ရန်ကုန်မြို့ ရွှေပြည်သာစက်မှု့ဇုန်ထဲမှာ လုပ်ကိုင်နေတဲ့ Asia Just Co.,Ltd ရဲ့မန်နေဂျာမှာအလုပ်သမားတွေအပေါ်လုပ်ခလစာခေါင်းပုံဖြတ်နေတဲ့အပြင် စက်ရုံစည်းကမ်းများကိုပါဖောက်ဖျက်ပြီးဝန်ထမ်းများအပေါ်နိုင့်ထက်စီးနင်းပြုမူနေတာတွေရှိနေတဲ့အပြင် ရက်မှန်ကြေးဖြတ်တောက်တာတွေရှိနေတဲ့
အတွက်ဒီကနေ့မှာပဲစက်ရုံလုပ်သားတွေ မန်နေဂျာကိုတာဝန်ကရပ်ဆိုင်းပေးဖို့ဆန္ဒပြခဲ့ကြတယ်လို့သိရပါတယ်။
ဒီကိစ္စကိုစက်ရုံတာဝန်ရှိသူတွေနဲ့နိုဝင်ဘာလထဲကပြောဆိုဆွေးနွေးခဲ့ပြီးဖြေရှင်းပေးခဲ့တာမျိုးမရှိတဲ့အတွက်ယခုဒီဇင်ဘာလ ၄ ရက်နေ့ကနေယနေ့အထိလုပ်ငန်းခွင်မဝင်တော့ပဲဆန္ဒပြခဲ့တာဖြစ်တယ်လို့သိရပါတယ်။
"ခုကတော့အလုပ်ပြန်မဆင်းဘူးဆိုအလုပ်ထုတ်မယ်ဆိုပြီးပြောလာတယ် ရက်မှန်ကြေးကတော့မပေးတော့တာကြာပြီ ကျတော်တို့တောင်းဆိုတဲ့အထဲမှာ အဲ့ဒါတွေလဲပါတယ်၊ သူဌေးသုံးယောက်ထဲကတယောက်ဆေးရုံတက်နေရတယ် ဆိုပြီးသူတို့ကအကြောင်းပြနေတာ ခုချိန်ထိကိုလုံးဝမညှိနှိုင်းဘူးမဖြေရှင်းပေးဘူး"လို့စက်ရုံဝန်ထမ်းတဦးကMLNကိုပြောပါတယ်။
မန်နေဂျာဦးစိုင်းလင်းထွန်းဆိုသူမှသူစိုက်ပျိုးထားတဲ့ပန်းတွေပျောက်တဲ့ကိစ္စနဲ့စက်ရုံအလုပ်သမတွေကိုရိုင်းစိုင်းစွာပြောဆိုတာတွေရှိခဲ့တဲ့အပြင်အရက်သေစာသောက်စားပြီးခိုက်ရန်ဖြစ်ပွားတာတွေပြုလုပ်ပြီးအလုပ်သမားတွေအပေါ်ကိုယ်ထိလက်ရောက်ကျူးလွန်တာတွေရှိလာတဲ့အတွက်အခုလိုထုတ်ပယ်ပေးဖို့အထိဆန္ဒထုတ်ဖော်ခဲ့တာဖြစ်တယ်လို့လဲသိရပါတယ်။
"ကျတော်တို့ကမန်နေဂျာကိုမထုတ်ပေးရင်တောင်ကျတော်တို့ကိုလာမအုပ်ချုပ်ဖို့ပြောထားတယ်ဗျာပြီးတော့ ရက်မှန်ကြေးပြန်ပေးဖို့ပြောထားတယ်ကျတော်တို့ဆိုခုမနက်ကနေစက်ရုံဆင်းချိန်အထိစက်ရုံးနားကနေရာလေးတွေမှာနေပြီးဆန္ဒပြနေကြရတာအခက်အခဲရှိတယ်"လို့ AJ စက်ရုံဝန်ထမ်းတဦးကဆိုပါတယ်။
အဆိုပါစက်ရံမှာ ဥရောပနိုင်ငံတွေနဲ့အီတလီနိုင်ငံကိုတံဆိပ်များစွာဖြင့်ကုတ်အကျီများတင်ပို့ ထုတ်လုပ်တာဖြစ်ပြီး မြန်မာနိုင်ငံမှာလာရောက်လုပ်ကိုင်နေတာနှစ်ပေါင်း၂၀ ခန့် ရှိနေပြီလို့လဲသိရပါတယ်။
ယခုစစ်အာဏာသိမ်းပြီးနောက်ပိုင်းစက်ရုံအလုပ်ရုံတွေနဲ့စက်ရုံရဲ့လက်ဝေခံတွေကအလုပ်သမားတွေအပေါ်နိုင့်ထက်စီးနင်းပြုမူပြီးလုပ်သားအခွင့်အရေးပြောင်ပြောင်တင်းတင်းချိုးဖောက်လာတာတွေရှိသလို NUG အစိုးရဖက်ကလဲ
လုပ်သားခွင့်ရေးချိုးဖောက်သူတွေကိုအရေးယူမယ်လို့ပြတ်ပြတ်သားသားကြေညာထားပါတယ်။
