ထိုင်းနိုင်ငံ စမွတ်စခွန်ပြည်နယ် မဟာချိုင်မြို့နယ် ဘန်ဘော် ၃ ရပ်ကွက် ထိုင်းတရုတ်ဆောက်လုပ်ရေးအချောထည်အတွင်းအပြင် အလှဆင်ပေးနေတဲ့ကုမ္ပဏီမှ လုပ်သား(၂၀ )ဦးသည်လုပ်အားခများပုံမှန်မရရှိသည့်အတွက် AAC မဟာမိတ်အဖွဲ့မှ သက်ဆိုင်ရာထိုင်းအစိုးရ အာဏာပိုင်များကိုအမှုဖွင့်တိုင်ကြားခဲ့ရာ လုပ်ငန်းရှင်မှ လုပ်အားခနှင့်နစ်နာကြေး ဘတ်ငါးသိန်းခန့် ပေးအပ်ခဲ့ကြောင်း AAC မဟာမိတ်အဖွဲ့မှသိရပါတယ်။
AAC မဟာမိတ်အဖွဲ့မှ အလုပ်သမားများလုပ်အားခပုံမှန်မရခြင်းအတွက်ဆောက်လုပ်ရေး ကုမ္ပဏီကိုအမှုဖွင့်တိုင်ကြားခဲ့ရာ ရက်ပေါင်းငါးဆယ်အကြာမှာ အလုပ်ရှင်မှ နယ်မြေခံ အလုပ်သမားအကာအကွယ်ပေးရုံးသို့လုပ်အားခနှင့်နစ်နာကြေးများကိုလာပေးခဲ့ခြင်းဖြစ်ကြောင်းသိရပါတယ်။
"အလုပ်သမားတွေကနှစ်ကြီးသမားတွေဘဲ။မန်နေဂျာပြောင်းသွားချိန်သုံးနှစ်လောက်ရှိပြီ။လုပ်အားခပုံမှန်မပေးဘူး ။စားဖို့သောက်ဖို့ဘဲပေးတယ်။အဲ့ကနေ ဒီလစာကိုနောက်လမှပေးတယ်နောက်လစာကိုနောက်လမှပေးရင်းက ပြီးခဲ့တဲ့သုံးလလောက်ကကျတော့လုံးဝကိုမပေးတော့တာ။ကလေးတွက ကျွန်တော်တို့ AAC အဖွဲ့ကိုအကူအညီတောင်းလာတော့သက်ဆိုင်ရာနယ်မြေခံ ရုံးတွေကို ဒီအလုပ်သမားတွေဒီလိုအခက်အခဲဖြစ်ပါတယ်သွားတိုင်လိုက်တာ။အမှုကိုလက်ခံပြီးတရားစွဲခဲ့တာ ရက်ခြောက်ဆယ်ဆိုသူကတရားရုံးတက်ရတော့မှာလေ။အခုရက်ငါးဆယ်မှာလုပ်အားခကိုသူလာပြီးရှင်းသွားတာပါ" လို့ AACမ ဟာမိတ်အဖွဲ့ဒါရိုက်တာဦးခိုင်ကြီး ကပြောပါတယ်။
အလုပ်သမားများအနေဖြင့် အလုပ်လုပ်ခပုံမှန်မရရှိခြင်းများ လုပ်အားခမရရှိခြင်းများအတွက် AAC မဟာမိတ်ရုံဖုန်း 0853415611၊0813066679၊0948879992၊0661593331 ဆက်သွယ်အကူညီတောင်းခံနိုင်ကြောင်း AAC မဟာမိတ်အဖွဲ့ထံမှသိရပါတယ်။
