ထိုင်းနိုင်ငံ ချင်းမိုင် မြို့ ဆောက်လုပ်ရေး လုပ်ငန်းမှာ လုပ်ကိုင်နေတဲ့ MOU မြန်မာအလုပ်သမား ၁၆ဦး မှာ လုပ်ခလစာ တစ်လ ခွဲစာ မရတဲ့ အတွက် အလုပ်သမားအဖွဲ့ စည်းကတစ်ဆင့်သက်ဆိုင်ရာကို တိုင်ကြားခဲ့တာ မှာနိုဝင်ဘာ ၁ရက်နေ့ မှာ လုပ်ခလစာ စုစုပေါင်း ဘတ် ၂သိန်းကျော် ပြန်ရခဲ့တယ်လို့ ထိုင်းရောက်မြန်မာ အလုပ်သမား ရေးကူညီပေးနေတဲ့WAGအလုပ်သမားမဟာမိတ်အဖွဲ့ထံက သိရပါတယ်။
မြန်မာနိုင်ငံမှ GREAT SILVER LAND SERVICES CO.,LTD နှင့်ချိတ်ဆက်၍ ထိုင်းနိုင်ငံ ၊ဘန်ကောက်မြို့ ဟွေခွမ်ခရိုင်၊လတ်ချဒါတွင်ရှိတဲ့ ကုမ္ပဏီ မှာ အလုပ် လုပ်ရန်အတွက် (2)နှစ်စာချုပ်ချုပ်ဆိုခဲ့ပြီး ၂၀၂၄ခုနှစ် ဇူလိုင် ၃၁ရက် မှာ ဘန်ကောက်မြို့၊ဒွန်းမောင်းလေဆိပ်သို့ရောက်ရှိခဲ့ပေမယ့် ဘန်ကောက်မှာ အလုပ်မရှိလို့ဆိုကာ ချင်းမိုင် ရှိ ဆောက်လုပ်ရေး လုပ်ငန်း ခွင်ကို ရောက်ရှိခဲ့တာ ဖြစ်တယ်လို့ သိရပါတယ်။
ချင်းမိုင်းမြို့ရှိ SMC-(ဆောက်လုပ်ရေးဆိုက်) မှာ ဩဂုတ် ၃ရက် နေ့ မှာ အလုပ်စဆင်းရပြီး ပထမ (၁၅)ရက်လုပ်အားခကိုရှင်းပေးခဲ့ပေမယ့် (၈)လပိုင်း လဝက်စာနဲ့ (၉)လပိုင်း (၁)လစာ လုပ်အားခကို မပေးဘဲ အလုပ်ရပ်နားလိုက်တာကြောင့် အလုပ်သမားတွေက အေဂျင်စီထံ ဆက်သွယ်ပေမယ့် ဖြေရှင်းပေးခြင်းမရှိတာကြောင့် WAG အလုပ်သမား မဟာမိတ်အဖွဲ့ ထံ နစ်နာသူအလုပ်သမားတွေက အောက်တိုဘာ၁၂ရက်က အကူညီတောင်းခံ ခဲ့တယ်လို့ ဆိုပါတယ်။
လက်ရှိမှာတော့ အလုပ်သမား ၁၆ဦး ရရှိမယ့် လုပ်ခလစာ စုစုပေါင်း ဘတ် ၂၇၃၀၀၀ ပြန်လည်ရရှိတဲ့ အပြင် အေဂျင်စီ ဘက် မှ လည်း အလုပ်နဲ့ပတ်သက်ပြီး တာဝန်ယူ ပေးတယ်လို့
သိရပါတယ်။
