး။ ဘာလို့ဆို အီးစီချုပ်ပေးမယ် အလုပ်ခန့်ပေးမယ်ဆိုတာကပြီးပေမဲ့ အိုတီကြေးတွေကျတော့ ဘတ်ဒိတ်နဲ့ပြန်ပေးရတာဆိုတော့ ဘယ်လောက်ပေးမယ်ဆိုတာ အလုပ်သမားသဘောတူလားအလုပ်ရှင်သဘောတူလားဆိုတာ ညှိနေတုန်း" လို့ အဆိုပါအလုပ်သမားကို ကူညီဆောင်ရွက်ပေးနေသူကဆိုပါတယ်။
အဆိုပါလုံခြုံရေး၀န်ထမ်းဟာ ၉.၅.၂၀၂၂ ခုနှစ် မှစတင်လုပ်ကိုင်ခဲ့တာဖြစ်ပြီး လုံခြုံရေးဝန်ထမ်းတာ၀န်ထမ်းဆောင်တာဟာ လုပ်သက်၂နှစ်ကြာမြင့်နေပြီရာ စက်ရုံ၌အလုပ်စတင်ဝင်ရောက်သည့်နေ့မှစ၍ တစ်ပတ်လျှင် နေ့ဆိုင်း ၃ရက်/ညဆိုင်း ၃ရက် ဖြင့် တစ်နေ့အလုပ်ချိန် မနက်၆နာရီ မွ ည၆နာရီဖြစ်လည်းကောင်း ညဆိုင်းဆင်းလျှင် ည၆နာရီ မွ မနက် ၆နာရီ စသည်ဖြင့် လုံခြုံရေးတာဝန်ထမ်းဆောင်နေစဉ် မည်သည့်အပြစ်တစ်စုံတစ်ရာမရှိဘဲ ၀န်ထမ်းအစားထိုးခန့်မှာဖြစ်တဲ့အတွက် အလုပ်က ထုတ်ပယ်ခံလိုက်ရတာဖြစ်တယ်လို့ သိရပါတယ်။
အဆိုပါအလုပ်သမားဟာ ယခုလမေ၂၁ရက်နေ့ နေ့လည် (၁၂:၀၀)နာရီခန့်တွင် လုံခြုံရေးခေါင်းဆောင်မှဖုန်းဆက်ခေါ်ပြီးစက်ရုံသို့ သွားရောက်ခဲ့ရာ၊ စက်ရုံမန်နေဂျာဖြစ်သူက " ဝန်ထမ်းအစားထိုးခန့်အပ်မည် ဖြစ်သဖြင့် အလုပ်မှထုတ်ပယ်ကြောင်း" ပြောဆိုကာ မည်သည့်ပြစ်ချက်တစ်စုံတစ်ရာမရှိဘဲ အကြောင်းမဲ့ အလုပ်မှထုတ်ပယ်ခံခဲ့ရတာဖြစ်တယ်လို့ သိရပါတယ်။
အဆိုပါအလုပ်သမားဟာ အလုပ်မှဥပဒေမဲ့ထုတ်ပယ်ခံရတဲ့အပြင် လုံခြုံရေးတာ၀န်ထမ်းဆောင်စဉ်ကာ လမှာလည်း အချိန်ပိုတစ်နေ့၄နာရီစာ အချိန်ပိုကြေးမရရှိခြင်း၊ လုပ်သက်၂နှစ်ပြည့်သည်အထိ အီးစီစာချုပ်မချုပ်ဆိုပေးဘဲ နေ့စား၀န်ထမ်းအဖြစ်သာ လုပ်ကိုင်ခဲ့ရခြင်းစတဲ့ချိုးဖောက်မှူများကို ကျူးလွန်ခံခဲ့ရတာဖြစ်တာကြောင့် အလုပ်သမားအနေနဲ့ ၁၊ ဥပဒေမဲ့အလုပ်မှ ထုတ်ပါယ်ခြင်း ၂၊OT တနေ့ ၄ နာရီ အတွက် မရရှိခြင်း ၃၊ နေ့စားဝန်ထမ်းအဖြစ် ၂ နှစ်ပြည့်သည်အထိ ထားရှိခြင်း ၄၊ EC စာချုပ် ချုပ်ဆိုရန်ပျက်ကွက်ခြင်း တို့အတွက် ကူညီဖြေရှင်းပေးဖို့ STUM သို့အကူညီတောင်းခံခဲ့ရခြင်းဖြစ်တယ်လို့ သိရပါတယ်။
လက်ရှိမှာတော့ အဆိုပါတောင်းဆိုချက်၄ချက်အတွက် အလုပ်သမား၊ အလုပ်ရှင်နဲ့ အမှတ်တံဆိပ်တို့ ညှိနှိုင်းနေဆဲဖြစ်တယ်လို့ သိရပါတယ်။
